270度維港絕密秘景 龍虎山及松林炮台

港島係商業重心,但喺繁忙嘅鬧市背後,其實都有唔少郊遊路線俾大家放輕鬆吓。我同A姐今個weekend繼續由山頂出發,嚟到龍虎山郊野公園,呢到除咗有歷史遺蹟嘅松林炮台之外,亦有一個秘景可以睇到270度維港絕美景色。

提提你
1. 喺龍虎山郊野公園內設有多個洗手間,方便行山郊遊人士
2. 大家記住保持環境清潔,自己垃圾自己帶走,絕對唔可以破壞大自然環境
3. 松林炮台內嘅建築為歷史遺蹟,大家要愛護同保護歷史

前往方法
1. 可以由香港大學港鐵站出發,以上山路段前往龍虎山
2. 最輕鬆舒服嘅方法就係坐巴士或山頂纜車去到山頂,再經山頂環迴步行徑前往龍虎山

龍虎山郊野公園
郊野公園佔地約47公頃,為香港面積最小嘅郊野公園。

松林炮台
喺松林炮台區域嘅大草地內,設有涼亭同洗手間俾大家稍作休息。

松林炮台嘅建造係英軍為咗提防列強入侵香港,而建於海拔307米高嘅龍虎山,係香港最高嘅炮台。直至二次大戰後,松林炮台荒廢。如今成為遊人的景點。

松林廢堡古蹟徑
古蹟徑內有唔少戰時碉堡、炮台、機鎗堡、彈藥庫、兵房、戰壕、軍灶等等嘅戰時建築,吸引唔少人上嚟打卡。而龍虎山之所以成為軍事重地係因為呢度為維港西面嘅要地,與東面嘅鯉魚門炮台,分別成為守護維港嘅重要軍事基地。

龍虎山標高處
嚟到龍虎山嘅涼亭,因為被繁茂嘅樹木包圍,令我哋睇唔到維港兩岸嘅景色,但其實只要經過健體設施,就可以行一條短短嘅山路,出到去龍虎山嘅標高處,喺呢個秘境就可以睇到270度嘅維港絕美靚景。

石雕
上到嚟龍虎山,除咗睇靚景,呢度仲有三個石雕,分別標左龍、鳳同大佛,大家嚟到嘅時候千祈唔好錯過。

山頂
起步同終點都可以選擇途經山頂環迴路線,喺山頂廣場食吓嘢或者順道遊覽同一吓!一於睇吓山頂有啲咩好去處啦!
詳情:aandmdiary.com/peak

世界各地/香港景點門票邊度買至平?
–> Klook:www.klook.com <–
–> Trip.com:www.trip.com <–
–> KKday:www.kkday.com <–

龍虎山 Lung Fu Shan

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
大眾點評:A姐M佬
Trip Advisor:AandMDiary
Youtube:A姐M佬玩樂日記
報料或合作:keepintouch@aandmdiary.com

aandmdiary

香港生活、飲食、旅遊、電影博客 Hong Kong Foodie, Lifestyle, Food, Travel and Movie Blogger & KOL, Hong Kong Blogger 分享香港餐廳美食推介及食評,影評最新電影評論及推薦,香港周末拍拖好去處,自由行行程景點建議安排,旅行攻略懶人包等。

Leave a Reply

Your email address will not be published. Required fields are marked *