【屯門菠蘿山行山路線2023】零梯級打卡山步行 屯門菠蘿山大峽谷

【屯門菠蘿山行山路線2023 – 港版大峽谷】鍾意行山打卡但又好怕行樓梯？如果你都有同感，我哋就推介位於屯門嘅菠蘿山（良田坳峽谷）。呢條菠蘿山大峽谷郊遊路線全程斜路，完全無樓梯，難得唔高之餘，重點係大峽谷嘅風景好靚，更有港版嘅美國大峽谷之稱，啱晒大家影相打卡呀！

屯門菠蘿山行山路線2023 | 港版大峽谷 | 前往方法

屯門菠蘿山行山路線2023 | 港版大峽谷 | 乘搭輕鐵至屯門良景站，經良景邨至良偉樓後面嘅山路上山

屯門菠蘿山行山路線2023 | 港版大峽谷 | 路線推介

屯門菠蘿山行山路線2023 | 港版大峽谷 | 由屯門良景邨嘅山路出發，大概1小時就會到達菠蘿山（良田坳峽谷）。玩完大峽谷可以沿路往返或繼續前進以下白泥為終點站

屯門菠蘿山行山路線2023 | 港版大峽谷 | 提提你

1. 全程無任何洗手間同補給站，請帶備足夠嘅飲用水前往
2. 全程都以石屎車路為主，只有由菠蘿山（良田坳峽谷）去下白泥為小山徑，完全無樓梯，不過，一開始爬升坡福較大，大家記住量力而為
3. 大家記住保持環境清潔，自己垃圾自己帶走，絕對唔可以破壞大自然環境
4. 郊外地區蚊蟲眾多，大家要做好防蚊措施
5. 菠蘿山（良田坳峽谷）原屬軍事禁區，平日可能會有軍事演習，所以建議星期六、日前往
6. 全程都有唔少晨運客興建嘅休息地方，大家可以多多利用，稍作休息

屯門菠蘿山行山路線2023 | 港版大峽谷 | 菠蘿山

屯門菠蘿山行山路線2023 | 港版大峽谷 | 正確嚟講呢個大峽谷叫良田坳峽谷，亦被稱為「港版大峽谷」，而菠蘿山其實係指旁邊嘅另一座山。不過，大部份人都將良田坳峽谷誤稱為菠蘿山大峽谷。所以如果大家需要用google map搵定位，就要search「良田坳峽谷」呀！呢條菠蘿山大峽谷郊遊路線全程斜路，完全無樓梯係因為呢條路本身係用嚟做軍事演習，方便車輛進出。

屯門菠蘿山行山路線2023 | 港版大峽谷 | 入口起點

屯門菠蘿山行山路線2023 | 港版大峽谷 | 搭輕鐵去到良景邨後，去到良偉樓後面嘅山路就係上山嘅入口處。一開始起步就已經係大斜路，頭30-45分鐘都幾斜，好彩中途有唔少由晨運客搭建嘅休息地方，邊行邊休息，唔會話太攰太辛苦。

屯門菠蘿山行山路線2023 | 港版大峽谷 | 良田坳峽谷

屯門菠蘿山行山路線2023 | 港版大峽谷 | 完成頭45分鐘嘅大斜路之後，路段開始無咁斜，行得非常舒服。繼續沿住石屎車路前進，好快就會見到「此路危險 不得擅進」嘅路牌，而呢個路牌嘅後面就係良田坳峽谷。呢個峽谷經歷長年累月風化而成，深度都有20米，岩石嶙峋，非常壯觀！大家影相打卡嘅時候記住小心平衡，唔好失重心同去啲懸崖邊嘅地方。

屯門菠蘿山行山路線2023 | 港版大峽谷 | 大裂縫

屯門菠蘿山行山路線2023 | 港版大峽谷 | 離開大峽谷想輕輕鬆鬆可以沿路離開，或者可以往下白泥方向落山。不過，呢段路就係小山徑為主，雖然唔算難行，但如果完全無行山經驗嘅長輩級遊客，建議都係沿路離開。嚟到呢條小山徑會有兩大亮點：首先大部份路段都係一分為二，中間都會有啲裂縫，都幾得意，但大家當然要小心唔好差錯腳；另外，有機會見到有人玩越野電單車，睇到都驚險，但又好似睇緊一場表演咁，好刺激！

屯門菠蘿山行山路線2023 | 港版大峽谷 | 下白泥

詳情：全港最靚日落 流浮山下白泥
屯門菠蘿山行山路線2023 | 港版大峽谷 | 沿住小山徑，不走回頭路嘅最後一站就會嚟到下白泥。大家可以喺村口食吓嘢，再去泥灘睇吓日落，為呢個行程畫上完美句號。

世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–

菠蘿山大峽谷 Por Lo Shan Great Canyon

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com