【大埔紅葉情報2023】紅葉打卡好去處 烏蛟騰九担租

【大埔紅葉情報2023 – 烏蛟騰九担租】香港賞楓賞紅葉嘅季節由11月尾開始，但如果當年遲咗入冬，就可能要等到12月尾或1月初先係紅葉旺季。今年冬天平均氣溫偏高，紅葉遲遲未轉色，呢幾日紅葉指數終於轉為「漸紅」啦！而最熱門嘅賞楓地點當然係元朗大棠（詳情按此）啦！但A姐嫌大棠人多，又要行少少山路，如果你都有同感，不妨考慮呢個位於大埔烏蛟騰嘅紅葉秘景：九担租。

大埔紅葉情報2023 – 烏蛟騰九担租 | 前往方法

1. 喺大埔墟港鐵站外嘅小巴總站，乘坐20R綠色專線小巴到烏蛟騰總站，惟班次疏落，約每小時一班，可參閱時間表
2. 喺大埔墟港鐵站外嘅巴士總站，乘坐275R九巴到烏蛟騰總站，服務時間只限星期日同公眾假期，10-20分鐘一班車
3. 我哋就選擇自駕遊，車可以泊喺村外免費停車場，不過車位唔多，先到先得

大埔紅葉情報2023 – 烏蛟騰九担租 | 提提你

1. 落車後嘅路程只有10分鐘，亦係平路為主，但都要量力以為。起點有公廁，但沿路無任何士多補給站，所以大家記住自備所需用品
2. 大家記住保持環境清潔，自己垃圾自己帶走，絕對唔可以破壞大自然環境

大埔紅葉情報2023 – 烏蛟騰九担租 | 九担租紅葉

大埔紅葉情報2023 – 烏蛟騰九担租 | 落車後其實已經可以遠眺紅葉，之後往公廁方向行。繞過公廁，行多8分鐘，就會去到賞楓嘅地點啦！

一大片嘅紅葉林，真係好靚呀！更重要係人少之餘，啲紅葉夠紅又近，仲好密集添，A姐表示十分滿意！不過，喺紅葉林嘅後面就有啲墳墓，大家影相嘅時候唔好太過忘形喇！

同大家分享吓我哋嘅紅葉靚相啦！

 

大埔紅葉情報2023 – 烏蛟騰九担租 | 紅葉夠唔夠紅？

大埔紅葉情報2023 – 烏蛟騰九担租 | 為免山長水遠去到，啲紅葉又唔夠紅，不妨喺出發前，上漁農自然護理處網站了解一下紅葉情報啦！雖然網站只有大棠楓香林嘅資料，但由於香港地方唔大，亦有參考價值。

大埔紅葉情報2023 – 烏蛟騰九担租 | 船灣郊野公園

大埔紅葉情報2023 – 烏蛟騰九担租 | 如果大家時間許可，又係行開山嘅人士，不妨行埋郊野公園內嘅其他路線，睇完紅葉繼續往前行，就可以去到唔同嘅景點，例如荔枝窩。之但係，如果好似我哋咁，只係想來睇吓紅葉，就可以沿路往返喇。

世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–

九担租 / 九擔租 / Kau Tam Tso

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com