九龍諾富特酒店Staycation 抵食品坊自助午餐

今個長假期,M佬又帶我去玩Staycation,嚟到位於佐敦嘅九龍諾富特酒店。由於酒店已有一定年資,硬件軟件都有跡可尋,但勝在價錢夠平,兩日一夜住宿包埋自助午餐連加一都係HK$620。以價論價,加上酒店嘅品牌名氣,確實係無得輸。所以Staycation所包嘅品坊餐廳自助午餐,我哋都將貨就價,唔敢太大期望。

住宿體驗
今次我哋嚟到位於佐敦嘅九龍諾富特酒店,入住兩日一夜住宿就麻麻哋喇!
詳情:價錢平但真心舊 九龍諾富特酒店

入座安排
我哋雖然屬於早一批進入餐廳,但可能我哋預訂嘅套票比較cheap啦,所以餐廳職員只安排門口隔離嘅位置俾我哋。其實餐廳面積唔大,所以就算坐邊個位去攞嘢食都唔會有好大分別,但門口位勁多人出出入入,勁似啲職工用膳嘅位置咁,進食期間一啲都唔舒服。更重要係,餐廳入座率三成都唔夠,確實唔需要比呢個位置我哋囉!

刺身、壽司
刺身有三文魚,希靈魚、甜蝦同蟹柳;而壽司有腐皮壽司、吞拿魚壽司、三文魚壽司等。刺身同壽司都係自取,所以眼見有唔少食客瘋狂搶食,真係睇到唔少眾生相。

凍海鮮
有蝦、青口、蜆同小龍蝦,尚算新鮮,但唔算鮮甜。

合掌瓜煲豬骨湯
自助午餐居然推介你飲湯?因為呢個湯好鮮甜,非常足料,同飲唔到有濃烈嘅味精調味。

熱葷
熱食選擇有八款,全部都係普通中或西菜,味道中規中矩,未見突出。

切肉
切肉有牛肉同火腿兩種選擇,味道OK啦。

其他
餐廳有提供唔少凍盤,好似火腿同扎肉等等;另外亦有沙律吧同甜品吧,其實選擇豐富,絕對夠飽。

水果
水果選擇有成五款,款款都非常新鮮,特別係哈密瓜,真係甜到入心,可能係自助午餐中最好味嘅嘢食。

飲品
酒店嘅飲品選擇好多,除咗蘋果汁、檸檬茶同雜果賓治,另外仲有茶同咖啡,驚喜連罐裝汽水都無限任飲,可見酒店夠晒大方。

雪糕
以呢個價錢嘅自助午餐,雪糕竟然係Häagen-Dazs,真係食多幾杯已經夠回本啦!

品坊 the SQUARE
地址:佐敦彌敦道348號香港九龍諾富特酒店1樓
電話:+852 3965 8788
營業時間:星期一至日 06:30 – 00:00

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
大眾點評:A姐M佬
Trip Advisor:AandMDiary
Youtube:A姐M佬玩樂日記
報料或合作:keepintouch@aandmdiary.com

aandmdiary

香港生活、飲食、旅遊、電影博客 Hong Kong Foodie, Lifestyle, Food, Travel and Movie Blogger & KOL, Hong Kong Blogger 分享香港餐廳美食推介及食評,影評最新電影評論及推薦,香港周末拍拖好去處,自由行行程景點建議安排,旅行攻略懶人包等。

Leave a Reply

Your email address will not be published.