備長炭煲仔飯 太古新店點煲

返工最期待嘅一定係每日lunch time同班姊妹嘅講是非時段啦!喺太古城返工嘅我哋,發覺食嚟食去無咩新意,終於等到有間新開嘅餐廳,好感動呀!呢間新開嘅餐廳主打點心同煲仔飯,所以餐廳名夠直接,就叫點煲!點煲作為港式食店,就連餐廳嘅設計都以香港功夫為主題,夠晒貼題又獨特。

芝士櫻花蝦金蠔銀魚煲仔飯
煲仔飯即叫即整,所以製作需時,啱晒我哋邊講是非邊等上菜啦!煲仔飯用熱力均勻嘅備長炭燒,所以上枱嘅時候,唔使再焗,就已經形成飯焦。另外,餐廳亦大玩fusion菜,將芝士同櫻花蝦融入煲仔飯,形成拉絲嘅狀態,估唔到煲仔飯都可以同creamy畫上等號!而加入金蠔同銀魚,就令煲仔飯嘅味道更有層次,值得推介。當然唔可以錯過脆卜卜同焦香嘅飯焦啦!

梅菜扣肉煲仔飯
除咗玩另類嘅煲仔飯,一啲傳統嘅煲仔飯呢度都有,我哋就叫咗梅菜扣肉煲仔飯,扣肉係薄切,一層肥一層瘦,入口即化!由於梅菜扣肉嘅調味已經十足,我哋就覺得唔使再額外加豉油,反而可以加啲豬油,令飯嘅油香滿溢,雖然罪惡咁十足,但真係好好味呀!

清蒸游水鮮筍殼魚
平時酒樓先見到嘅大魚缸,估唔呢到都有!魚缸內除咗有新鮮嘅白鱔,仲有筍殼魚。新鮮嘅魚最啱就係清蒸,加少少豉油,就食到魚嘅鮮甜味。

砵酒大鱔煲
不嬲唔係太鍾意食鱔,因為好怕佢嘅泥味,但係呢度嘅大鱔會預先放入淨化水,令魚肉相對結實同淡化泥味。當打開個大鱔煲,隨即就聞到濃郁嘅砵酒同薑蔥嘅調味。大鱔厚切,肉質結實,最驚喜係勁入味,真係好想叫碗白飯嚟配上呢個醬汁。

蟹籽香菇燒賣
一籠燒賣有三粒,上面勁多蟹籽,蝦、冬菇同豬肉嘅比例啱啱好,食落口感爽口彈牙。

酥炸鳳尾蝦春卷
春卷外脆內軟,非常鬆化。

奶皇小豬包
設計成小豬嘅奶皇包,啱晒食前攞嚟卡,奶皇幾香甜細滑。

真係冬菇包
上枱嘅時候,真係以為係原隻冬菇。食落嘅感覺有啲似棉花糖,軟軟綿綿,外層嘅係朱古力粉,入邊係菇味十足嘅冬菇,配合起上嚟嘅時候,味道獨特。

點煲 Dimpot
太古城分店:太古太古城道16號星輝台智星閣地下G1016-G1017號舖
馬鞍山分店:馬鞍山鞍祿街18號MOSTown新港城中心(4期)2樓2203-2204號舖

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
大眾點評:A姐M佬
Trip Advisor:AandMDiary
Youtube:A姐M佬玩樂日記
報料或合作:keepintouch@aandmdiary.com

aandmdiary

香港生活、飲食、旅遊、電影博客 Hong Kong Foodie, Lifestyle, Food, Travel and Movie Blogger & KOL, Hong Kong Blogger 分享香港餐廳美食推介及食評,影評最新電影評論及推薦,香港周末拍拖好去處,自由行行程景點建議安排,旅行攻略懶人包等。

Leave a Reply

Your email address will not be published.