[馬灣好去處] 拍拖親子小旅行 8大必遊打卡熱點

如果馬灣畀你嘅印象就只有挪亞方舟同珀麗灣,咁你就大錯特錯喇!馬灣嘅旅遊資源其實相當豐富,除咗挪亞方舟主題公園,仲有東灣沙灘、青馬大橋、古舊遺跡,仲可以行山打卡,今個weekend,無論係拍拖或者親子旅行,都可以參考我哋嘅馬灣8大必遊打卡熱點,過一個輕鬆好玩假期。

提提你
1. 作為旅客嘅我哋記住要保持寧靜,唔好影響當地人嘅生活呀
2. 前往馬灣必須乘搭公共交通工具,絕不可以自駕遊

挪亞方舟
講起挪亞方舟,無論你係任何宗教背景,相信都聽聞過呢個經典故事。而呢個主題公園,就係根據呢個故事發展,更加係全球首個根據遠古所載一比一建造。挪亞方舟主題公園分為方舟花園、方舟博覽館、方舟生命教育館、珍愛地球館及室外等多個歷奇公園組成,主題圍繞生命教育、環保、動物保育為主。
購買門票:經KlookKKDAY預訂門票更抵更方便!

東灣沙灘
喺挪亞方舟主題公園同碼頭中間嘅位置,就有呢個東灣沙灘,沙灘有救生員當值,亦有設備完善嘅更衣室、洗手間、沖洗區同儲物櫃。但呢個沙灘最大嘅賣點,係可以望住青馬大橋壯觀嘅景色下游水或曬太陽。

馬灣公園
公園分為多個園區,包括彩虹牆、意中園、金律廣場、主題花園、鳥望台、歷奇園地等,公園亦設有再生能源展區,但plan行程時要特別留意公園嘅開放時間為每日10:00-18:00。

彩虹牆
由10位意大利藝術家用咗接近一個月時間繪畫,畫作以立體創作,表達人世間七種不同層次嘅愛。

意中園
起點嘅雕塑代表一家人,寓意由嬰孩、成長,到戀愛階段,係一個好受歡迎嘅影婚紗照地點。

太陽館
太陽館擁有東南亞最大型、直徑達三百五十毫米嘅民用真空太陽望遠鏡,可以觀察到太陽嘅活動。另外,館內亦設有不同展覽,讓你更了解太空嘅知識。

馬灣公園古蹟館
發展馬灣嘅時候,考古學家發現呢度有唔少歷史遺跡,其中包括新石器時代中期嘅夾砂陶器碎片、新石器時代晚期嘅墓葬同馬灣人骨、唐代灰窰同清代磚窰等,現收藏於前身為馬灣公立芳園學校改建而成嘅古蹟館。

芳園書室
芳園書室樓高兩層,樓面面積約140平方米,喺1920年代建成至2003年停止辦學,被評級為香港三級歷史建築。書室活化成博物館,展出馬灣歷史,例如:漁船模型同天后誕花炮等等,仲可以重溫昔日上課情況。

大嶺頭

提提你
1. 大嶺頭最高點只有69米,來回約30分鐘,上落波幅唔大,適合初級行山人士,大家記住量力而為
2. 沿途不設任何補給點,所以出發前可以喺馬灣市區購買補給品同先去洗手間
3. 大家記住保持環境清潔,自己垃圾自己帶走,絕對唔可以破壞大自然環境

由挪亞方舟旁嘅珀欣路盡頭開始出發,沿石屎斜路一直向上,就會穿過汲水門大橋嘅橋底,經過思親亭同墳場,就會去到大嶺頭標高柱,喺呢個馬灣高點就可以睇到青馬大橋及汲水門大橋全景,如果撞啱日落時間就更加靚啦!

馬灣大街
曾經為馬灣島內最繁榮嘅市鎮,大街內最出名嘅就係天后廟同民居外牆嘅壁畫。不過因應發展馬灣主題公園二期,呢個舊城區已經被遺封,將會活化成為藝術村,以作藝術工作室、工作坊、零售同餐飲用途,項目預計2024年落成,所以依家嚟到只可以遠觀。

世界各地/香港景點門票邊度買至平?
–> Klook:www.klook.com <–
–> Trip.com:www.trip.com <–
–> KKday:www.kkday.com <–

馬灣 Ma Wan

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
大眾點評:A姐M佬
Trip Advisor:AandMDiary
Youtube:A姐M佬玩樂日記
報料或合作:keepintouch@aandmdiary.com

aandmdiary

香港生活、飲食、旅遊、電影博客 Hong Kong Foodie, Lifestyle, Food, Travel and Movie Blogger & KOL, Hong Kong Blogger 分享香港餐廳美食推介及食評,影評最新電影評論及推薦,香港周末拍拖好去處,自由行行程景點建議安排,旅行攻略懶人包等。

Leave a Reply

Your email address will not be published. Required fields are marked *