又有得shopping又有得玩 將軍澳新都城玩轉日夜「迷」城

天氣咁熱，outdoor活動真係唔好預我A姐，我都係鍾意行街shopping再嘆番個hightea！好多人都話香港啲商場個個都差唔多，賣嘢嘅舖頭嚟嚟去去都係嗰幾間，我完全認同㗎！但我就話反正都係買相同嘅嘢，點解唔去啲有得儲分，或者消費有得玩嘅地方呢？今日我就去到將軍澳嘅MCP CENTRAL(新都城中心2期)同MCP DISCOVERY(新都城中心3期)shopping，因為由7月22日至9月2日期間，有超得意嘅「玩轉日夜『迷』城」主題，仲請到國際知名櫥窗形象設計及形象指導藝術大師：Anna Lomax，為今次活動設計視幻主題添！

MCP CENTRAL X Anna Lomax「玩轉日夜『迷』城」主題裝置
日期： 2018年7月22日至9月2日
時間： 10:00 – 22:00
地點： MCP CENTRAL (新都城中心2期) L1天幕廣場

以不對稱線條、多變化形狀、光影鏡面同反差色調設計出代表夏日、水世界、森林原野同晚空等誇張又充滿藝術感嘅拍攝玩樂區，絕對係呃like聖地！

圍牆外被高低不一嘅巨型黑白骨牌同反光鏡面，形成唔同嘅錯覺，真係好有美感架。

而圍牆內嘅「日光區」以繽紛夏日水果同森林原野為題，啱晒夠cute嘅我。

另外，仲有「夜間區」，利用橙色圓形成形成一層層相框或藍黑雙色嘅方形相框，形造出框內有框嘅錯視效果，無論想扮文青定玉女都大把構圖啦。

「MCP DISCOVERY Flamingo」充氣彈床
活動日期：2018年7月22日至9月2日
活動時間：13:00 – 21:00
活動地點：MCP DISCOVERY (新都城中心3期) L1天幕廣場

依家只要喺推廣期內，去MCP CENTRAL (新都城中心2期)或MCP DISCOVERY (新都城中心3期)商場以電子貨幣即日消費滿HK$200或以上，憑存根同讚好「MCP新都城中心」Facebook或Instagram專頁，就有機會換領「充氣彈床遊戲券」喇！

不過，我A姐雖然係小朋友，但可惜我有性感長腿，高過限制嘅90-140cm，所以我只可以喺場外同隻超大隻有成6米高嘅Flamingo影相喇！而彈床區仲有多個主題隧道、門框同障礙物，小朋友實會玩得好開心啦。

FUN身拼貼照相館
活動日期：2018年7月22日至9月2日
活動時間：10am – 10pm#
活動地點：MCP CENTRAL (新都城中心2期) L2 (近759阿信屋)

依家只要喺推廣期內，去MCP CENTRAL (新都城中心2期)或MCP DISCOVERY (新都城中心3期)商場以電子貨幣即日消費滿HK$200或以上，憑存根同讚好「MCP新都城中心」Facebook或Instagram專頁，就可以影番張有個人特色嘅即影即有相喇，一於同M佬留住佢簽卡買嘢俾我嘅快樂時刻啦！

此外，喺指定期間，消費滿指定金額，仲可以換領限量版嘅吹氣沙灘墊或防UV潮人雨傘或參加親子拼貼萬花筒工作坊㗎。

世界各地／香港景點門票邊度買至平？
–> 詳情請睇：https://wp.me/p8vzXP-6G <–

MCP CENTRAL X Anna Lomax「玩轉日夜『迷』城」
地址：將軍澳新都城中心二期及三期商場
開放時間：7月22日至9月2日
網址：www.metrocityplaza.com

（記住Like同Share畀朋友）