【山頂一日遊】 最詳盡的山頂食玩好去處 | 山頂交通、山頂美食、山頂景點、山頂行山路線及生日優惠完整攻略

係人都知太平山山頂係香港知名嘅旅遊景點,但除咗可以欣賞聞名世界嘅香港景色之外,其實山頂仲有咩玩呢?山頂嘅旅遊景點眾多,本文綜合十一個山頂景點,包括主題公園、博物館、行山郊遊路線,甚至山頂獨有嘅美食,就趁全新嘅第六代山頂纜車即將啟用,不如計劃一個山頂一日遊啦!

山頂交通

1. 自駕遊
咪表:山頂道設有少量咪表停車位
山頂廣場停車場:每小時HK$38(星期一至五任何消費可享3小時免費泊車優惠;星期六、日及公眾假期單一消費滿HK$100或以上可享1小時免費泊車優惠)

2. 山頂纜車
山頂纜車時間:上午7時正至午夜12時正
山頂纜車班次:每15-20分鐘一班
山頂纜車收費:成人單程37港元,來回52港元;小童及長者單程14港元,來回23港元
注:現時山頂纜車正進行翻新工程,暫時停止運作。而第六代山頂纜車預計於2022年夏季啟用

3. 新巴
X15:中環渡輪6號碼頭↔山頂
15:中環渡輪碼頭/交易廣場↔山頂

4. 專線小巴
1:香港站公共運輸交匯處↔山頂

山頂好去處

1. 山頂好去處:太平山山頂凌霄閣摩天台428
上嚟山頂,當然唔可以錯過欣賞世界知名嘅香港日景同夜景啦!喺太平山頂望落去,可以睇到港九維港兩岸嘅高樓大廈,呢個景觀更被稱為世界三大夜景之一。如果天氣好嘅話仲可以睇到獅子山同郵輪碼頭添!但欲窮千里目,就要更上一層樓,提議大家可以去到太平山山頂凌霄閣摩天台428,觀景台位於海拔428米,係全港最高嘅360度觀景台,景觀無遮無擋,非常壯觀廣闊。
地址:山頂山頂道128號
開放時間:星期一至星期五 10:00 – 21:00、星期六、日及公眾假期 08:00 – 21-00
生日優惠:詳情
門票優惠:立即預訂

2. 山頂好去處:山頂大富翁夢想世界主題館
A姐成日都話求包養,我就包養唔起佢架喇,所以一於介紹個鑽石王老五俾佢識啦!呢個人住喺山頂,有錢到人人都識,佢就係大富翁喇!位於山頂廣場嘅大富翁夢想世界 Monopoly Dreams Hong Kong 係全球第一個大富翁主題館,裡面有唔同嘅打卡位同娛樂設施,無論一家大細定拍拖去玩都啱晒。
地址:香港山頂道118號山頂廣場3樓301號舖
遊玩詳情:山頂大富翁夢想世界 週末拍拖打卡好去處
開放時間:星期一至星期日 10:00 – 20:00
生日優惠:詳情
門票優惠:立即預訂

大富翁夢想世界, 香港, 山頂, 山頂道, 山頂廣場, 門票, 優惠, 好玩, 有咩玩, 打卡位, 場內設施, 親子好去處, 週末好去處, 拍拖好去處, 打卡好去處, A姐M佬港去玩, Monopoly Dreams Hong Kong

3. 山頂好去處:山頂杜莎夫人蠟像館
山頂杜莎夫人蠟像館有超過100個本地及世界各地嘅名人蠟像,大家可以喺9個主題館,包括魅力香江、樂壇巨星、時尚專區、韓流專區、世界首映、動漫遊戲世界、藝術館、體壇猛將,功夫專區同名人合照,包括:碧咸、李麗珊、楊千嬅、陳慧琳、劉德華、古巨基、梅艷芳、張國榮、Lady Gaga等等,逐個打卡都可以玩足成日啦!
地址:山頂道128號凌霄閣P101號舖香港杜莎夫人蠟像館
開放時間:星期一至星期日 11:00 – 20:00
生日優惠:詳情
門票優惠:立即預訂

4. 山頂好去處:山頂花園
原來山頂有一個Secret Garden,唔知你又有無去過呢?呢個Secret Garden就係山頂花園喇!山頂花園前身係香港總督嘅山頂別墅,以英式風格庭園為主題,絕對係周末同拍拖好去處,仲適合大家帶埋毛孩嚟野餐打卡添。
遊玩詳情:野餐好去處 秘遊山頂花園
地址:香港太平山柯士甸山道

5. 山頂好去處:柯士甸山遊樂場
山頂花園曾經係總督山頂別墅,而柯士甸山遊樂場就曾經係港督嘅後花園喇!柯士甸山遊樂場都有一大片草地,十分適合大家野餐。另外,柯士甸山遊樂場亦係寵物共享公園,記住帶埋毛孩嚟放電呀!
遊玩詳情:港督後花園 柯士甸山遊樂場

6. 山頂好去處:西高山
太陽喺西邊落山就係人都知,所以要睇日落就梗係要去香港嘅西邊啦!位於港島西面嘅西高山海拔493.8公尺,係香港島上第四高嘅山峰,可以飽覽港島西岸景色、海岸日落靚景,不過就要挑戰500級樓梯喇!
遊玩詳情:港島西港島最 日落靚景西高山

7. 山頂好去處:盧吉道環迴步行徑
上到嚟山頂,就梗係要睇佢全相啦!講緊嘅全相當然就係維港全景啦!山頂居高臨下,有唔少睇風景嘅check point,其中呢條山頂環迴步行徑就有過百年歷史!更重要係全程以平路為主,輕鬆易行,適合推BB車同長者㗎!
遊玩詳情:BB班郊遊徑睇維港靚景 山頂盧吉道環迴步行徑

8. 山頂好去處:龍虎山及松林炮台
松林炮台係英軍為咗提防列強入侵香港,而建於海拔307米高嘅龍虎山,係香港最高嘅炮台。直至二次大戰後,松林炮台荒廢。如今成為遊人的景點。
遊玩詳情:270度維港絕密秘景 龍虎山及松林炮台

9. 山頂好去處:GO Museum – Cyber X
以元宇宙內一個擁有高端智慧嘅智能系統為主題,利用光與影嘅結合,反複交錯營造出各種未來感十足呡圖案和畫面。雖然面積唔大, 但絕對有玩Team Lab嘅感覺,打卡一流!
地址:GO@Peak Galleria山頂廣場2樓201A
開放時間:星期一至四 11:00 – 18:30、星期五至日及公眾假期 11:00 – 20:00
門票優惠:立即預訂

優惠, 凌霄閣, 太平山, 太平山山頂, 山頂, 山頂好去處, 山頂廣場, 山頂纜車, 打卡好去處, 拍拖好去處, 攝影好去處, 旅行, 日落, 生日優惠, 自駕遊, 親子好去處,  週末好去處, 香港好去處

10. 山頂好去處:漢堡王 Burger King
以前嘅Burger King(漢堡王)喺香港有唔少分店,但因為經營不善加上受疫情影響,依家想食Burger King就只有最後一間位於山頂凌霄閣嘅分店喇!
美食詳情:全港唯一分店 山頂漢堡王
地址:山頂山頂道128號凌霄閣1樓1號舖
開放時間:星期一至四及星期日 11:00 – 19:00、星期五至六 11:00 – 20:00

A姐M佬九大簋, Burger King, 人氣之選, 凌霄閣, 山頂, 快餐店, 推介, 推薦, 漢堡包, 漢堡王, 美國菜, 美食, 評論, 食乜好, 食評, 餐廳, 香港

11. 山頂好去處:鼎尚棋哥燒鵝湯館
由鼎爺廚房李家鼎同棋哥聯手打造嘅港式餐廳,主打多款鼎爺靚湯以及棋哥嘅招牌古法荔枝柴煙燻燒鵝。加上餐廳融入舊香港嘅特色設計,有得食又有得打卡!
地址:山頂山頂道118號山頂廣場1樓107號舖
開放時間:星期一至日 11:00 – 21:00
美食優惠:立即預訂

優惠, 凌霄閣, 太平山, 太平山山頂, 山頂, 山頂好去處, 山頂廣場, 山頂纜車, 打卡好去處, 拍拖好去處, 攝影好去處, 旅行, 日落, 生日優惠, 自駕遊, 親子好去處,  週末好去處, 香港好去處

世界各地/香港景點門票邊度買至平?
–> Klook:www.klook.com <–
–> Trip.com:www.trip.com <–
–> KKday:www.kkday.com <–

太平山山頂 Victoria Peak

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
大眾點評:A姐M佬
Trip Advisor:AandMDiary
Youtube:A姐M佬玩樂日記
報料或合作:keepintouch@aandmdiary.com

aandmdiary

香港生活、飲食、旅遊、電影博客 Hong Kong Foodie, Lifestyle, Food, Travel and Movie Blogger & KOL, Hong Kong Blogger 分享香港餐廳美食推介及食評,影評最新電影評論及推薦,香港周末拍拖好去處,自由行行程景點建議安排,旅行攻略懶人包等。

Leave a Reply

Your email address will not be published.