【萬宜水庫東壩路線2023】由東壩六角柱玩到西壩 西貢萬宜水庫打卡漫遊
【萬宜水庫東壩行山路線2023】位於西貢嘅萬宜水庫除咗係香港儲水量最大嘅水庫之外，喺東壩旁邊因為有多個地質景點，好似係六角柱石群、斷層、扭曲石柱等而被聯合國教科文組織列入世界地質公園；加上西壩有多個水務建築同天文公園，成為熱門嘅打卡郊遊景點。今日我哋就由東壩玩到西壩，漫遊8個景點，同A姐瘋狂打卡！
萬宜水庫東壩行山路線2023 | 前往方法
1. 巴士：於港鐵鑽石山站或西貢市中心坐九巴96R至北潭涌落車，再轉乘的士前往
2. 的士：由西貢市中心直接坐的士去萬宜水庫東壩約$120左右
3. 小巴：逢星期日喺西貢市中心設有專線小巴直達萬宜水庫東壩，班次每20分鐘一班，如果你哋同行人多，建議都係搭的士
萬宜水庫東壩行山路線2023 | 路線推介
西貢市中心->（步行）火山探知館->（九巴96R北潭涌落車後轉的士 / 直接坐的士）萬宜水庫東壩->（步行）白腊村->（步行）天文公園->（步行）萬宜水庫西壩->（的士）西貢市中心
萬宜水庫東壩行山路線2023 | 提提你
1. 萬宜水庫東壩設有洗手間，而白腊村就設有洗手間及補給站，其他地方設有流動洗手間
2. 由東壩至西壩嘅路段都係石屎車路（如果入白腊村則為山徑），上落山嘅坡幅唔大，但時間頗長，大家記住量力而為，帶備足夠嘅飲用水
3. 大家記住保持環境清潔，自己垃圾自己帶走，絕對唔可以破壞大自然環境
4. 郊外地區蚊蟲眾多，大家要做好防蚊措施
萬宜水庫東壩行山路線2023 | 萬宜水庫第一站：火山探知館
詳情：香港最遠嘅歷史 西貢火山探知館
萬宜水庫東壩行山路線2023 | 如果你嘅行程起點或終點會嚟到西貢市中心，咁就唔可以錯過巴士站旁邊，免費參觀嘅火山探知館喇！因為萬宜水庫東壩嘅獨特地貌全因為由火山噴發，再喺火山物質嘅冷凝過程中，經過收縮而形成獨特嘅六多形岩柱地貌，所以喺呢個火山探知館就可以了解火山學嘅基本知識、火山構造、火山噴發方式、板塊邊界、香港地質公園介紹以至世界各地嘅六多形岩柱同岩石標本等資料喇。
萬宜水庫東壩行山路線2023 | 萬宜水庫第二站：六角柱石@萬宜水庫東壩（麥理浩徑第一段）
萬宜水庫東壩行山路線2023 | 香港地質公園喺2011年獲聯合國教科文組織列入世界地質公園，而呢個世界級嘅地質公園就係用上西貢六多形岩柱作為標誌，可見呢個六角柱石嘅地位係相當重要！至於喺呢段地質步道，一共設有12塊有關地質嘅資訊牌，當中包括六角柱石形成嘅原因、岩石資料、地質解說等等，資訊圖文並茂，簡淺易明，讓大家更容易了解一億四千萬年前喺火山噴發過程中而形成嘅六角柱石。六角柱石非常壯觀宏偉，絕對係唔可以錯過嘅影相打卡熱點。
萬宜水庫東壩行山路線2023 | 萬宜水庫第三站：S形六角柱石@萬宜水庫東壩（麥理浩徑第一段）
萬宜水庫東壩行山路線2023 | 除咗六角柱石，呢個S形六角柱石都非常壯觀！呢啲六角柱石之所以變成S形，係因為當時六角柱石仍未結實時，就受到大型地殼變動嘅影響，令岩石因為受壓扭曲同下沉而成。
萬宜水庫東壩行山路線2023 | 萬宜水庫第四站：海蝕洞@萬宜水庫東壩（麥理浩徑第一段）
萬宜水庫東壩行山路線2023 | 由大浪侵蝕而成嘅海蝕洞，絕對係大自然嘅鬼斧神工。大家依家只要行呢條地質步道，就可以超近距離欣賞到海蝕洞嘅神奇！不過，呢個海蝕洞因為被水庫嘅防波堤阻擋大浪，依家同將來都唔會再被侵蝕喇！
萬宜水庫東壩行山路線2023 | 萬宜水庫第五站：全民造星4大壩@萬宜水庫東壩（麥理浩徑第一段）
萬宜水庫東壩行山路線2023 | 萬宜水庫東壩外就係一望無際嘅太平洋，因為太平洋經常會有大浪，甚至有海嘯危機，所以就起咗呢條防波堤以保護東壩。呢啲防波石好似巨大積木，有唔少人都會爬上去打卡影相，講真構圖真係幾靚，但大家記住要小心，因為石同石之間嘅裂縫都幾深。另外，呢條防波堤之所以成為近期大熱，就係因為《全民造星IV》主題曲 《前傳》嘅MV就喺呢度拍架喇！
萬宜水庫東壩行山路線2023 | 萬宜水庫第六站：破邊洲@萬宜水庫東壩
萬宜水庫東壩行山路線2023 | 喺防波堤外嘅破邊洲就係因為經過長年嘅大浪侵蝕，由海蝕洞演變成破邊洲，將本身連接嘅半島，被分割出嚟而成。喺東壩嘅行程就差唔多喇，如果大家唔想行去西壩或以下地方，就可以直接坐的士或其他交通工具返回市中心。
萬宜水庫東壩行山路線2023 | 萬宜水庫第七站：白腊村
詳情：露營賞花打卡秘景 西貢隱世白腊村
萬宜水庫東壩行山路線2023 | 白腊村除咗有鬱金香花海、彩色屋仔、水上活動同露營之外，對我哋嚟講，入村嘅最主要原因就係醫肚補給！喺白臘灣海灘嘅旁邊就有一間臨海士多，呢度嘅公仔麵收費一啲都唔平，但飯類價錢尚算合理。至於味道就唔會有咩驚喜，但勝在對正海景，真係好寫意！另外，白腊士多亦為食客提供洗手間，啱晒一班遠足人士作為中途休息站啦！
萬宜水庫東壩行山路線2023 | 萬宜水庫第八站：天文公園
詳情：願我會揸火箭帶你到天空去 西貢天文公園
萬宜水庫東壩行山路線2023 | 由白腊村行去天文公園一段真係有好多牛同牛屎，大家行嘅時候真係要小心呀！喺到達西壩前，大家可以順便去埋天文公園，但行去天文公園沿路往返，但又上又落真係好攰，如果對天文氣象無咩興趣，可以直接skip咗佢。天文公園劃分為3個區域，分別有以中國古代天文儀器為主題嘅天文研習區、肉眼觀測區同望遠鏡觀測區。
萬宜水庫東壩行山路線2023 | 萬宜水庫第九站：萬宜水庫西壩
萬宜水庫東壩行山路線2023 | 西壩就設有多個水務建築，外型獨特，成為大家另類嘅影相打卡點！另外，萬宜水庫西壩嘅光污染非常小，所以吸引唔少人嚟呢度觀星。如果你腳骨力夠，可以繼續行去北潭涌，不過，沿途無咩景點，所以我哋就喺呢度直接坐車返去市中心喇！
世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–
萬宜水庫 High Island Reservoir
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
