【M+博物館介紹】6大主題區港人免費參觀 西九文化區M+博物館

【M+博物館介紹】西九文化區嘅M+博物館係亞洲首間以全球當代視覺文化為主題嘅博物館，設有6大專題展覽共33個展廳，收藏大約1,500件嘅世紀視覺藝術、設計及建築、流動影像、香港視覺文化等嘅作品。入去參觀M+博物館前必睇呢篇攻略同必到嘅打卡影相熱點，啱晒大家喺度玩足一日呀！

門票預約：www.klook.com

M+博物館介紹 | M+博物館

M+博物館介紹 | M+大樓由世界知名建築師事務所Herzog & de Meuron，聯同TFP Farrells和奧雅納設計，總面積達65,000平方米，展覽空間佔地17,000平方米。M+博物館建築合共18層，除咗33個展廳，仲有3間戲院、多媒體中心、研究中心，博物館商店、餐廳同天台花園。其中大樓外更設有110米嘅LED外牆屏幕，用作播放媒體影像藝術，讓M+博物館可以裡裡外外都散發著藝術氣息。

M+博物館介紹 | 儲物櫃

M+博物館介紹 | 一入到去M+博物館，正中央位置就係客務中心，而位於客務中心旁邊同B1層都有免費租用嘅儲物櫃，大家可以將行裝放低，盡情投入M+博物館嘅各項展品。

M+博物館介紹 | 香港：此地彼方

展覽期：2021年11月12日-2022年11月27日
M+博物館介紹 | 位於M+博物館地下大堂嘅展廳就有以香港為出發點嘅「香港：此地彼方」，追溯戰後至今大半世紀的社會面貌銳變。其中大門口就有「九龍皇帝」曾灶財嘅墨寶打頭陣，亦喻意帶領觀眾穿越時代之旅。另外，作為一間以視覺文化為主題嘅博物館，其實曾灶財嘅作品，絕對係香港嘅一個標誌。另外，展館內亦有「香港節」宣傳海報、「垃圾蟲」海報及以「男子漢」為主題嘅警隊招幕廣告，從呢啲廣告訊息同設計，可以知道當時香港人嘅生活同社會文化。直至香港回歸前後，由著名設計師劉小康作品《應回去，港回歸》和 《終回來，港回歸》嘅毛澤東同英女皇大頭照就最吸引，足以回應當時嘅想法。

M+博物館介紹 | 物件 ‧ 空間 ‧ 互動

展覽期：2021年11月12日-2023年5月21日
M+博物館介紹 | 位於M+博物館2樓嘅「物件 ‧ 空間 ‧ 互動」就重點探討過去七十年的國際設計與建築，其中最具爭議就係以一千五百萬購買日本家具及室內設計師倉俁史朗設計的《清友壽司吧》。另外，喺「物件 ‧ 空間 ‧ 互動」仲有一大張Emoji牆、500多件家具、建築、平面藝術及其他設計作品，讓我們從設計及建築中了解與生活息息相關嘅種種問題。

M+博物館介紹 | M+希克藏品：從大革命到全球化

展覽期：2021年11月12日至2022年10月7日
M+博物館介紹 | 隨住中國喺世界舞台嘅角色愈嚟愈重要，新興嘅藝術作品亦慢慢咁走進主流，而呢個展覽就按時序，將1970年代至2000年代嘅中國當代藝術展現出嚟。展區內嘅部份作品更加係宣揚反革民嘅社會藝術，係中國唔可以展出嘅敏感題材及作品由被封殺嘅藝術家創作，相信M+肯定經歷多番協商，作品先可以順利展出。

M+博物館介紹 | 個體 ‧ 源流‧ 表現

展覽期：2021年11月12日至2023月2月5日
M+博物館介紹 | 以亞洲視角探討藝術家所運用嘅創作技巧、物料、形式同方法，包羅萬象。

M+博物館介紹 | 安東尼．葛姆雷：亞洲土地

展覽期：2021年11月12日至2022年7月3日
M+博物館介紹 | 展覽展出英國藝術家安東尼·葛姆雷連同廣東約三百位村民製作嘅十萬個以上嘅泥塑雕像組成，反映中國遼闊嘅土地同龐大嘅人口。

M+博物館介紹 | 博物館之夢

展覽期：2021年11月12日至2022年9月18日
M+博物館介紹 | 展示藝術家如何以文化為素材帶嚟革新傳統，以跨越時間同文化界限嘅藝術創作為主題，讓觀眾探索全球概念藝術。

M+博物館介紹 | 潛空間

M+博物館介紹 | 潛空間係一個空間感十足嘅展覽空間，展出出生於越南嘅丹麥藝術家傅丹嘅《我們人民》同旅法嘅中國藝術家陳箴嘅《雙圓桌》。其中《我們人民》係美國自由神像嘅原大複製品成為本展覽嘅重點作品。

大家留意呀！每個展覽嘅展期各有不同，大家可以定期瀏覽M+嘅官方網頁，了解佢哋最新嘅展覽動向。

M+博物館介紹 | 打卡點：焦點空間

M+博物館介紹 | 位於2樓嘅焦點空間就掛上一個大型十字架，十字架由LED屏幕組成，加上空間感十足，絕對夠晒震撼。

M+博物館介紹 | 打卡點：光庭長廊

M+博物館介紹 | M+博物館透過建築設計，帶入自然光，加上天橋同水泥嘅顏色，輕易就影到打卡厄Like相啦！

M+博物館介紹 | 大台階

M+博物館介紹 | M+博物館內設有多個大台階，佢哋會不定期舉行分享會，等大家可以同唔同嘅藝術家交流，了解佢哋嘅創作意念。

M+博物館介紹 | 天台花園

M+博物館介紹 | M+博物館位於西九文化區，地理位置飽覽維港由西至東嘅海岸景色，所以M+博物館嘅天台花園就係一個公共空間，讓大家可以180度飽覽維港景色。

M+博物館介紹 | 商舖及餐廳

M+博物館介紹 | M+博物館亦設有ADD+ ALL DAY DINING、CURATOR Creative Café、M+本店同M+小舖。大家行到攰可以去到咖啡室，讓藝術融入生活；而臨走前更加可以買吓紀念品。

世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–

M+博物館介紹 
地址：香港九龍西九文化區博物館道38號
開放時間：星期二至星期四、星期六至星期日 10:00-18:00；星期五 10:00-22:00
門票預約：www.klook.com

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com