【香港沙灘好去處2023】嚴選十個最方便自駕、最佳水質嘅香港打卡沙灘
【香港沙灘好去處2023】想同夏天玩遊戲，就梗係要去沙灘游水，玩刺激嘅水上活動，曬吓太陽，當然仲要同A姐一齊為夏天帶嚟美腿啦！雖然香港係一個石屎森林，但其實香港、新界同離島合共有42個公眾沙灘，我哋就為大家嚴選咗10個最方便自駕、最佳水質嘅香港沙灘，等大家喺香港都可以尋找港版嘅峇里陽光與海灘啦！
香港沙灘好去處2023 | 嚴選10個最佳水質沙灘
香港沙灘好去處2023 | 1. 最佳水質沙灘：離島區 – 南丫島洪聖爺灣泳灘
詳情：[南丫島好去處] 最詳盡的南丫島郊遊、景點、交通、美食12大食買玩打卡熱點
交通：中環碼頭坐渡海小輪往南丫島榕樹灣或索罟灣，再行30-40分鐘去南丫島洪聖爺灣泳灘
泊車：附近無任何泊車設施
沙灘設備：燒烤爐、更衣室、淋浴設備、洗手間、浮台、遊樂場
水質評級：一級（良好）
香港沙灘好去處2023 | 喺榕樹灣同索罟灣中間，就有呢個洪聖爺灣，夏天嘅時候，有好多人鍾意嚟到呢度曬吓太陽同游水架！洪聖爺灣旁邊亦設有餐廳士多，大家可以喺海邊嘆吓下午茶，食碗離島出前一丁，飲吓汽水，吹吓海風都唔錯架！
香港沙灘好去處2023 | 2. 最佳水質沙灘：西貢區 – 廈門灣沙灘（半月灣沙灘）
交通：鑽石山港鐵站搭92號巴士到西貢巴士總站落車，再坐20分鐘街渡去廈門灣沙灘（半月灣沙灘）
泊車：可以喺西貢市中心內泊車
設備：小食亭、燒烤區、燒烤爐、更衣室、淋浴設備、洗手間、浮台
水質評級：一級（良好）
香港沙灘好去處2023 | 廈門灣沙灘又名半月灣沙灘，賣點係水清沙幼，海水碧綠清澈，沙質幼細如粉，係香港其中一個以水質出名嘅沙灘。另外，西貢更加係香港觀賞珊瑚嘅勝地，所以大家除咗游水同曬太陽之外，仲可以自備浮潛用具，近距離觀賞香港珊瑚群同珊瑚魚。
香港沙灘好去處2023 | 3. 最佳水質沙灘：離島區 – 大嶼山上長沙沙灘/下長沙沙灘
詳情：[大嶼山好去處] 十二大自駕遊必遊景點
交通：東涌港鐵站搭1、11或23號巴士到長沙下村下車，再行15分鐘去上長沙沙灘/下長沙沙灘
泊車：長沙沙灘設有收費咪錶，但非大嶼山居民必須申請大嶼山封閉道路通行許可證才可駕車前往封閉路段
設備：小食亭、燒烤爐、更衣室、淋浴設備、洗手間
上長沙沙灘水質評級：一級（良好）
下長沙沙灘水質評級：二級（一般）
香港沙灘好去處2023 | 長沙沙灘海岸線長，全長3公里，係全港最長嘅天然沙灘，所以命名為長沙。長沙沙灘水清沙幼，令人有置身峇里嘅感覺呢！另外，長沙沙灘附近設有水上活動中心，所以亦深受喜歡玩刺激水上活動嘅人士前往。入夜後，可以去埋隔離嘅地中海餐廳食飯，充滿旅行感覺！
香港沙灘好去處2023 | 4. 最佳水質沙灘：南區 – 龜背灣沙灘
交通：柴灣港鐡站搭16M小巴，直接喺龜背灣落車
泊車：附近無任何泊車設施
沙灘設備：燒烤爐、更衣室、淋浴設備、洗手間、浮台、遊樂場
水質評級：一級（良好）
香港沙灘好去處2023 | 龜背灣沙灘附近主要係低密度住宅，被環山擁抱，所以係香港其中一個隱世沙灘。另外，龜背灣沙灘嘅交通不及同區其他沙灘方便，所以人流一直唔多，適合大家靜靜咁睇書曬太陽！而龜背灣沙灘嘅最大賣點當然係長時間榮登環境保護署一級泳灘啦，水質清澈乾淨！
香港沙灘好去處2023 | 5. 最佳水質沙灘：西貢區 – 三星灣沙灘
交通：鑽石山港鐵站搭92號巴士到白沙灣碼頭落車，再轉乘5分鐘街渡前往三星灣沙灘
泊車：白沙灣碼頭設有收費咪錶
設備：小食亭、燒烤區、燒烤爐、更衣室、淋浴設備、洗手間、浮台、遊樂場
水質評級：一級（良好）
香港沙灘好去處2023 | 西貢係香港嘅後花園，所以每逢假日都吸引大批遊客。而位於西貢三星灣沙灘嘅交通雖然未算方便，但因為水質清澈乾淨，水清沙幼，除了曬日光浴和游水之外，三星灣沙灘更加係環境保護署嘅一級泳灘之一，所以亦可以玩浮潛等水上活動，而成為西貢區內人氣高企嘅沙灘！不過，大家記住要留意回程嘅街渡時間表啊！
香港沙灘好去處2023 | 嚴選最方便自駕沙灘
香港沙灘好去處2023 | 6. 最方便自駕沙灘：南區 – 聖士提反灣沙灘
交通：中環港鐵站搭6A號巴士到黃麻角徑落車，再行5分鐘去聖士提反灣沙灘
泊車：設有咪錶
設備：小食亭、燒烤爐、更衣室、淋浴設備、洗手間、浮台
水質評級：一級（良好）
香港沙灘好去處2023 | 聖士提反灣沙灘位於赤柱，但由於唔及赤柱正灘方便，所以泳客主要為附近嘅外籍居民，令沙灘充滿異國風情，非常適合想靜靜享受陽光與海灘嘅你！至於去聖士提反灣沙灘最方便嘅方法當然就係自駕遊啦，聖士提反灣沙灘入口有多個咪錶，所以深受自駕人士歡迎。
香港沙灘好去處2023 | 7. 最方便自駕沙灘：南區 – 淺水灣沙灘
交通：中環港鐵站搭6、6X或260號巴士，直接喺淺水灣落車
泊車：設有咪錶
設備：快餐亭、燒烤爐、更衣室、淋浴設備、洗手間、浮台
水質評級：一級（良好）
香港沙灘好去處2023 | 被譽為香港南區最靚嘅沙灘，海灘呈彎月形，慢步喺長長嘅幼滑沙灘確實好寫意。至於水質都算唔錯，泳灘亦設有沖身更衣等設備，整體都算乾淨。呢度亦設有少見嘅沙灘排球場，唔識打嘅我哋，睇返場友誼波都唔錯。
香港沙灘好去處2023 | 8. 最方便自駕沙灘：南區 – 南灣沙灘
交通：北角港鐵站搭63或65號巴士到赫蘭道下車，再行15分鐘去南灣沙灘
泊車：設有咪錶
設備：快餐亭、燒烤爐、更衣室、淋浴設備、泳屋、浮台
水質評級：一級（良好）
香港沙灘好去處2023 | 位於南區嘅南灣沙灘，自成一角加上公共交通唔算方便，所以一直無旁邊嘅淺水灣同深水灣咁受旅客歡迎，但就正正係自駕人士喜愛嘅沙灘！因為南灣嘅沙灘人氣唔高，所以咪錶經常有位，而且咪錶同沙灘只係一分鐘步程，所以絕對係最方便泊車嘅香港沙灘之一。
香港沙灘好去處2023 | 9. 最方便自駕沙灘：大埔區 – 大埔龍尾沙灘
詳情：全新人造沙灘 大埔龍尾泳灘
交通：大埔墟港鐵站搭75K號巴士到蘆慈田落車，再行3分鐘去大埔龍尾沙灘
泊車：旁邊設有收費公眾停車場或於大尾督設有咪錶
設備：小食亭、更衣室、淋浴設備、洗手間、育嬰間、單車停泊處
水質評級：一級（良好）
香港沙灘好去處2023 | 大埔龍尾沙灘係大埔區內唯一嘅沙灘，除了深受區內市民歡迎之外，因為大埔龍尾泳灘旁邊就係大尾督，非常適合大家自駕一日遊啦！大埔龍尾泳灘沙灘長約200米，係全港首個由政府興建嘅人工泳灘，由於人造沙灘鋪嘅係新沙，所以非常軟綿細滑。至於游水或曬太陽嘅時候，就都可以遠眺整個八仙嶺同吐露港，景觀唔錯！另外，大埔龍尾泳灘亦設有收費公眾停車場，對於自駕人士亦十分方便。
香港沙灘好去處2023 | 10. 最方便自駕沙灘：荃灣區 – 汀九灣沙灘
詳情：超靚景打卡 汀九灣泳灘
交通：荃灣西港鐵站搭53號巴士到汀九站落車，再行3分鐘去汀九灣沙灘
泊車：設有咪錶
設備：更衣室、淋浴設備、洗手間
水質評級：三級（欠佳）
香港沙灘好去處2023 | 汀九灣海灘鄰近貨櫃碼頭，所以水質麻麻，更被評為三級水質評級嘅沙灘，但泳客人數一啲唔少，因為汀九灣沙灘設有咪錶之外，更特別係日落嘅時候，可以配合青馬大橋同汀九橋嘅景觀，真係非常靚，啱晒打卡！
世界各地／香港景點門票邊度買至平？
詳情請睇：https://wp.me/p8vzXP-6G
香港沙灘好去處 Hong Kong Beaches
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
