【米線推介2023】區區尋米線 全港十間在地人推介米線店
【米線推介2023 | 在地人推介米線店】米線絕對係近年香港人嘅comfort food，一星期總會想食一至兩次熱辣辣嘅米線！喺香港除咗幾間大型連鎖嘅米線店，好似譚仔雲南米線、譚仔三哥米線同南記粉麵之外，我哋發覺每一區都有人氣嘅米線小店，所以邀請咗每一區嘅在地人報料，綜合咗以下十間在地人推介嘅米線店。
米線推介2023 | 在地人推介米線店 | 1. 旺角天星雲南米線
地址：旺角砵蘭街136號地舖
營業時間：星期一至日 12:00 – 22:00
詳情：https://wp.me/p8vzXP-5Uo
米線推介2023 | 在地人推介米線店 | 近期受到Facebook香港米線關注組嘅關注，令天星雲南米線成為大熱嘅米線小店。呢碗招牌腩肉冬菇小鍋中麻辣米線比平時食開嘅辣，食落又好有層次，麻香味持久，麻同辣嘅比例啱啱好！配料有韭菜同辣肉碎，至於配菜有招牌腩肉同冬菇，一層肥一層瘦嘅腩肉好腍，至於冬菇炆得好入味，份量一啲都唔少。
米線推介2023 | 在地人推介米線店 | 2. 石籬雲南小鍋米線
地址：葵涌梨木道112號葵寶大廈地下5號舖
營業時間：星期一至日 11:00 – 20:30
詳情：https://wp.me/p8vzXP-5Jk
米線推介2023 | 在地人推介米線店 | 第一次嚟到石籬，就係尋找雲南小鍋米線！嚟到呢間米線餐廳，必叫嘅就一定係好似雪花一樣嘅雞絲（但我哋竟然唔記得咗嗌囉）！湯底以大量豬骨同雞腳熬製，再加入炸醬、肉碎、酸菜、韮菜、辣醬等，即叫即煮，所以湯底夠晒熱，而且香味濃郁。呢碗過橋米線配菜有蟹柳、腐竹、火腿同紅腸，不過配料一嚟到，要盡快浸湯，因為配菜本身唔夠熱，主要係靠熱湯整熱。
米線推介2023 | 在地人推介米線店 | 3. 銅鑼灣金西南米線
地址：銅鑼灣登龍街41-51號金龍大厦地下D舖
營業時間：星期一至日 11:30 – 22:30
詳情：https://wp.me/p8vzXP-5gS
米線推介2023 | 在地人推介米線店 | 如果你以為銅鑼灣只有連鎖嘅米線店，咁實在太膚淺喇！銅鑼灣嘅金西南米線位於登龍街，我就揀咗雞翼、冬菇、豬皮雲南中辣小鍋米線。索晒啲辣湯嘅豬皮真係冇得輸；雞翼好入味都唔錯；不過，冬菇就略嫌煮得未夠腍，唔太入味。
米線推介2023 | 在地人推介米線店 | 4. 屯門雲貴風正宗雲南米線
地址：屯門井財街15號金銘大廈地下 (青杏徑天橋出口)
營業時間：星期一至日 12:00 – 00:00
詳情：https://wp.me/p8vzXP-59O
米線推介2023 | 在地人推介米線店 | 呢間位於屯門嘅雲貴風正宗雲南米線，聽屯門嘅在啲人講，佢細細個就已經幫襯啦！我就叫咗麻辣豬耳配魚腐小麻辣米線，呢度每碗米線嘅配菜都有芽菜、韮菜、酸菜同辣肉碎，特別推介脆口微辣嘅豬耳，勁有口感；而魚腐拍有4粒。至於湯底嘅麻味好香，非常香濃，係重口味人士嘅最愛。
米線推介2023 | 在地人推介米線店 | 5. 灣仔成都小巷
地址：灣仔巴路士街5號地舖
詳情：https://wp.me/p8vzXP-5bf
米線推介2023 | 在地人推介米線店 | 夜晚主打雞煲嘅成都小巷，原來米線都好有驚喜！首先呢度嘅配料低至HK$5，喺灣仔來講真係非常抵！我就叫咗麻辣腩肉、雞肉片、牛肉片重慶中酸辣米線，份量非常多，特別係後設嘅腩肉，又入味又有口感！配菜有芽菜、花生、韮菜、酸菜同肉碎，湯底酸辣比例啱啱好，好好味！
米線推介2023 | 在地人推介米線店 | 6. 尖沙咀星林居酸辣米線餐廳
地址：尖沙咀金馬倫道14號金輝大樓3樓
營業時間：星期一至日 11:00 – 00:00
詳情：https://wp.me/p8vzXP-4Kh
米線推介2023 | 在地人推介米線店 | 鍾意食芫荽、韭菜、葱同芽菜嘅朋友，就一定要認識星林居。呢碗豬腩肉配蘿蔔明火小鍋米線嘅份量唔算話特別多，但如果你要求多葱多芫荽，店主就從一啲都唔孤寒，真係會放到成座山咁。不過，呢間餐廳嘅服務真係麻麻哋，嚟嘅時候要做定心理準備。
米線推介2023 | 在地人推介米線店 | 7. 中環馬祖台灣養生湯麵館
地址：中環和安里6-7號聯安樓地下及M樓
營業時間：星期一至五 11:00 – 21:00；星期六至日 12:00 – 21:00
詳情：https://wp.me/p8vzXP-5gU
米線推介2023 | 在地人推介米線店 | 除咗麻辣同酸辣嘅米線，養生湯底嘅米線一直都係第三個勢力。呢間位於中環嘅馬祖台灣養生湯麵館就主打藥膳米線，喺門口已經聞到個湯底好濃好香，好吸引呀！呢碗藥膳農場醉雞米線，上枱就聞至如果到好香濃嘅藥材味道，湯底鮮甜濃郁，夠晒真材實料。而最好味當然係個雞件啦，雞件滲出微微酒香，唔會好肥，但好嫩滑。
米線推介2023 | 在地人推介米線店 | 8. 長洲火車頭酸辣小窩
地址：長洲新興街36號地下
營業時間：星期二至五 11:30 – 21:00；星期六至日 11:30 – 17:00
詳情：https://wp.me/p8vzXP-6Zn
米線推介2023 | 在地人推介米線店 | 去長洲除咗食芒果糯米糍、大魚蛋之外，原來都有人氣長龍嘅米線小店。呢碗蜆肉紫菜湯豬頸肉米線上枱第一件事就係要先飲啖湯，因為湯底充滿紫菜同蜆肉嘅精華，好鮮甜呀！蜆肉份量勁多，足足有二十隻，完全無沙，尚算肥美！紫菜當然都無沙，好香。至於加配嘅豬頸肉就正正常常，軟腍入味。最後差唔多飲晒個湯，但重點係一啲都唔口喝。
米線推介2023 | 在地人推介米線店 | 9. 新蒲崗雲南人家風味餐廳
地址：新蒲崗康強街32-34地下8號
營業時間：星期一至六 11:00 – 21:00
詳情：https://wp.me/p8vzXP-8Qa
米線推介2023 | 在地人推介米線店 | 講到雲南人家風味餐廳最欣賞就係用鐵鍋上枱，令到米線保持住熱辣辣，夠熱嘅米線真係會更加好味架！其實雲南人家風味餐廳最出名嘅係豆花撈米線，不過我哋偏向湯米線多啲，所以就叫咗呢碗雞扒、滑牛肉、滷水雞翼酸辣米線，份量好多，酸同辣嘅比例啱啱好，麻香層次突出，湯入邊仲有啲豬肉碎，令味道更加濃郁。配料方面同樣勁豐富，雞扒大塊嫩滑；滷水雞翼勁入味；而滑牛肉嘅肉質滑嫩。整體嚟講，非常啱我哋嘅口味！
米線推介2023 | 在地人推介米線店 | 10. 荃昌新貴香園
地址：荃灣西樓角路202-216號昌安大廈荃昌中心1樓53-54號舖
營業時間：星期一至日 11:00 – 21:30
詳情：https://wp.me/p8vzXP-9R0
米線推介2023 | 在地人推介米線店 | 被譽為米線之都嘅荃灣，真係周街都係米線嘅食店呀！今次嚟到呢間位於荃昌中心嘅新貴香園，雖然名氣唔算大，但就有唔少荃灣在地人推介，絕對係街坊先識得食嘅米線呀！望住個menu，竟然見到沙嗲湯底，唔洗諗，即叫！沙嗲湯底非常濃郁，食嘅時候，米線非常掛湯，辣度可以自己揀！雞翼同豬頸肉都好香口，而豬紅都非常入味，口感一流，整體份量都幾多。
十間在地人米線推介米線餐廳
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
