【新年好去處2021】中環冬日摩天輪嘉年華 八大打卡必玩全攻略

踏入12月就係一連串假期，好似聖誕節、新年同農曆新年，你哋計劃好假期活動未呢？位於中環嘅香港摩天輪，今期就喺AIA Vitality公園內舉行期間限定嘅冬日摩天輪嘉年華，冬日摩天輪設有多個機動遊戲、攤位遊戲同勁多打卡位，真係充滿假期同新年氣氛呀！即睇以下八大打卡必玩全攻略，過一個濃厚氣氛嘅新年啦！

冬日摩天輪門票
因應疫情期間，每日訪客名額有限，建議大家可預先購買門票以確保當日可順利進場（立即購票）

冬日摩天輪景點1：燈飾
假期節日又點少得燈飾呢？喺中環嘅冬日摩天輪嘉年華，每一晚都會亮燈，配合埋摩天輪或者中環建築群做背景，呢張打卡相確實夠晒浪漫啦。

冬日摩天輪景點2：聖誕市集
冬日摩天輪市集內除咗嘢食之外，仲有唔同嘅特色商店售賣節日禮物。重點係攤位定期更新，可以留意官方嘅社交媒體更新。

冬日摩天輪景點3：攤位遊戲
嚟到嘉年華又點少得玩攤位遊戲呢？冬日摩天輪設有超過十個攤位遊戲，包括牛奶樽、射籃球、擲罐、釣魚等遊戲，大會更預備超過30萬隻毛公仔，等大家嚟挑戰！

冬日摩天輪景點4：打卡場景
場內亦設有多個打卡場景，其中呢個企鵝場景就充滿冬天嘅感覺喇！

冬日摩天輪景點5：旋轉木馬
摩天輪除咗係小朋友最鍾意嘅遊樂設施，亦係一個非常浪漫嘅機動遊戲，加上呢度嘅每一隻木馬都由有人手彩繪，全部都係獨一無二㗎！

冬日摩天輪景點6：吹氣滑梯
呢個滑梯接近2層樓高，小朋友嘅尖叫聲不絕，就知好好玩啦！

冬日摩天輪景點7：碰碰車
喺冬日摩天輪外圍，仲有兩個機動遊戲設施。如果想要少少刺激感嘅，呢度就有碰碰車，俾大家一展身手。

冬日摩天輪景點8：香港摩天輪
詳情：追追趕趕高高低低 幸福的香港摩天輪
摩天輪高60米，設置42個車廂，而每個車廂最多乘載八個人。車箱內有冷氣提供，全程15至22分鐘，景觀以中環及維港對岸為主。當上到最高點，如果天氣好，仲可以遠眺郵輪碼頭添！

世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–

冬日摩天輪 Winter at the Wheel
日期：2021年12月16日至2022年2月20日
時間：繁忙時段及標準時段 11:00 – 23:00、非繁忙時段 12:00 – 21:00
非繁忙時段門票：$120（單人入場 + 10 個代幣）、$240（雙人套票 二人入場 + 20個代幣）、$300（家庭套票 四人入場 + 24 個代幣）、$480（家庭套票 四人入場 + 48 個代幣）
普通時段門票：$130（單人入場 + 10 個代幣）、$260（雙人套票 二人入場 + 20個代幣）、$340（家庭套票 四人入場 + 24 個代幣）、$510（家庭套票 四人入場 + 48 個代幣）
繁忙時段門票：$140（單人入場 + 10 個代幣）、$280（雙人套票 二人入場 + 20個代幣）、$380（家庭套票 四人入場 + 24 個代幣）、$560（家庭套票 四人入場 + 48 個代幣）
購票網址：www.zicket.com
限時早鳥優惠：於2021年12月31日前購買門票結帳時輸入優惠碼 【HAPPY10】即減 HKD10

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com