【坪洲一日遊景點推介2023】週末坪洲打卡好去處 食買玩最強策劃推薦
【坪洲一日遊景點推介2023 – 坪洲好去處】放假去離島玩係唔少遊客嘅心水選擇，最受香港人歡迎嘅離島點少得長洲、南丫島同大嶼山呢？喺咁多個離島之中，曾為工業小島嘅坪洲經常俾人遺忘，所以相對寧靜，係一個適合大家慢活享受假期嘅小島。其實坪洲亦有唔少打卡景點、行山郊遊同人氣食店，真係玩大半日都冇問題。今日我就同A姐plan好行程，由坪洲玩到去愉景灣，嚟個周末打卡旅行團！
坪洲一日遊景點推介2023 | 坪洲好去處 | 前往方法
坪洲一日遊景點推介2023 | 坪洲好去處 | 中環港外線6號碼頭搭渡海小輪，船程大約30-40分鐘（船期表）
坪洲一日遊景點推介2023 | 坪洲好去處 | 提提你
1. 坪洲係一個寧靜嘅小島，遊覽時保持聲浪，唔好騷擾居民
2. 大家記住保持環境清潔，自己垃圾自己帶走，絕對唔可以破壞大自然環境
3. 洗手間主要集中喺碼頭、市政大樓同商店街一帶
4. 坪洲嘅行山路線難度唔高，適合行山初哥同一家大細，但都要量力以為
坪洲一日遊景點推介2023 | 坪洲好去處 | 第一站：史諾比石
詳情：漫遊坪愉徑靚景 必影坪洲史諾比石
坪洲一日遊景點推介2023 | 坪洲好去處 | 落咗船之後，我哋先喺超級市場買定啲補給品，再往島嘅右手邊坪愉徑出發，坪愉徑嘅路線難度唔高，沿途可以眺望愉景灣同迪士尼樂園，當然，我哋嘅目標係好似Snoopy嘅史諾比石啦！
坪洲一日遊景點推介2023 | 坪洲好去處 | 第二站：東灣沙灘
坪洲一日遊景點推介2023 | 坪洲好去處 | 睇完史諾比石，我哋不走回頭路，繼續往山嘅方向行，轉入坪洲家樂徑，經過大龍村，就會到達坪洲唯一嘅沙灘：東灣沙灘。夏天嘅時候，有唔少遊客玩水上活動、曬太陽同游水。不過，要留意海灘並唔係康文署規管範圍，所以無救生員當值，大家記住要注意安全。
坪洲一日遊景點推介2023 | 坪洲好去處 | 第三站：龍母廟
坪洲一日遊景點推介2023 | 坪洲好去處 | 坪洲雖然只有0.99平方公里，但作為一個離島當然有唔少廟宇，其中最大嘅就係龍母廟。龍母廟金碧輝煌，並設「龍恩浩蕩千秋耀，母德巍峨萬載昭」嘅金字牌匾，好有氣勢。廟內又設龍床，聽講摸過龍床就會好運，而用廟前嘅龍水洗手又可添運勢。所以每年農曆5月初8嘅龍母誕，就有唔少善信嚟祈福。
坪洲一日遊景點推介2023 | 坪洲好去處 | 第四站：祺森冰室
詳情：人氣強就好味 坪洲祺森冰室
坪洲一日遊景點推介2023 | 坪洲好去處 | 行咗咁耐，午餐就嚟到全坪洲最強人氣嘅排隊食店：祺森冰室。冰室嘅招牌菜係蝦多士，聽講蝦多士用薯蓉、洋蔥、蝦肉同豬肉做成，炸到金黃脆卜卜。不過，我哋今日嚟到，蝦多士唔係即叫即炸，反而係預先炸好，雖然仍算香脆，但就唔夠熱。另外，我哋一向認識嘅蝦多士都係加入蝦膠製成，但呢到嘅蝦多士只有半隻蝦，所以食嘅時候，有啲失望，亦欠缺口感。
坪洲一日遊景點推介2023 | 坪洲好去處 | 第五站：秘密花園
詳情：工業風打卡秘景 坪洲秘密花園
坪洲一日遊景點推介2023 | 坪洲好去處 | 前身為三級文化古蹟嘅牛皮廠，由藝術家收集島上居民廢物，再加入藝術元素，活化成一個以藝術為題嘅秘密花園，真係好有台灣文創園嘅感覺。當然花園內有唔少打卡位，好輕鬆就影到唔少A姐滿意嘅呃like相啦！
坪洲一日遊景點推介2023 | 坪洲好去處 | 第六站：坪洲戲院
坪洲一日遊景點推介2023 | 坪洲好去處 | 曾經香港電影業非常蓬勃，就連坪洲都設有戲院，坪洲戲院喺1978年開始為島上居民提供娛樂，至1987年結業，並荒廢至今。坪洲戲院雖然並未獲歷史評級，而戲院內亦有唔少鬼故事，但就成為咗廢墟攝影者嘅熱點。
坪洲一日遊景點推介2023 | 坪洲好去處 | 第七站：手指山
坪洲一日遊景點推介2023 | 坪洲好去處 | 坪洲最高點就係高95米嘅手指山，行上手指山嘅前半路段主要係石屎路，臨登頂前有大約300級樓梯，整體唔算難行。登頂後可以喺涼亭休息，望住無敵海景，遠眺數碼港、青馬大橋、迪士尼樂園及愉景灣等嘅景色。
坪洲一日遊景點推介2023 | 坪洲好去處 | 第八站：A NOY 麵包舖
詳情：坪洲必食芝麻餅 A NOY 麵包舖
坪洲一日遊景點推介2023 | 坪洲好去處 | 行完山，又點少得買啲嘢食醫吓肚呢？呢度有唔少港式麵包選擇，但最出名嘅就係南乳芝麻餅。南乳芝麻餅分為黑白芝麻同白芝麻兩款選擇。芝麻餅成塊面咁大，上面鋪滿大量芝麻，好足料！咬落鬆脆香口，加上淡淡嘅南乳味，確實滿足。我哋就覺得黑白芝麻嘅芝麻味較突出！
坪洲一日遊景點推介2023 | 坪洲好去處 | 第九站：大利島
坪洲一日遊景點推介2023 | 坪洲好去處 | 如果撞啱日落時間，可以嚟到連接坪洲同大利島嘅天橋。大利島主要為坪洲處理廢物轉運同污水處理，但就吸引唔少居民嚟呢度跑步、釣魚同踩單車，而遊客最鍾意嚟到帶呢到就係欣賞日落。
坪洲一日遊景點推介2023 | 坪洲好去處 | 第十站：金花廟
坪洲一日遊景點推介2023 | 坪洲好去處 | 離開坪洲前，可以嚟到金花廟參拜。相傳金花為唐代武將之女，喺劫富濟貧期間葬身火海，因而獲奉為聖母，保佑眾生。傳聞金花廟對求子、姻緣、自身等事非常靈驗。金花廟嘅面積雖然唔大，但廟宇有古榕樹、八卦形風水古井，值得一睇。
玩完坪洲，當然可以坐渡海小輪返去中環啦，但如果時間許可，不妨嚟個跳島遊，喺坪洲嘅公眾碼頭，乘搭街渡玩埋愉景灣同參觀聖母神樂院（船期表）。
坪洲一日遊景點推介2023 | 坪洲好去處 | 同場加遊一：熙篤會聖母神樂院
詳情：周末郊遊苦路之旅 大嶼山聖母神樂院
坪洲一日遊景點推介2023 | 坪洲好去處 | 聖母神樂院係梅窩至愉景灣行山路線嘅中途站，行晒全程約兩個鐘頭，如果一心只係想去聖母神樂院，建議就喺坪洲坐街渡過海喇！落咗街渡之後，就要行20分鐘嘅石屎大斜路往教堂出發，路線係上斜但唔算太難行，而且仲會有意外驚喜！因為呢條大斜路亦係港版苦路十四站，可以邊行邊默想耶穌基督受難嘅過程。相反，如果你係行梅窩至愉景灣郊遊路線就只會經過某幾個苦路站，所以想行晒14個站，最順路就係坐街渡喇！行完苦路，就會嚟到1951年落成嘅聖母神樂院，係香港唯一中世紀建築模式嘅天主教隱修院，甚有歐洲鄉郊建築風格。
坪洲一日遊景點推介2023 | 坪洲好去處 | 同場加遊二：愉景灣Slowood
坪洲一日遊景點推介2023 | 坪洲好去處 | 離開神樂院，可以坐街渡返去坪洲，或者往梅窩或愉景灣方向繼續行程，而我同A姐就選擇去愉景灣chill吓！由神樂院去愉景灣大部分都係落山路段，唔算難行。嚟到愉景灣嘅第一站就去到呢間環保生活百貨店Slowood，店內貨品包羅萬有，由唔同種類嘅有機食材、天然環保日用品，以至家品餐具，通通都採用零包裝購物模式，真正做到環保減炭嘅生活目標。
坪洲一日遊景點推介2023 | 坪洲好去處 | 同場加遊三：愉景灣Epicland（前稱：Discoveryland）
詳情：首玩愉景灣Epicland
坪洲一日遊景點推介2023 | 坪洲好去處 | 追求新奇、好玩同刺激？可以嚟到愉景灣嘅Epicland，玩啦！呢個號稱全港最大嘅室內遊樂場，足足有成14,000平方呎。除咗有小朋友啱玩嘅滑梯、波波池之外，其實都有適合大朋友玩嘅攀石、高空繩網陣等等，真係大人小朋友都可以喺度放電。
坪洲一日遊景點推介2023 | 坪洲好去處 | 同場加遊四：愉景灣
坪洲一日遊景點推介2023 | 坪洲好去處 | 郊遊完就梗係要搵間餐廳醫下肚啦，喺愉景灣有唔少餐廳，而且以電子消費滿指定金額，仲可享返回市區嘅免費交通優惠添！一於食飽飽再返屋企啦！
世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–
坪州 Peng Chau
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
