【工展會2022攻略】工展會必買優惠/飲食購物優惠/ 860個攤位/日期/地點/開放時間/門票收費

【工展會2022攻略】第56屆工展會購物節2022將會由2022年12月9日至2023年1月1日喺銅鑼灣維多利亞公園舉行,為期一連24日!今年場內會有860個攤位,一如既往有多款低過1折嘅購物優惠,我哋為大家整理工展會2022舉行日期、舉行地點、開放時間、門票收費、飲食購物優惠、860個攤位同必買優惠等,快啲一文睇清工展會2022攻略!

工展會2022攻略 | 舉行日期

工展會2022 | 第56屆工展會2022會由2022年12月9日至2023年1月1日,為期一連24日喺銅鑼灣維多利亞公園舉行。全場佔地28,000平方米,有860個戶外攤位。

工展會2022攻略 | 開放時間

工展會2022 | 第56屆工展會2022開放時間為早上11點至晚上9點。最後一日則開放早上11點至晚上8點。

工展會2022攻略 | 門票收費

工展會2022 | 第56屆工展會2022每位入場價為$8(身高1米或以下小童、65歲或以上長者及殘疾人士則可免費進場)

工展會2022攻略 | 860個攤位及8大專區

工展會2022 | 第56屆工展會2022一共有860個攤位,場地共設有8大專區,包括香港名牌廣場區、食品飲料區、糧油麵食區、蔘茸海味湯料區、美容保健區、服飾精品區、生活家居區、社企區及推廣區。第56屆工展會2022仲增設「香港玩具時代」主題區,玩具迷一定唔可以錯過!

工展會2022攻略 | 必買優惠
工展會2022攻略 | 3期購物優惠

工展會2022 | 第56屆工展會2022設有3期購物優惠,共超過300項,包括開鑼狂賞週(9-16/12)、88優惠連環賞(17-24/12)及閉幕優惠大激賞(25/12/2022-1/1/2023)。部分產品低至$1、1折發售,包括$1鮑魚、$1魚蛋、$1口罩及$1折香米福袋!

工展會2022攻略 | 多項現場禮遇

工展會2022 | 第56屆工展會2022準備咗總值港幣過百萬嘅豐富禮品送畀大家!除咗有「電子消賞獎賞」、「打卡有禮送」同「每日開心賞及投票贏巨獎」之外,下載工展會APP仲可以免費玩幸運大激賞及終極大激賞。咁豐富禮品,你點可以錯過!

工展會2022攻略 | 「廠商會88‧驚喜8重奏」福袋

工展會2022 | 今年廠商會88歲生日,一於開心share送禮物俾大家啦!今年88歲(1934年出生)、在8月8日生日或者身份證號碼有相連的88數字的市民,只要於12月9日中午12時開始上工展會網站登記,就有機會獲得價值港幣388元的福袋(數量有限,送完即止)!

工展會2022攻略 | 網上工展會2022

工展會2022 | 今年同樣設有「網上工展會2022」,由2022年12月1日至2023年1月9日,喺網上舉行,為期40天!網上工展會2022設有6大區,包括香港名牌廣場區、食品飲料區、蔘茸海味湯料區、美容保健區、糧油麵食區同生活家居及服飾精品區,大家足不出戶都可以盡情掃貨!

第56屆工展會2022
日期:2022年12月9日至2023年1月1日
時間:11:00 -21:00(最後一天開放至20:00)* 展覽會於19:30停止參觀人士進場,最後一天提早至晚上19:00
地點:香港銅鑼灣區維多利亞公園
門票:$8 (身高1米或以下小童、65歲或以上長者及殘疾人士則可免費進場)
網上工展會: online.hkbpe.com.hk

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
大眾點評:A姐M佬
Trip Advisor:AandMDiary
Youtube:A姐M佬玩樂日記
報料或合作:keepintouch@aandmdiary.com

aandmdiary

香港生活、飲食、旅遊、電影博客 Hong Kong Foodie, Lifestyle, Food, Travel and Movie Blogger & KOL, Hong Kong Blogger 分享香港餐廳美食推介及食評,影評最新電影評論及推薦,香港周末拍拖好去處,自由行行程景點建議安排,旅行攻略懶人包等。

Leave a Reply

Your email address will not be published. Required fields are marked *