每個人出生的時候都是原創 炮台山文青好去處油街實現

炮台山文青好去處 | 「每個人出生的時候都是原創」，本篇就用一句優雅嘅文青句子，開始介紹炮台山嘅油街實現啦！香港近年多咗好多文青藝術空間，唔少仲喺位於城市中心，除咗為大家喺繁忙嘅城市生活帶嚟慢活嘅生活步調，更可以讓原創藝術融入生活當中。放假嚟到炮台山嘅油街實現，原來全新嘅藝術空間已經啟用，即刻睇吓有咩文青打卡點啦！

香港皇家遊艇會會所
一入到嚟油街實現，就會見到一座英式紅磚建築物，原來呢座建築物已有過百年歷史，前身為香港皇家遊艇會會所，被列為香港二級歷史建築後，活化成為推廣視覺藝術嘅公共藝術空間：油街實現。

 

油街實現
活化後嘅油街實現喺2013年正式開放啟用，相信唔少人都去過參觀。但點解叫做油街實現，實現啲咩呢？原來油街實現係取地址「油街12號」嘅諧音，當然亦希望藝術可以喺油街實現啦！另外，活化後嘅建築物當然仍保留原貌，紅磚牆、純白色窗框同黑色磚瓦頂，已經充滿英殖情懷，係一個歷史留俾我哋嘅打卡點。

油街實現二期
過往嘅油街實現，因為受限於古建築物嘅面積，令展覽嘅規模唔夠多元化，被唔少人批評唔夠吸引。但隨住油街實現二期正式啟用，藝術嘅空間隨即倍增，展出嘅作品就更多可能性啦！

油街實現二期新增咗油街玻璃屋、油街花園、油街涼亭及油街陽台。其中油街玻璃屋係一座現代化嘅建築物，充滿時代感嘅設計，加入大量嘅採光度。雖然油街實現二期同旁邊嘅古建築走兩個極端，但絕對唔會有違和感。油街玻璃屋嘅上層係一個玻璃館的展覽場地，定期舉行唔同嘅本地藝術展覽。

至於，旁邊嘅露天劇場除咗播放適合進行文化活動或音樂表演，螢幕更可以加入近期流行嘅沉浸式藝術，讓藝術品有更多嘅變化。另外，油街實現嘅展品會不定期更新，大家可以去到油街實現嘅官方網站或社交媒體了解最新消息，又或者每次路過嘅時候，都可以入嚟行吓，或者喺公共空間休息吓，讓原創藝術融入生活當中，可能為你帶嚟唔少驚喜呢！

世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–

油街實現 Oi!
地址：香港北角油街12號
電話：+852 2512 3000
營業時間：星期一 14:00 – 20:00、星期二至日 10:00 – 20:00

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com