【大澳好去處2022】大澳一日遊必去打卡景點 / 交通方法 / 深度大澳水鄉遊

【大澳一日遊好去處2022】嚟大嶼山自駕遊又點少得去大澳玩呢?大澳被譽為香港威尼斯,係一個深受大家歡迎嘅週末打卡熱點。大澳水城內最出名嘅當然係蝦膏同蝦醬啦,嚟到就梗係要買啲手信返屋企。除此之外,大澳亦有唔少必食必玩嘅景點,今次A姐M佬就嚟一個大澳深度自駕遊!

大澳一日遊好去處2022 | 大澳前往方法

1. 新大嶼山巴士於大澳巴士總站落車
2. 乘搭大嶼山的士前往大澳
3. 自駕遊(詳情:大嶼山自駕遊 十二大必遊景點

大澳一日遊好去處2022 | 提提你

1.大澳有唔少居民居住,前往參觀嘅時候,記住保持適當音量
2.大家記住保持環境清潔,自己垃圾自己帶走,絕對唔可以破壞大自然同河道環境

大澳一日遊好去處景點2022 | 1. 大澳鄉事委員會歷史文化室

大澳一日遊好去處2022 | 無論你坐咩交通工具嚟大澳,進入大澳嘅第一個景點一定係鄉事委員會歷史文化室。呢度擺放左唔少昔日大澳居民日常用品,好似搭棚裝船、婚嫁服飾、農業藥業等用具。

大澳一日遊好去處景點2022 | 2. 水上棚屋

大澳一日遊好去處2022 | 喺大澳嘅橫街小巷,最著名嘅一定係呢度嘅水上棚屋。水上棚屋係大澳居民嘅住所,喺連接棚屋嘅大小吊橋就可以一覽大澳棚屋嘅景色。如果遇上橋底下邊嘅船經過,呢個畫面就更加之靚啦!

大澳一日遊好去處景點2022 | 3. 壁畫塗鴉

大澳一日遊好去處2022 | 大澳除咗棚屋之外,喺屋外嘅牆壁亦畫上壁畫,係影相打卡嘅熱門地點。另外,四圍遊覽嘅時候,不妨留意吓市內遊走嘅貓咪,佢哋真係好得意㗎 !

大澳一日遊好去處景點2022 | 4. 楊候古廟

大澳一日遊好去處2022 | 超過三百年歷史嘅楊候古廟係法定古跡,以青磚、麻石同木材建成。古廟內嘅牆飾同裝飾手工精細,值得大家細味。

大澳一日遊好去處景點2022 | 5. 郵局及消防局

大澳一日遊好去處2022 | 喺郊區小鎮嘅郵局同消防局規模雖然Mini,但就係區內重要嘅民政設施。好似最近一次嘅大澳火災,消防局內嘅消防員就奮力撲救;另外,喺郵局外面嘅郵箱,亦係英國殖民地時期留低,僅餘嘅皇冠郵箱,全香港所剩無幾,嚟到不妨同佢影張相留念一吓。

 

大澳一日遊好去處景點2022 | 6. 大澳文物酒店

大澳一日遊好去處2022 | 前身為大澳警署,經活化後成為大澳文物酒店,具有典型殖民地風格同意大利文藝復興色彩。不過,今次我哋就無入住喇,希望之後有機會同大家介紹一吓佢嘅staycation package啦!

大澳一日遊好去處景點2022 | 7. 少林寺

大澳一日遊好去處2022 | 由曾接受少林寺正宗訓練嘅導師傳授各種正宗少林武功、體能訓練同傳統坐襌技巧。中心設有一個可容納100人嘅訓練場同5個可容納64人嘅旅舍房間,並為學員及導師提供傳統齋菜。

大澳一日遊好去處景點2022 | 8. 虎山

大澳一日遊好去處2022 | 喺大澳水城內除咗吃喝玩樂,其實仲可以輕輕鬆鬆咁郊遊同行吓山,我哋就行咗上虎山,除咗喺高處睇到大澳嘅全景,仲有一條紅色欄杆俾大家打卡添,簡單易行,半個鐘就到頂喇!
詳情:紅色欄杆海景打卡 大澳虎山觀景臺

大澳一日遊好去處2022 Tai O

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
大眾點評:A姐M佬
Trip Advisor:AandMDiary
Youtube:A姐M佬玩樂日記
報料或合作:keepintouch@aandmdiary.com

aandmdiary

香港生活、飲食、旅遊、電影博客 Hong Kong Foodie, Lifestyle, Food, Travel and Movie Blogger & KOL, Hong Kong Blogger 分享香港餐廳美食推介及食評,影評最新電影評論及推薦,香港周末拍拖好去處,自由行行程景點建議安排,旅行攻略懶人包等。

Leave a Reply

Your email address will not be published. Required fields are marked *