華富邨瀑布美景 南區瀑布灣瀑布
華富邨除咗係香港其中一條最早期又好有代表性嘅公共屋邨之外，仲有一條好多傳聞嘅瀑布，佢就係瀑布灣。瀑布灣位於瀑布灣公園內，亦係南區海濱長廊嘅其中一段，而瀑布嘅水源原自薄扶林水塘，亦有「扶林飛瀑」之稱。
提提你
1. 瀑布灣有好多傳聞同鬼故故事，當中最出名嘅鬼故當然就係白衣女子啦！其實有咁多傳聞，主要都係想嚇吓啲小朋友，因為瀑布灣曾發生多次溺斃嘅事故，所以大家郊遊時，記住要小心安全，唔好喺溪澗游水
2. 大家記住保持環境清潔，自己垃圾自己帶走，絕對唔可以破壞大自然環境
3. 瀑布外嘅瀑布公園設有公眾洗手間，方便遊客
前往方法
1. 乘坐往華富邨嘅巴士，喺華富（一）商場沿瀑布灣道往下行，就會到達瀑布灣公園
2. 瀑布灣公園設有收費露天停車場，自駕人士可以泊喺呢度，夠晒方便
香港名稱由來
作為東亞最重要嘅港口，以前有唔少商船都會停留瀑布灣避風同取用食水，並稱此處為香江。
香港八景
早喺清朝嘉慶初年，《新安縣志》就將瀑布灣選為「新安八景」；喺1940年前亦被記載為「香港八景」之一。直至1963年薄扶林水塘落成，自此瀑布就失去昔日壯觀嘅情景。雖然我哋冇機會見到以前氣勢磅礡嘅瀑布，但反而有一種清幽嘅感覺。
碉堡
喺瀑布對出嘅石灘，就有一座被棄置嘅碉堡，傳聞日本皇軍曾經喺呢度屠殺平民，所以大家都係唔好去探險喇。
世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–
瀑布灣公園 Waterfall Bay Park
地址： 香港島西南瀑布灣
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
「扶林飛瀑」六十年代人稱「百河橋瀑布」，「百河橋」其實是「八號橋」的諧音，水源是從太平山及力奇山流經「薄扶林村」西北面一條全年有流水的山溪，再匯集區內不同的溪流合成，一直往西南方在現「華富瀑布灣公園」位置出海，剛好「薄扶林村」西南面至海邊一帶均為花崗岩，石質堅固不易被流水侵蝕，至海邊花崗岩的崖壁被海浪衝擊而造成「斷崖」的地理現象，斷崖高約 15 米，強大的溪水頓成一度澎湃的飛瀑奔海，極為壯觀，曾有「鼇洋飛瀑」和「扶林飛瀑」的美譽，乃「新安八景」和「香港八景」之一，1863年薄扶林水塘落成，兩個源頭之一的太平山源頭被截流，自此瀑布就失去昔日壯觀嘅情景，若遇上長時間大雨，薄扶林水塘滿溢，又會回到昔日近似的流量，澎湃的飛瀑奔海復現。
.
船隻因要取淡水供船員及乘客飲用，特別是遠洋航行的船隻，遙見有奔流入海的飛瀑，便前往取水，因此吸引不少遠洋船隻來香港取水，亦展開貿易往來。所以「扶林飛瀑」與香港開埠有不少淵源，至南京條約英政府要求清廷割讓香港，亦因為容易為商旅及海軍取得補給因素之一。
.
（上兩代的傳聞指「薄扶林」原名「百步林」，因為昔日（香港開埠前）該處為一片樹林，但有很多強盜聚集，劫殺每天從香港仔到市區的商人，素有有「百步不出林」之稱，因此叫「百步林」；後有商人組織衛隊，早晚各一次由衛隊持槍保護商人往返，免遭強盜搶劫，最後清廷的相關官員派兵將強盜肅清，坎樹伐林建現有的「薄扶林村」。）
薄扶林水塘是1863年落成，比上面資料早一百年。