【親子好去處】消防及救護教育中心暨博物館 免費參觀兼與救護消防車打卡
【親子好去處 – 消防及救護教育中心暨博物館】消防員係全世界最偉大嘅職業，沒有之一！做消防員可能係唔少男孩子嘅志願；而消防員嘅body就係A姐最想觸碰嘅區域。但想了解香港消防同救護嘅歷史或者有關消防員嘅訓練，就可以嚟到將軍澳嘅消防及救護教育中心暨博物館，呢度除咗有展板同短片介紹之外，更有多架已退疫嘅消防車、救護車，絕對係一個親子好去處。
親子好去處 – 消防及救護教育中心暨博物館 | 前往方法
1.自駕遊：不設公眾車位，最近可以停泊附近嘅環保大道寵物公園停車場
2.乘坐港鐵至將軍澳站或坑口站，再轉乘前往消防及救護學院站之巴士
3.由於巴士班次比較疏，如果人多嘅話，不如乘坐的士
親子好去處 – 消防及救護教育中心暨博物館 | 提提你
1.參觀前，必須經網上預約核實
2.英雄閣為紀念殉職消防員，故此請保持莊重及唔可以影相
親子好去處 – 消防及救護教育中心暨博物館 | 消防及救護學院
親子好去處 – 消防及救護教育中心暨博物館 | 位於將軍澳百勝角嘅消防及救護學院喺2016年啟用，佔地15萬8千平方米，係一座具有消防、救護及專門車輛駕駛訓練於一身嘅世界級消防及救護訓練學校。另設有消防及救護教育中心暨博物館等大家更了解香港消防歷史、運作同消防員培訓。
親子好去處 – 消防及救護教育中心暨博物館 | 消防歷史沿革區
親子好去處 – 消防及救護教育中心暨博物館 | 原來以前香港嘅消防服務係由警察兼任，但隨住香港發展，人口急升，而成立消防處，並喺各區設立消防局。另外，亦可以睇到由殖民地時期至今嘅消防處長嘅相片。
親子好去處 – 消防及救護教育中心暨博物館 | 消防及救護車輛展覽區
親子好去處 – 消防及救護教育中心暨博物館 | 平時喺街見到救護車同消防車，一定係有緊急事情發生，唔通叫佢停一停俾你影相咩？但喺消防及救護車輛展覽區，就放咗多部1:1嘅救護車同消防車，啱晒大家影吓相啦。不過，A姐對救護車完全無興趣（佢只對消防員有興趣），所以呢個區域多數都係男仔逗留最耐嘅地方。
親子好去處 – 消防及救護教育中心暨博物館 | 消防服務展覽區
親子好去處 – 消防及救護教育中心暨博物館 | 我哋一般最常見到嘅消防員工作，除咗救火同拯救困之外，其實仲有好多工作，例如包水浸、冧樹、車禍、被困等救援工作，仲有拯救小動物等等。
親子好去處 – 消防及救護教育中心暨博物館 | 救護服務展覽區
親子好去處 – 消防及救護教育中心暨博物館 | 救護員可以話係消防員嘅最佳拍擋，喺救護服務展覽區，就可以了解救護員嘅工作同裝備。
親子好去處 – 消防及救護教育中心暨博物館 | 調派及通訊展覽區
親子好去處 – 消防及救護教育中心暨博物館 | 香港消防處嘅服務承諾係6分鐘內抵達樓宇密集地區處理火警召喚；而緊急救護召喚服務就需要12分鐘內抵達現場街道嘅地址。遇上意外嘅時候，真係分秒必爭，少一啲使命感都做唔到消防員同救護員㗎！但講到拯救嘅黃金時間，消防嘅調派同通訊聯絡又係點嘅呢，呢度就有一個模型，展示消防署嘅通訊系統。
親子好去處 – 消防及救護教育中心暨博物館 | 培訓工作區
親子好去處 – 消防及救護教育中心暨博物館 | 要成為消防員，就要接受26個星期嘅培訓，係呢個展覽區域就可以見到消防員嘅學習課本同相片。另外，喺落地大玻璃對面就係消防員培訓中心，設有模擬地鐵車廂、纜車、飛機、遊船、地鐵站、冧樓現場等災難現場。雖然我哋唔可以去對面參觀，但如果星期一至星期五嚟到，就有機會見到消防員嘅練習喇！
親子好去處 – 消防及救護教育中心暨博物館 | 英雄閣
親子好去處 – 消防及救護教育中心暨博物館 | 為紀念殉職消防員，故此請保持莊重及唔可以影相。
世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–
消防及救護教育中心暨博物館 Fire and Ambulance Services Academy
地址：九龍將軍澳百勝角路11號
開放時間：星期一、二、四至日 09:30 – 13:00；14:00-17:30
網址：www.hkfsd.gov.hk
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
