1蚊買到咩？ 美食博覽2018懶人包 入場前必睇六大攻略

繼書展同動漫電玩節之後，下一個重頭戲當然就係美食博覽啦！嚟到第29屆嘅美食博覽，會期將由2018年8月16日至20日期間舉行，有超過1,560家展商，分為「公眾館」、「尊貴美食區」同「貿易館」，要數最受歡迎嘅當然$1優惠啦！暑假仲未諗到做咩？咁一於捉埋M佬去美食博覽掃平貨啦！

公眾館

將於8月16至20日開放，接近600個參展商，分為5大展區：中國內地、加拿大、日本、韓國同台灣，無論係鍾意食中菜嘅M佬，定係鍾意東瀛風嘅A姐都搵到心頭好。同過往一樣，最矚目嘅一定係「美食薈萃廊」，主打各地美食品牌，包括：超力、奇華餅家、美心、日清、安記海味、大班、維特健靈、壽桃牌、阿波羅同味珍味等等。

而以推廣本地優質漁農產品嘅香港蔬菜統營處同魚類統營處，今年會繼續推廣本地優質漁農產品，真正支持Made in Hong Kong！記住唔好錯過本地製造嘅祖味脆魚皮、韓國冰鮮醬油蟹同天然健康雞胸肉脆片等等。

尊貴美食區

將於8月16至19日開放，超過70間參展商，分為四大主題：「亞洲‧料理」、「歐美‧戀饌」、「甜藝‧閒情」及「綠色‧味力」，世界各地嘅頂級佳餚一次過都食到！記住唔好錯過本地製造嘅鮮黑松露手工啤酒、植物研製嘅素豬肉同荷蘭低脂芝士等等。

貿易館

將於8月16至17日向業內人仕開放，只有8月18日向公眾開放，超過900間參展商，分為12個地區展館，最囑目一定係「清真食品區」同「中醫藥展區」，但呢個館主要係為業界交流平台、測試市場反應同提升品牌知名度。業界代表仲會分享唔同議題，包括：一帶一路的市場商機、清真食物認證、食品業的創新科技、食品檢測和認證服務等，協助業內人士掌握最新市場資訊等等。

精彩活動

除咗以上展區，喺美食博覽期間，仲有唔同嘅精彩活動！重頭戲當然係一班星級名廚嘅烹飪示範，包括: 百樂潮州酒家行政總廚許美德、馬尼拉新濠天地中餐廳行政總廚黃筠財、帝苑酒店Sabatini意大利餐廳主廚Claudio Favero、金門莊私房菜主理人黎惠娥、法國料理仙后餐廳副主廚梁國威、柏屋大阪懷石料理香港分店主理人高橋淳、Le Pan行政總廚溫有成、怡東軒中菜行政總廚黃永強等等。

仲有《食通灣仔2018-2019》飲食文化地圖發佈會、涼茶飲用貼士講座、產品發佈會同幸運抽獎添！

如果想好似我A姐咁食得健康，就記住參加「全城減鹽減糖」講座，鼓勵都市人養成健康的飲食習慣。

六大攻略

1. 早晚入場都有優惠

8月16至17日及20日中午12點前，或8月16至19日期間下午6時後進場，只需要$10就可以買上午進場票或晚間進場票。如持上午進場票嘅入場人士可於下午6時前以$25或於下午6時後以$15參觀「尊貴美食區」，而持晚間進場票於下午6時後補$15就可以參觀「尊貴美食區」。

2. 一票同遊N個展覽

美食博覽期間，持票嘅入場人士可同時參觀家電‧家品‧博覽、美與健生活博覽、香港國際茶展，而毋需額外繳費。

3. 必搶晚市著數平貨

由8月16日至19日嘅晚上7點至10點，喺會展展覽廳3E舉行晚市「著數」特區，部分參展商推出特惠福袋，好似貿豐發展有限公司嘅$100福袋，就可獲得11款貨品，當中包括日本推出嘅杯麵、即食麵，以及多款泰國小食等等。另外推介嘅啟泰精選湯組合，一套5包只需$88！

記住唔好咁大聲，唔好話俾人知，其他仲有：
‧SONG YEN燕窩飲品 $5／罐（復興貿易發展有限公司）
‧海天堂龜苓膏+茯苓膏套裝 $65／套 （海天堂有限公司)
‧有機冷壓初榨椰子油牙膏 $18／2支（德美高發展有限公司）

4.重點即搶$1優惠

每年美食博覽，兵家必爭之地就係各參展商嘅「1蚊」優惠！已知嘅有醉榴香推出遊戲活動，以1元參與遊戲就有機會贏得「一世免費食貓山皇榴槤冰皮月餅」！

仲有：
‧ 四海魚蛋：8月16至18日出售30袋4款炸魚皮福袋，8月19至20日推出$1排檔系列福袋。
‧ 鴻星集團：推出100盒$1原隻乾鮑系列。
‧ 陳記點心：$1 – 100粒燒賣、$1 – 100粒魚蛋、$1 – 1隻珍珠雞，每項優惠只限10位。

5. 尊貴美食區嘆正貨

尊貴美食區必買必食植物研製嘅素豬肉、黑松露醬油、日本和牛、西班牙風乾火腿、精品咖啡、高級餐酒、新派雪糕及特色芝士等。

6. 把握機會入貿易館

貿易館雖然為期三日，但只有8月18日向公眾開放，館內設有「清真食品區」和「中醫藥展區」，以及多個國家及地區展館，包括中國、捷克、日本、韓國及波蘭等。館內主打特色產品，如：葡萄牙的天然果醬、紐西蘭的蜂蜜、哥倫比亞的咖啡豆、馬來西亞的香辣咖哩粉和韓國的蘆薈等。

世界各地／香港景點門票邊度買至平？
–> 詳情請睇：https://wp.me/p8vzXP-6G <–

美食博覽2018
日期：2018年8月16至20日 （星期四至星期一）
地址：灣仔港灣道1號香港會議展覽中心
門票價錢：普通門票－25元；連尊貴美食區門票－40元；上午進場票－10元；晚間進場票－10元
詳細購票及票價資料

家電家品博覽
美與健生活博覽
同期同地點還有「家電‧家品‧博覽」、「美與健生活博覽」！公眾人士憑1張門票，可以參觀3個大型展覽，掃勻美食、家品、扮靚嘢。

另外，8月18日，持票人士更可參觀「香港國際茶展」和聽「中醫保健公開論壇」中醫師講解養生保健之道。

展覽開放日期及時間：

展覽日期	美食博覽				家電‧家品‧博覽	美與健生活 博覽	香港國際茶展
	貿易館	公眾館	尊貴美食區
8月16日	只開放給業內人士： 10:00 – 18:00	10:00 – 22:00					只開放給業內人士： 10:00 – 18:00
8月17日
8月18日	同時開放給業內及公眾持票人士 10:00 – 17:00						同時開放給業內及公眾持票人士 10:00 – 17:00
8月19日	不適用						不適用
8月20日		10:00- 18:00		不適用	10:00- 18:00	10:00- 18:00

票價詳情：

門票種類	每張票價	訪港人士票價	傷健人士票價
「美食博覽公眾館」、「美食博覽尊貴美食區」、「家電‧家品‧博覽」及 「美與健生活博覽」套票	＄40	＄30	＄20
「美食博覽公眾館」、「家電‧家品‧博覽」及「美與健生活博覽」門票	＄25	＄20	＄10
「美食博覽公眾館」、「家電‧家品‧博覽」及「美與健生活博覽」上午進場票（僅限8月16、17及20日中午12時前進場）備註：入場人士可於下午6時前追加票價港幣25元以參觀「尊貴美食區」，或於下午6時後追加港幣15元參觀「尊貴美食區」	＄10	＄10	＄10
「美食博覽公眾館」、「家電‧家品‧博覽」及「美與健生活博覽」晚間進場票（僅限8月16至19日期間下午6時後進場）備註：入場人士可追加港幣15元參觀即晚的「尊貴美食區」	＄10	＄10	＄10

（記住Like同Share畀朋友）