【情人節餐廳推介2023】二月十四的約會 10間浪漫有情調情人節餐廳推介
【情人節餐廳推介2023】一年一度嘅情人節就嚟到喇，我哋祝大家有情人終成眷屬！二月係愛的季節，亦係一個令人頭都大嘅月份，因為情人節禮物、情人節驚喜、情人節玫瑰，仲有情人節大餐，真係缺一不可！為咗令大家可以享受浪漫嘅情人節，我哋特意挑選咗10間有情調嘅情人節餐廳俾大家，希望你嘅另一半滿意啦！
1. 情人節餐廳推介2023 | 九龍東皇冠假日酒店尚廚
地址：將軍澳唐德街3號香港九龍東皇冠假日酒店1樓
立即預訂：酒店自助餐
如果另一半為食又大食，情人節大餐就可以揀九龍東皇冠假日酒店尚廚！九龍東皇冠假日酒店嘅自助餐食物種類選擇多，而且選擇充滿驚喜，除了凍蟹、青口、黃金螺、白蜆及凍蝦，還有回本之選生蠔，及即叫即燒串燒、松葉蟹腳、鐡板煎鴨肝、波士頓龍蝦、三文魚、吞拿魚、白鱲、希靈魚、北寄貝等五款刺身等等，非常高質！
2. 情人節餐廳推介2023 | 香港海洋公園萬豪酒店海灣餐廳
地址：黃竹坑道180號香港海洋公園萬豪酒店海灣地下
立即預訂：酒店自助餐
詳情：與威威共晉自助晚餐 香港海洋公園萬豪酒店
如果另一半充滿童真，不如考慮去主題公園慶祝情人節啦！香港海洋公園萬豪酒店海灣餐廳嘅buffet點少得海鮮冷盤呢？呢度有珍寶蟹、波士頓龍蝦、雪場蟹蟹腳、海蝦、翡翠螺、東風螺、蜆同藍殼青口等等。海鮮啖啖肉，新鮮無雪味，食幾隻波士頓龍蝦都夠晒回本喇。
3. 情人節餐廳推介2023 | 歷山酒店歷山餐廳
地址：香港北角城市花園道32號歴山酒店歷山餐廳
立即預訂：酒店自助餐
詳情：超易回本北角歷山酒店自助餐 主打海鮮中菜宮廷氣派自助餐
想情人節任食生蠔，可以選擇歷山餐廳嘅自助餐。海鮮冷盤方面，有海螺、凍熟蝦、紐西蘭熟青口同蟹腳。特別鍾意勁多肉又鮮甜嘅長腳蟹，仲帶有淡淡嘅海水味，非常新鮮吸引。生蠔即叫即開， 夠晒新鮮，size雖然唔係大大隻，但細細隻反而仲鮮甜，蠔身夠晒飽滿，海水味濃，好creamy！
4. 情人節餐廳推介2023 | 帝京酒店花月庭
地址：旺角彌敦道594-596號旺角新城7樓
立即預訂：酒店自助餐
詳情：紅葉蟹逅AR秋滋味自助餐 旺角帝京酒店花月庭
如果另一半鍾意食蟹，咁情人節大餐就唔可以錯過帝京酒店花月庭嘅自助餐！海鮮冷盤選擇有三點蟹、松葉蟹腳、麵包蟹、凍蝦、龍蝦鉗同藍青口等，全部都好新鮮，仲帶有淡淡嘅海水味。我就最鍾意三點蟹，超鮮甜而且多肉！除咗海鮮選擇之外，連即開生蠔都有，食物種類超多，性價比超高！
5. 情人節餐廳推介2023 | 香港萬怡酒店MoMo Cafe
地址：西環西營盤干諾道西167號香港萬怡酒店
立即預訂：酒店自助餐
詳情：香港萬怡酒店意式放題 豪華海鮮拼盤MoMo Cafe
豐富嘅海鮮可以話係情人節大餐嘅必備選擇！豪華海鮮拼盤夠晒豐富，有波士頓龍蝦、法國生蠔、長腳蟹、青口、蜆、翡翠螺同凍蝦，樣樣都好新鮮！我哋最鍾意嘅係生蠔，好鮮甜，海水味濃。另外，波士頓龍蝦大大隻，預先開邊，食落夠晒方便，肉質新鮮彈牙，仲有好多膏，好滿足；蜆雖然唔算大隻，但超鮮甜呀！
6. 情人節餐廳推介2023 | 太子酒店SAVVY
地址：尖沙咀廣東道3-27號海港城港威商場3樓GW3209A號舖
立即預訂：酒店自助餐
詳情：酒店世一自助早午餐 高質海港城太子酒店SAVVY
SAVVY全新裝修，環境舒適，啱晒大家慶祝情人節啦！SAVVY主要分為三個部份：酒吧、酒廊同我哋今次食自助餐嘅餐廳。平日嘅SAVVY提供半自助餐，而我哋今日就食週末嘅自助早午餐，餐廳分為唔同區域，有海鮮、沙律冷盤、餐湯、切肉熱葷、甜品等等之外，仲會由店員以pass around形式嘅精選食物。
7. 情人節餐廳推介2023 | Solé
地址：九龍灣宏照道38號Megabox5樓3-4及9號舖
立即預訂：法式餐廳
法國餐一直以嚟都俾人一種高尚貴氣嘅感覺，你嘅另一半一定滿意呢個情人節安排。Solé係一間走田園風格嘅法式餐廳，食物擺盤講求精緻。套餐除咗前菜、餐湯、甜品和飲品，主菜更可揀香煎鱸魚扒配蝦和青口、油封烤鴨 配法式雜菜薯角伴香橙醬、炭烤澳洲特級和牛肉眼扒，非常豐富。
8. 情人節餐廳推介2023 | 香港美利酒店The Tai Pan
地址：中環紅棉路22號香港美利酒店UG層The Tai Pan
立即預訂：酒店餐廳
香港美利酒店嘅設計充滿英倫風格，非常浪漫，加上係近年打卡嘅熱點，所以如果帶你女朋友去香港美利酒店嘅The Tai Pan慶祝情人節，佢一定非常滿意！The Tai Pan菜單以時令有機及手工食材為亮點，風格富有創意同時平易近人，塑造現代餐館嘅時尚氛圍。菜式嘅靈感皆來自最優質的時令食材，為經典美食注入新味道。
9. 情人節餐廳推介2023 | HUE Dining
地址：尖沙咀梳士巴利道10號香港藝術館一樓
立即預訂：海景扒房
全港最浪漫嘅地方，又點少得無敵嘅維港呢！望住維港海景食情人節大餐，不如順便求埋婚，佢實會答I do啦！Hue Dining主打澳洲菜，亦有提供女朋友最愛嘅tea set，份景非常豐富，食物有芝士吉士泡芙、松露蘑菇炸丸子、鴨肝果凍、血橙蜜醬、黑麥麵包、鱈魚籽、三文魚籽、和牛飯素串燒、吉士撻、香料蛋糕、迷你蛋白脆餅、檸檬香草、馬鞭草、金磚蛋糕、松子仁、香緹忌廉、車厘子松露林明頓蛋糕、榛子、冧酒提子朱古力撻等，美食配上美景，打卡一流！
10. 情人節餐廳推介2023 | 帝樂文娜公館FINDS
地址：香港九龍尖沙咀金巴利道39號1樓
立即預訂：酒店餐廳
詳情：高質北歐主題午餐 帝樂文娜公館FINDS、尖沙咀豪嘆北歐菜 帝樂文娜公館FINDS
如果帶女朋友食北歐菜慶祝情人節，一定非常難忘同夠晒浪漫啦！餐廳FINDS嘅命名係以北歐五個國家，包括Finland（Finland）、Iceland（冰島）、Norway（挪威）、Denmark（丹麥）、Sweden（瑞典）嘅第一個英文字母組成。情人節就特別推介北歐海鮮芝士火鍋，就夠晒甜蜜溫馨啦！
情人節餐廳推介放題及抵食自助餐優惠
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
