【合味道紀念館香港2023】尖沙咀合味道紀念館香港 門票/預約/三大體驗坊/打卡全攻略

【合味道紀念館香港2023 – 門票/預約/三大體驗坊/打卡全攻略 】曾經有旅遊網站做過一項調查，超過一半香港人嘅旅行篋入面總會帶定杯麵，我哋都唔例外。喺酒店房傾吓計，玩吓遊戲，最後一定要嘆番個杯麵做宵夜，咁先叫做去旅行麻！講到杯麵，喺橫濱大受歡迎嘅合味道紀念館就衝出日本，喺尖沙咀中港城開設分館，同樣設有多個見學工作坊同打卡點，啱晒大家嚟玩番一日啦！

合味道紀念館香港2023 | 提提你

1. 所有見學工作坊都有人數限制，並於一個月前接受預約，其中出前一丁工作坊係最受歡迎，所有假期、星期六及星期日嘅見學課程都會瞬間爆滿，所以記住提早預約喇
2. 喺工作坊製作嘅食物紀念品嘅食用有效期為一個月

合味道紀念館香港2023 | 門票/預約/三大體驗坊/打卡全攻略 | 合味道紀念館入場收費門票

合味道紀念館香港2023 | 門票/預約/三大體驗坊/打卡全攻略 | 所有進入合味道紀念館內的顧客必須持有有效工作坊門票（包括展覽區範圍），訪客請提前於網上預約參加工作坊。

• 我的合味道工作坊：$60 (30 分鐘)
• 出前一丁工作坊：$120 (90 分鐘)
• 穀物麥片工作坊：$60 (30 分鐘)

合味道紀念館香港2023 | 門票/預約/三大體驗坊/打卡全攻略 | 合味道紀念館

合味道紀念館香港2023 | 門票/預約/三大體驗坊/打卡全攻略 | 因為戰後嘅日本實施糧食管制，所以安藤百福先生希望為受戰苦同災難嘅市民帶嚟簡單、溫飽及耐放嘅食物，所以喺1958年發明了全球第一個即食麵：雞湯拉麵。後嚟更成立日清食品株式會社，繼續業務，推出出前一丁、合味道杯麵等即食麵選擇，成為世界各地知名嘅品牌。至於近年落戶香港中港城嘅合味道紀念館，佔地接近10,000平方呎，更加係日本以外首個海外嘅紀念館。

合味道紀念館香港2023 | 門票/預約/三大體驗坊/打卡全攻略 | 打卡點1：杯麵牆

合味道紀念館香港2023 | 門票/預約/三大體驗坊/打卡全攻略| 一入到嚟合味道紀念館就會見到一大幅杯麵牆，牆入面展示咗唔同國家嘅合味道杯麵。原來合味道會因應唔同地方嘅市場，推出唔同口味，好似香港就有香辣海鮮味、中國就有麻辣牛肉味、日本就有牛奶海鮮味、新加坡就有黑胡椒蟹味、泰國就有冬陰功味等等；而除咗有唔同嘅口味，仲有唔同嘅size，迎合唔同人士嘅需要。

合味道紀念館香港2023 | 門票/預約/三大體驗坊/打卡全攻略| 打卡點2：大杯麵

合味道紀念館香港2023 | 門票/預約/三大體驗坊/打卡全攻略 | 除咗杯麵牆，另一個打卡點就係大杯麵喇！呢個高達3米嘅大杯麵，真係好誇張呀！但點解呢個杯麵會調轉放呢？原來就係為咗重現安藤百福先生研發杯麵時嘅逆向思維。

合味道紀念館香港2023 | 門票/預約/三大體驗坊/打卡全攻略 | 見學工作坊1：合味道杯麵工作坊

合味道紀念館香港2023 | 門票/預約/三大體驗坊/打卡全攻略 | 杯麵入面有好多配料，配料全部經過脫水處理，唔知你最鍾意又係邊款配料呢？喺呢個合味道杯麵工作坊，參加者可以揀選喜愛嘅湯底同4款配料，而我就特別鍾意杯麵入面嘅蛋，所以我就整咗一個全球唯一一個嘅香辣蛋杯麵喇！除咗揀選湯底同配料，我哋仲可以自行設計杯麵嘅杯身，創作獨一無二嘅全新品牌。之後就可以體驗逆向思維嘅麵餅倒轉入杯，再由導師放入配料、封杯以及封膠嘅程序，最後利用充氣袋將杯麵保護，咁就製作完成喇！

合味道紀念館香港2023 | 門票/預約/三大體驗坊/打卡全攻略 | 見學工作坊2：穀物麥片工作坊

合味道紀念館香港2023 | 門票/預約/三大體驗坊/打卡全攻略 | 穀物麥片工作坊係香港合味道紀念館獨有嘅見學體驗，首先觀看示範短片，了解穀物麥片嘅介紹，之後嘅過程同合味道杯麵工作坊相似。參加者可以揀選自己喜愛嘅配料，設計杯身，最後由導師放入配料、封杯以及封膠嘅程序，最後利用充氣袋將穀物麥片杯保護，咁就製作完成喇！

合味道紀念館香港2023 | 門票/預約/三大體驗坊/打卡全攻略 | 見學工作坊3：出前一丁工作坊

合味道紀念館香港2023 | 門票/預約/三大體驗坊/打卡全攻略 | 要數3個工作坊最受歡迎嘅就一定係出前一丁工作坊。首先我哋要先做好洗手清潔包好頭巾，再觀看一條出前一丁嘅歷史故事，再由麵粉開始，一步一步製作麵條。原來製作一包出前一丁一啲都唔簡單，無論係麵條、麵糰嘅厚度同攪動嘅次數都唔可以錯，好彩喺製作過程中導師都會細心講解同協助，等我哋可以成功製作出獨一無二嘅作品。最後喺包裝上仲可以自己創作，成為獨一無二嘅紀念品。

世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–

合味道紀念館香港 CupNoodles Museum Hong Kong
地址：九龍尖沙咀廣東道33號中港城2樓26-35號
電話：+852 3406 6600
開放時間：星期一、二、四、五、六、日及公眾假期 11:15 – 19:15 （星期三休息/如星期三是公眾假期，其後一天將會休館）
工作坊：我的合味道工作坊 $60、出前一丁工作坊 $120、穀物麥片工作坊 $60
訪客請提前於網上預約參加工作坊
網址：www.nissinfoods.com.hk

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com