由一個Brunch開啟你的週末一天遊 | 推介10間必嘆早午餐及優惠詳情
假期瞓到自然醒，申個懶腰之後，就梗係要施施然去嘆個Brunch再開始一日嘅行程啦！A姐M佬畀啲意見你啦，一個完美嘅brunch，食物一定要精緻，餐廳環境夠靚可以打卡，決一不可！我哋就揀咗10間Brunch俾各位字母粉，唔少Brunch仲提供香檳或紅白酒任飲，喺微熏嘅情況enjoy你嘅holiday。
1. Brunch推介：太子酒店 – SAVVY
地址：尖沙咀廣東道3-27號海港城港威商場3樓3209A號舖
預訂及優惠：詳情按此
Brunch時段：星期六、星期日 12:00-14:30
親身體驗：酒店世一自助早午餐 高質海港城太子酒店SAVVY
鍾意食海鮮就要bookmark港城嘅SAVVY，逢星期六同星期日嘅Brunch Buffet，海鮮吧無限量供應龍蝦、大蜆、青口、小龍蝦、麵包蟹呀！另外，Brunch嘅開放式廚房仲會即席炮製各種美食，例如印式烤雞、印式烤餅，Brunch嘅食物選擇非常多元化。食飽飽之後，當然就要去海港城散步（其實係shopping啦）！
2. Brunch推介：歷山酒店 – 歷山餐廳
地址：北角城市花園道32號歴山酒店
預訂及優惠：詳情按此
Brunch時段：星期六、星期日及公眾假期 11:30-14:30
親身體驗：歐洲宮廷氣派歷山酒店 北角歷山餐廳半自助餐
歷山餐廳嘅Brunch Buffet最正係有生蠔呀！生蠔即叫即開， 夠晒新鮮！而除咗任食生蠔，Brunch嘅食物仲包括凍熟蝦、小龍蝦、藍青口、海螺、刺身、即切烤肉、慢煮特級肉眼牛扒、多款凍盤、熱葷及甜品等，非常豐富。
3. Brunch推介：帝逸酒店 – Alva House
地址：沙田源康街1號帝逸酒店1樓
預訂及優惠：詳情按此
Brunch時段：星期六 11:15-13:45或14:15-16:45
帝逸酒店Alva House嘅Brunch分為11:15同14:15兩個時段，非常適合瞓到連午餐都唔記得食嘅各位字母粉啦！Brunch同樣供應任食生蠔，仲有多款特色雞蛋料理，包括香檳水波蛋、班尼迪蛋、黑松露炒蛋，以及即點即製意粉、烤肉等箍，但最正係Brunch包埋任飲指定氣泡酒、紅酒、白酒、啤酒、汽水同果汁。
4. Brunch推介：雅格酒店 – Arca Society
地址：黃竹坑香葉道43號雅格酒店3樓
預訂及優惠：詳情按此
Brunch時段：星期六、星期日及公眾假期 12:00-14:30
雅格酒店Arca Society嘅Brunch為套餐形式，主菜菜單仲會不定期更新，鍾意食牛扒嘅唔可以錯過喇！Brunch除咗主菜，仲有前菜、湯同甜品，非常豐富。另外，假日海陸早午餐仲有兩款任飲package，可以無限量任飲指定Gin Tonic、香檳、氣泡酒、紅酒、白酒、啤酒、汽水同果汁。
5. Brunch推介：數碼港艾美酒店 – Umami
地址：數碼港道100號香港數碼港艾美酒店1樓
預訂及優惠：詳情按此
Brunch時段：星期六、星期日 12:00-15:00
數碼港艾美酒店嘅Brunch同好多餐廳嘅Brunch好唔同，因為佢係以日本菜為主打。Umami以日式居酒屋為主題，可以品賞由日本直送嘅食材，例如壽司、刺身、和牛等。而逢星期六同星期日嘅Brunch就包括多款前菜、主菜同甜品拼盤，真係可以嚟一場偽日本旅行。
6. Brunch推介：東隅 – FEAST
地址：太古城太古城道29號
預訂及優惠：詳情按此
Brunch時段：星期六、星期日及公眾假期 12:00-14:30
東隅酒店FEAST嘅Brunch採用半自助形式，沙律、冷盤同甜品都可以無限量追加，大家一定要留肚食甜品呀，因為FEAST嘅甜品真係好好味架！至於主菜方面，提供西式、中式，甚至素菜選擇，總會有啱你心水嘅選擇。
7. Brunch推介：美利酒店 – Murray Lane
地址：中環紅棉路22號香港美利酒店LG層
預訂及優惠：詳情按此
Brunch時段：星期六、星期日 12:00-14:30
美利酒店有唔少餐廳都提供Brunch，例如：The Tai Pan、Popinjays，但我哋就推介以西班牙為主題嘅Murray Lane。自助餐區內無限供應由西班牙新鮮空運嘅西班牙優質食材，例如血腸、辣肉腸、八爪魚、辣椒，而主菜同甜品就有西班牙烤乳豬、烤肉眼牛扒、西班牙油條等等，適合食得刁鑽嘅你。
8. Brunch推介：柏寧酒店 – PLAYT
地址：香港銅鑼灣告士打道310號
預訂及優惠：詳情按此
Brunch時段：星期六、日及公眾假期 11:45-14:30
柏寧酒店嘅PLAYT以廚房劇院為概念，餐廳以開放式廚房為食客提供美食。Brunch以自助餐形式，海鮮吧無限量供應龍蝦、麵包蟹、翡翠螺同刺身之外，仲有極度少見嘅魚子醬同魚子，絕對容易回本呀！另外，Brunch必食嘅仲有龍蝦賓尼迪蛋等中西或選擇。Brunch仲可以無限量enjoy有氣葡萄酒、果汁同自家製Gelato！
9. Brunch推介：維港凱悅尚萃酒店 – Cruise
地址：北角北角邨里一號西座23樓 Cruise空中餐廳及酒吧
預訂及優惠：詳情按此
Brunch時段：星期六 12:00-14:30
想望住維港靚景嘆Brunch，可以考慮位於北角維港凱悅尚萃酒店嘅Cruise。Cruise香港維港凱悅尚萃酒店嘅頂層，除咗可以睇到維港靚景，餐廳仲有DJ為大家選擇同Brunch最夾嘅音樂。餐廳除咗無限供應開胃小菜同主菜，仲可以無限暢飲香檳同特調雞尾酒呢！
10. Brunch推介：九龍香格里拉酒店 – Café Kool
地址：尖沙咀東麼地道64號九龍香格里拉閣樓Café Kool
預訂及優惠：詳情按此
Brunch時段：星期日 11:45-14:30
九龍香格里拉酒店Café Kool嘅周日早午自助餐，同樣無限量供應即開生蠔，仲有多款時令海鮮、加拿大龍蝦、龍蝦奄列、即切西班牙白毛豬火腿伴香甜蜜瓜、天婦羅等等，非常豐富。
*以上餐廳食物供應選擇僅供參考，最終需視乎餐廳供應情況而定
相片來源：餐廳官方社交網站
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
