無盡的選擇 觀塘串燒屋

你有幾耐無BBQ呀？未發生疫症前，我同M佬不時都會去郊野公園燒嘢食，好掛住燒烤嘅味道呀！雖然依家就未可以去BBQ，不過都可以食住自助自動串燒放題頂住癮先啦！我哋嚟到觀塘嘅串燒屋，呢度有串燒、炸物、前菜小食、飲品同甜品，選擇勁多，歎住冷氣感受燒烤味道，真係好爽呀！

串燒
選擇勁多，包括美國穀飼牛肋條、美國穀飼牛西冷、厚切牛舌、蜜汁叉燒豬柳、泰式豬頸肉、農場鷄腿肉、原味鷄中翼、麻辣鷄翼、奧爾良辣鷄翼、爽口鷄腎、麻辣鷄腎、海蝦、北海道熟帆立貝、挪威鯖魚、黃金魚片頭、臺灣一口腸、鷄肉腸、迷你豆卜、紅腸、芝士腸、魚蛋、芝士獅子狗卷、龍蝦丸、日式蟹柳、牛筋丸、花枝丸、貢丸、午餐肉等。

咁多選擇，梗係要揀啲最好味嘅推介俾大家，等大家唔會嘥咗個胃啦！美國穀飼牛西冷嘅牛肉味濃，夠juicy；厚切牛舌夠厚身，食落非常有口感；蜜汁叉燒豬柳個叉燒汁濃郁微甜，好入味；泰式豬頸肉夠爽口，微辣又帶有香茅味；海蝦大大隻，新鮮彈牙。枱上面仲放左燒肉汁、秘製串燒醬、辣椒粉、孜然粉同椒鹽等調味料，令燒烤味道層次大大提升。

網燒類
除咗串燒，仲可以網燒。選擇有蒜蓉烤蠔、蒜蓉烤青口、蒜蓉烤茄子、原條日本秋刀魚、一口牛、安格斯牛肩肉片、日本漢堡扒、西班牙黑毛豬五花腩片、美國特級牛仔骨等。

特別推介蒜蓉烤蠔，蠔身飽滿，加上蒜蓉慢慢烤，令蠔身索晒蒜蓉味，非常香口；另外食網燒又點少得茄子呢？茄子細隻但肥身，茄子肉豐實，上面放上蒜蓉等調味料，食嘅時候非常惹味；當然仲要食埋簡單而不平凡嘅牛油粟米同蒜蓉烤金菇啦！

炸物
等緊串燒同網燒嘅時候，可以叫啲炸物食住先，炸物即叫即炸，新鮮熱辣有夠脆口。選擇同樣勁多，包括脆炸薯條、吉列炸生蠔、吉列炸豬扒、吉列魷魚圈、吉列墨魚角、春卷、吉列炸蝦、炸雞軟骨、唐揚鷄塊、炸蝦餅、迷你炸魚餅、粟米墨魚餅、紫薯餅、泡菜餃子、王將餃子、榴槤波波、香芋地瓜丸、雙皮奶同脆皮香蕉等。

沙律及前菜
除咗燒烤同炸物，呢度仲有沙律同日式前菜選擇，M佬最愛嘅味付螺肉都有呀！

甜品
雪糕方面餐廳選擇雀巢牌，口味有四款，分別係紅豆、芒果、雲尼拿同朱古力。

串燒屋 BBQ House
地址：觀塘通明街54號地舖
營業時間：星期一至日 17:00 – 00:00
電話：+852 2363 0999

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com