週末好去處！JCCAC手作市集！啱晒偽文青M佬！

好記得有一次放工趕住去JCCAC黑盒劇場睇Drama，就跳上架的士度，點知司機大佬同我講唔知咩叫JCCAC，唔係呀嘛，咁出名都唔知…… 當大家掛住去PMQ嘅時候，唔知有無遺忘到JCCAC呢??

睇番資料先知JCCAC原來喺2008年開幕，原來已經10年啦!! 佢全名係賽馬會創意藝術中心，前身係石硤尾工廠大廈，內裡保留咗以前工廠大廈嘅建築特色，例如，廁所同升降機。

JCCAC最受歡迎嘅就梗係每季嘅創意市集，好記得我M佬啱啱出嚟做嘢嗰陣，每次都去行!! 今次係2016年3月12至13日舉行!!! (不過我哋兩個都去唔到…… 因為我哋去咗釜山!! 呵呵!!)

每次市集都會有成百幾檔攤位，全部都係賣自家設計嘅手作產品!!!! 女仔嘅可以買啲無咁容易撞款嘅飾物，男仔嘅可以買皮革製品!!!

除咗行市集，大家仲可以喺市集期間報名參加免費露天電影會，喺星空下欣賞得獎電影; 仲有映後座談會，可以同影評人交流交流!!

未行過JCCAC嘅朋友，仲可以參加工作室導賞團，了解一下JCCAC藝術村嘅背後故事，參觀各層嘅工作室同展覽!! 咁多嘢玩真係夠玩成個下晝!!!

JCCAC 手作市集 2016年3月份
地址: 九龍石硤尾白田街30號 (港鐵石硤尾站C出口，步行約5至8分鐘)
日期: 2016年3月12至13日
時間: 下午１時至晚上７時
電話: 2353 1311

（記得Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！

圖片來源: JCCAC官方網站