港督後花園 柯士甸山遊樂場
太平山山頂嘅景點除咗有凌霄閣同山頂廣場，其實仲有兩個秘景。其中一個就係以英式風格庭園為主題嘅山頂花園，而另一個就係充滿維多利亞時期風格嘅柯士甸山遊樂場，絕對係大家周末同拍拖嘅好去處，仲適合大家帶埋毛孩嚟野餐打卡添。
前往方法
坐巴士或山頂纜車去到太平山山頂後，行大概10分鐘就會到達柯士甸山遊樂場。柯士甸山遊樂場嘅名氣相對山頂花園少，但前往山頂花園途中，將會經過柯士甸山遊樂場，呢度都有唔少殖民地色彩，所以好多人就誤以為柯士甸山遊樂場就是山頂花園，大家記住唔好搞錯呀！
柯士甸山遊樂場
山頂花園曾經係總督山頂別墅，而柯士甸山遊樂場就曾經係港督嘅後花園喇！依家附近都係豪宅，所以亦被稱為富豪後花園。柯士甸山遊樂場都有一大片草地，十分適合大家野餐。另外，柯士甸山遊樂場亦係寵物共享公園，記住帶埋毛孩嚟放電呀！
維多利亞式噴水池
講到柯士甸山遊樂場嘅打卡點，又點少得呢個維多利亞式噴水池呢？呢個維多利亞式噴水池好有殖民地色彩，吸引唔少人嚟呢度影婚紗相架！
洗手間
洗手間都係打卡熱點？喺維多利亞式噴水池嘅後面就係洗手間，呢個以傳統19世紀英國維多利亞時代設計嘅紅磚建築物經翻新後就係一個洗手間，大家嚟到除咗影相，順便去埋洗手間啦！
柯士甸山遊樂場 Mount Austin Playground
開放時間：24小時
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
