【鳳德公園】西遊記主題公園 黃大仙鳳德公園

【黃大仙鳳德公園 – 西遊記主題公園】香港有米奇老鼠為主題嘅樂園，亦有保育海洋為主題嘅遊樂場，但唔講唔知原來仲有呢個以《西遊記》為主題嘅公園。我哋嚟到位於黃大仙嘅鳳德公園，公園以四大名著嘅《西遊記》為主題，分為四個主題區，仲有啱晒小朋友放電嘅遊樂設施，同期間限定嘅打卡紅葉，啱晒大家玩足半日呀！

黃大仙鳳德公園 | 西遊記主題公園 | 前往鳳德公園方法

1. 港鐵：喺黃大仙港鐵站A出口行大約5分鐘就到
2. 自駕遊：喺鳴鳳街同翠鳳街設有咪錶，方便大家泊車

 

黃大仙鳳德公園 | 西遊記主題公園 | 1. 鳳德公園景點：花果山

黃大仙鳳德公園 | 西遊記主題公園 | 成個鳳德公園分為四個主題區，由盈凰里入口出發，第一站就會去到花果山。講起西遊記嘅花果山，就會諗起出賣年齡系列嘅名句：「如來佛祖玉皇大帝觀音菩薩指定取西經特派使者花果山水簾洞美猴王齊天大聖孫悟空」。呢個花果山水簾洞係鳳德公園嘅地標，亦係最靚嘅打卡點！水簾洞兩旁有瀑布，非常有氣勢。喺水簾洞外面就有《西遊記》故事嘅壁畫，啱晒大家認識《西遊記》。

黃大仙鳳德公園 | 西遊記主題公園 | 2. 鳳德公園景點：水晶宮

黃大仙鳳德公園 | 西遊記主題公園 | 《西遊記》故事嘅孫悟空除咗大鬧天宮，亦都大鬧水晶宮。而孫悟空就喺水晶宮搶走東海龍王嘅定海神針作為武器：金剛棒。所以喺水晶宮噴水池就放有一支金剛棒喇！鳳德公園水晶宮除咗金剛棒，其實設計都好細緻，首先以唔同嘅噴水池同瀑布營造水晶宮嘅水底感覺，另外，地上嘅壁畫亦刻意畫上一條龍，非常貼題。

黃大仙鳳德公園 | 西遊記主題公園 | 3. 鳳德公園景點：火焰山

黃大仙鳳德公園 | 西遊記主題公園 | 《西遊記》嘅故事分為唔同章節，但講到最著名嘅情節，當然就係火焰山啦！嚟到火焰山，雖然無炎熱嘅感覺，而大家亦唔可以攀山，但嚟到火焰山，不如搵吓隱藏嘅鐵扇公主芭蕉扇啦！

黃大仙鳳德公園 | 西遊記主題公園 | 4. 鳳德公園景點：五指山

黃大仙鳳德公園 | 西遊記主題公園 | 孫悟空因為大鬧天宮，被如來佛祖封印喺五指山下，經過五百年後由南海觀世音點化，並成為唐三藏嘅大弟子，協助取西經。位於鳳德公園嘅五指山就好似五個巨大廁紙筒咁，可以從底望返上去，感受孫悟空被壓嘅狹窄視覺。

黃大仙鳳德公園 | 西遊記主題公園 | 5. 鳳德公園期間限定景點：紅葉

黃大仙鳳德公園 | 西遊記主題公園 | 每年12月至1月都係香港觀賞紅葉嘅熱門時間，但估唔到喺鳳德公園，都可以睇到市區難得一見嘅紅葉。雖然鳳德公園只有一棵紅葉，但配合樓梯或亭台做背景都別有一番風味。

世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–

鳳德公園 Fung Tak Park
地址：九龍黃大仙鳳德道42號
開放時間：星期一至日 06:30 – 23:00

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com