來讓我飛上「一百萬呎」的空氣!A姐M佬生日免費玩轉昂坪360!

話說我M佬生日,A姐話生日有得免費飛一轉,心諗邊間航空公司咁正?等我帶埋Passport同Travel Journal出發先。喺機場巴士到,不斷問A姐究竟飛去邊,佢就懶神秘,死都唔講。點知去到東涌落車,乜唔係去機場咩?

行呀行,
行呀行,
行到去……昂坪360
A姐就得得戚咁話:到啦!

ngong-ping-360-昂坪360-大嶼山-天壇大佛-心經簡林-1

吓!又話飛嘅?坐纜車都叫飛!真係你先諗到。不過心諗我就係鍾意呢個女人嘅randomness。

ngong-ping-360-昂坪360-大嶼山-天壇大佛-心經簡林-2

原來香港居民於生日當天,出示有效之身分證,即可獲免費標準車廂來回門票乙張。

ngong-ping-360-昂坪360-大嶼山-天壇大佛-心經簡林-3

車程全長25分鐘,沿途翻山越嶺,偶有雲霧,真係好似飛上「一百萬呎」的空氣,更可以遠望大佛。

ngong-ping-360-昂坪360-大嶼山-天壇大佛-心經簡林-4 ngong-ping-360-昂坪360-大嶼山-天壇大佛-心經簡林-5

如果有興趣了解沿途嘅建設同自然風光,可以在上車前scan下poster上面嘅QR code,收聽導賞錄音。不過導賞並非連接GPS,只是一段普通聲帶,所以要一開車就要開始。提提大家,導賞只提供由東涌出發的路段。ngong-ping-360-昂坪360-大嶼山-天壇大佛-心經簡林-6

到站後,馬上進入昂坪市集,除咗食店同禮品店外,原來仲有三個娛樂設施,好似Theme Park咁。

我M佬自己最鍾意「與佛同行」,可惜場內不准拍攝。影片分為三種語言,整個體驗約為二十分鐘。進場前嘅等候區都經過仔細嘅安排,暗淡嘅燈光畀人一種神秘而又寧靜嘅感覺。以動畫配合燈光效果,講述釋迦牟尼頓悟成佛的一生,影片結尾更有驚喜。看畢影片後,會進入另一空間,名為「經葉堂」。環境平靜,觀眾可揀選寫著不同菩提智慧嘅菩提葉,再會一會內堂的佛像,上面嘅吊燈裝飾美觀而莊嚴。

ngong-ping-360-昂坪360-大嶼山-天壇大佛-心經簡林-7 ngong-ping-360-昂坪360-大嶼山-天壇大佛-心經簡林-8

另外,A姐再帶我睇其中一個新開嘅景點:360動感影院,是5D感官體驗,片長約10分鐘。故事講述大家坐上飛船,途中飛越天壇大佛、跟中華白海豚一起暢泳、穿梭大嶼山。故事無頭無尾,結構鬆散,內容炒埋一碟。感官刺激來來去去都係嗰幾味,明顯技窮。我哋都大失所望,絕不推介。

ngong-ping-360-昂坪360-大嶼山-天壇大佛-心經簡林-9

360舞臺為昂坪另一新娛樂體驗,不過我哋無買票看。佢以真人現場表演為賣點,可近距離呈現刺激震撼的動作場面,帶你進入經典武動世界。聲稱有爆破、有煙霧、有威也、有電光對決。你更可化身經典電影角色,與高手「打」成一片。單看簡介,似乎很吸引,大家可以不妨一試。

ngong-ping-360-昂坪360-大嶼山-天壇大佛-心經簡林-10

離開昂坪市集,向全球最高的戶外青銅坐佛 — 天壇大佛 — 進發。想近距離朝聖,就必需要行過268級嘅長梯。A姐邊行邊透大氣,仲要小休兩次,睇嚟真係要同佢做多啲運動。咁辛苦上到去,大家可以先到內堂門口的小賣部買支飲品,價錢跟7仔差不多。之後大家可以參觀內堂 。內裏分為三層:功德堂、法界堂及紀念堂。三層殿堂由圓型樓梯貫通,中間掛住「瑜伽鐘」,由電腦控制大鐘每隔7分鐘便會自動敲打一次,共敲108次,喻意「解除108種煩惱」。 之後大家更可在外圍觀賞大佛,並眺望昂坪的自然景色。

ngong-ping-360-昂坪360-大嶼山-天壇大佛-心經簡林-11 ngong-ping-360-昂坪360-大嶼山-天壇大佛-心經簡林-12

好多人睇完大佛,可能就會走。不過千其唔好錯過心經簡林,雖然由大佛大概要行15分鐘,不過認真值得去。此為世界最大的戶外木刻佛經群,是饒宗頤的墨寶,刻在 38 根的花梨木柱上。排列成「8」形,代表生生不息。大家記住要去埋心經簡林觀景台,遠望簡林,感受其氣勢。

ngong-ping-360-昂坪360-大嶼山-天壇大佛-心經簡林-13 ngong-ping-360-昂坪360-大嶼山-天壇大佛-心經簡林-14

喺今次嘅旅程,嬌小嘅A姐仲答應我……佢應承我……我好感動呀!佢肯陪我行上去鳳凰徑睇日出呀。等10月A姐生日要再嚟呀!

喺咁熱嘅天氣,臨走嘅時候嘆番碗山水荳腐花先!雖然唔係好滑,但勝在消暑!ngong-ping-360-昂坪360-大嶼山-天壇大佛-心經簡林-15

門票價格:
標準纜車來回:成人HK$165、長者65歲以上HK$115、小童3-11歲HK$85
水晶纜車來回:成人HK$255、長者65歲以上HK$205、小童3-11歲HK$175
1+1標準及水晶纜車來回:成人HK$230、長者65歲以上HK$180、小童3-11歲HK$150
與佛同行:HK$40
360動感影院:HK$88
360舞臺:HK$118
昂坪動感同行套票(標準纜車來回+360動感影院+與佛同行):
成人HK$245、長者65歲以上HK$190、小童3-11歲HK$160
昂坪動感同行套票(水晶纜車來回+360動感影院+與佛同行):
成人HK$315、長者65歲以上HK$265、小童3-11歲HK$235
昂坪大舞臺套票(標準纜車來回+360大舞臺+昂坪市集小食券):
成人HK$245、長者65歲以上HK$190、小童3-11歲HK$160
昂坪大舞臺套票(水晶纜車來回+360大舞臺+昂坪市集小食券):
成人HK$315、長者65歲以上HK$265、小童3-11歲HK$235

提提你:持有香港身分證的人士,購買以上車票或套票,均享9折優惠;所有65歲以上香港長者可用優惠價HK$20乘搭昂坪來回標準車廂纜車,及HK$20選擇以下其中一款升級禮遇:升級乘坐水晶車廂纜車或「360舞臺」入場門票或「360動感影院」入場門票或「與佛同行」入場門票(以上優惠至2015年6月30日)。

網址:www.np360.com.hk

Klook
Klook購買昂坪360門飛

Klook.com


網址:www.klook.com

(記住Like同Share畀朋友)


想緊貼A姐M佬嘅吃喝玩樂資訊,快啲Follow埋下面嘅Channel啦!

Facebook:A姐M佬 玩樂日記
Instagram:AandMdiary
Pinterest:AandMDiary
Openrice:A姐M佬
報料或合作:aandmdiaryhk@gmail.com

aandmdiary

香港生活、飲食、旅遊、電影博客 Hong Kong Foodie, Lifestyle, Food, Travel and Movie Blogger & KOL, Hong Kong Blogger 分享香港餐廳美食推介及食評,影評最新電影評論及推薦,香港周末拍拖好去處,自由行行程景點建議安排,旅行攻略懶人包等。

Leave a Reply

Your email address will not be published. Required fields are marked *