馬照跑舞照跳 香港賽馬博物館

「馬照跑,舞照跳」係當年鄧小平講過嘅說話,其實香港自1997年回歸開始,經歷咗好多,好似政治體制、疫症、新聞同學術自由、經濟衰退等等,但至少仲有一樣嘢係未改變嘅,就係香港嘅賽馬文化。縱使投注額下降,又或者你唔係賭馬嘅人,但至少都會記得曾受大眾留意嘅巴基之星。今日我哋嚟到跑馬地馬場嘅香港賽馬博物館,了解香港賽馬150多年來嘅輝煌歷史。

香港賽馬博物館
喺1996年10月18日開幕,佔地超過6000平方呎,分為8個展覽廳同禮品廊。從展館可以了解香港賽馬歷史、跑馬地快活谷同沙田馬場嘅發展史,以及幾匹一代名駒嘅資料。

跑馬地快活谷馬場
早喺1846年,英國人將賽馬活動引入殖民地時期嘅香港,興建跑馬地快活谷馬場,並喺1884年成立香港賽馬會,管理香港賽馬運動。早期賽馬每年只舉辦一次,而參與賽事嘅馬主同馬迷,主要係政府官員同任職洋行嘅英國人同其他外籍人士。到後期英國人同華人各有專屬看台,令賽馬成為當時唯一合法嘅賭博活動。跑馬地馬場為目前世界少有位於市區嘅馬場,設有一條草地跑道,喺香港賽馬博物館就可以俯瞰整個跑馬地馬場嘅全景。

馬會會籍
成為馬會嘅會員一直都係唔少有錢人嘅指標,但原來早期只有喺香港定居嘅歐洲人先可以擁用,直到1925年香港發生省港大罷工,殖民地政府開始對華人採取較寬鬆嘅政策,包括取消專屬看台同容許華人成為馬會會員。

戰後發展
喺日治時期,雖然賽馬活動繼續舉行,但因打仗而馬匹缺乏,當時嘅賽馬活動甚至用木馬作賽。直至第二次世界大戰後,經濟復甦,加上以前嘅香港娛樂唔多,大家都希望以小博大參與投注,所以賽馬大受歡迎,而且當年必須進入跑馬地馬場先可以參與投注,所以經常全場爆滿仲會懸掛象徵爆棚嘅紅旗。喺博物館內就見到當年嘅電算機,以取代人手售票、計算派彩同公佈賽果等工作。隨住賽馬運動發展,由當時嘅業餘騎師制度演變成職業化,並開設見習騎師訓練班,訓練本地全職騎師,其中告東尼就係首屆嘅畢業見習生。喺1973年,馬會喺快活谷跑道上安裝燈光系統,自此逢星期三就會舉行夜馬賽事,吸引馬迷放工後入場觀賽。同時間設立場外投注處、電話投注同電視直播,可見賽馬絕對係一件盛事。

沙田馬場
喺1978年10月7日落成啟用之後,經過不斷擴建,包括加建看台、全世界最闊嘅彩色大屏幕同天幕等等,自此主要錦標賽事就改於沙田馬場舉行。沙田馬場內設有彭福公園,彭福係當時香港賽馬會首任總經理彭福將軍而命名,每當沙田馬場舉行賽事,彭福公園就會關閉。沙田馬場設有草地、泥地兩條跑道,可以容量85,000人,係亞洲頂級嘅賽馬場地。沙田馬場設有兩座看台,分為會員席同公眾席,亦為會員提供飲食同康樂設施。

馬季及賽馬日
香港跑馬一般喺9月開始至7月中抖暑,於星期三、星期日同部份星期六舉行共88個賽事日,逢星期三嘅夜馬,多數喺跑馬地馬場舉行,至於週末賽事就多數喺沙田馬場舉行。賽事期間,18歲以下人士不准入場,但每年都會舉辦賽馬嘉年華,歡迎一家大小入場狂歡。

馬王
喺博物館內仲展出咗香港三屆馬王「翠河」嘅標本,「翠河」係首匹被邀請參加美國國際一級賽雅靈頓百萬大賽海外賽事嘅香港馬匹。仲有歷年嘅獎項。

但記住沉迷賭博,等於倒錢落海!

世界各地/香港景點門票邊度買至平?
–> 詳情請睇:https://wp.me/p8vzXP-6G <–

香港賽馬博物館 The Hong Kong Racing Museum
地址:跑馬地馬場快活看台 2 樓
電話:2966 8065
開放時間:12:00-19:00 (夜賽期間延長開放至21:00)
門票:免費
網址:www.hkjc.com

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
大眾點評:A姐M佬
Trip Advisor:AandMDiary
Youtube:A姐M佬玩樂日記
報料或合作:keepintouch@aandmdiary.com

aandmdiary

香港生活、飲食、旅遊、電影博客 Hong Kong Foodie, Lifestyle, Food, Travel and Movie Blogger & KOL, Hong Kong Blogger 分享香港餐廳美食推介及食評,影評最新電影評論及推薦,香港周末拍拖好去處,自由行行程景點建議安排,旅行攻略懶人包等。

Leave a Reply

Your email address will not be published. Required fields are marked *