待我公主般與情人步上天梯 尖東富情調的西餐廳Diletto

由尖東海旁望住維港嘅夜景,拖住M佬隻手,其實簡簡單單,我已經覺得好浪漫好滿足!一直跟住M佬行,經過唔少地方,佢一直都捉得我好實,我覺得自己真係好幸福呀!行到咁上下,佢帶我去到尖沙咀嘅意大利餐廳 – Diletto,望住條好有氣派嘅長樓梯,真係好有做公主嘅感覺呀!入到餐廳,好似去咗Banquet Hall,除咗有好多花,餐廳嘅枱枱凳凳,燈飾、樓底、窗台都好雅緻,再問吓餐牌,我嘅反應係……

A姐:M佬,你係未做咗啲對我唔住嘅事?
M佬:有時浪漫吓,搞吓小驚喜,對你好啲唔好咩?唔好咁多疑啦!再多疑,下次同你去食太太口服液放題!

係呀,女人就係咁!其實以呢度裝潢華麗嘅格調,餐牌嘅價錢一啲都唔貴!

New Bread(香草麵包、麵包棒)

店員送上麵包,用一個皇冠形嘅盤,唔通我唔係公主,我係女皇?係唔係同我加冕呀?(M佬:留意番,你唔係女皇,啲包先係女皇呀!)

麵包有兩款,分別係香草麵包同麵包棒,拿上手仲係暖笠笠㗎!我就鍾意香草麵包,好軟熟之餘,仲有好香嘅香草味!而麵包棒就脆卜卜,少少鹹香。

香草焗蒜頭

如果嫌麵包太單調,可以配合呢個香草焗蒜頭,蒜頭好香好多汁,加落麵包度就成為蒜蓉包喇!記住,食完一定要錫啖你個M佬呀!

南瓜蓉

如果嫌蒜頭重口味,不如試吓呢個香甜軟滑嘅南瓜蓉!

如果香草焗蒜頭同南瓜蓉都唔啱你心意,當然仲有意大利醋、橄欖油同牛油啦!

Carbonate Spaghetti(意大利脆煙肉蛋黃忌廉意粉)

至於意粉係正宗意大利菜煮法,所以意粉比平時嘅質感較硬,相對比較煙靭!食之前先將流心蛋黃切開,再同呢度特製嘅卡邦尼醬汁撈勻,好軟滑,好Creamy呀!好滿足呀!

French Whole Yellow Con Fed Chicken (慢煮黃油雞)

呢個黃油雞係餐廳嘅招牌菜,外皮烤到金黃香脆,但雞肉就好嫩滑,記住點埋特製醬汁:芥末醬、燒汁、蘑菇醬,成大隻雞脾,啖啖肉,好味呀。

Diletto
地址:尖沙咀漆咸道南11-15號余仁生中心1樓
營業時間:星期一至日 11:30-23:00
電話:+852 2117 1411

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
報料或合作:aandmdiaryhk@gmail.com

aandmdiary

香港生活、飲食、旅遊、電影博客 Hong Kong Foodie, Lifestyle, Food, Travel and Movie Blogger & KOL, Hong Kong Blogger 分享香港餐廳美食推介及食評,影評最新電影評論及推薦,香港周末拍拖好去處,自由行行程景點建議安排,旅行攻略懶人包等。

Leave a Reply

Your email address will not be published. Required fields are marked *