[秋見蟹逅] 13間私心推薦的大閘蟹放題、大閘蟹套餐等抵食大閘蟹攻略
秋天係食蟹嘅季節，麵包蟹、花蟹、膏蟹、黃油蟹等都非常肥美，但講到最正嘅當然就係大閘蟹啦！每年農曆八至十月都係食大閘蟹嘅季節，唔知你哋食大閘蟹鍾意食公定乸呢？有啲人話乸多黃啲，但有啲人就話公會鮮甜啲，真係各有市場，但計我話最緊要係好味同食得盡興！我哋搜羅全港13間大閘蟹Staycation、大閘蟹放題、大閘蟹套餐、爆膏大閘蟹等抵食大閘蟹優惠，即刻book枱嘆吓大閘蟹啦！
1. 大閘蟹Staycation：君悅酒店
價錢：港灣壹號大閘蟹主題晚餐Staycation套票 – 兩位HK$3,938起
立即預訂：大閘蟹Staycation
如果嘆完高質大閘蟹，仲可以歎埋Staycation就真係至高享受喇！君悅酒店推出呢個大閘蟹Staycation，Staycation套餐包括1晚豪華客房住宿、兩位豐富自助早餐，仲有養生品牌CheckCheckCin客房禮遇。至於大閘蟹主題晚餐就喺港灣壹號享用，包括蟹粉小籠包、蟹粉家鄉釀脆皮關西遼參、蟹粉扒菠菜苗等，大閘蟹迷亦可選擇以優惠價加配清蒸大閘蟹，一邊享受維港美景，一邊品嚐頂級大閘蟹滋味。
2. 大閘蟹放題：等等Hea
價錢：88分鐘大閘蟹任飲任食放題 – HK$448起
立即預訂：大閘蟹放題
地址：九龍城福佬村道41號地下
等等Hea嘅大閘蟹放題根據大閘蟹嘅重量分為唔同價錢，兩位以上訂購贈送鹽焗或麻辣大閘蟹，而四位以上訂購贈送鹽焗、麻辣大閘蟹及兩籠蟹粉小籠包。但講到等等Hea嘅大閘蟹放題最正係蟹公同蟹乸都有得食，夠晒滿足。等等Hea嘅大閘蟹放題除咗任食大閘蟹，仲有唔少台式地道菜式，仲有30款台灣飲品，珍珠奶茶、奶蓋紅茶、果茶等，全部都係任飲任食。
3. 大閘蟹放題：Pho星登陸越球
價錢：大閘蟹88分鐘任食放題 – HK$438起
立即預訂：大閘蟹放題
Pho星登陸越球係一間食越南菜為主打嘅餐廳，88分鐘無限任飲任食包括清蒸大閘蟹公、清蒸大閘蟹乸、蟹粉水餃、蟹粉花枝丸、生滾大閘蟹粥、星球生炒糯米飯、Pho 星生熟牛河、扎肉湯河、越球春卷、沙嗲串燒（雞/豬）、香茅雞翼、越式雞肉棒、越式雞軟骨、越式雞皮、越球牛三寶（熟腩，牛筋，牛柏葉）、醬汁鰻魚、雙檸蜜、椰汁冰、青檸梳打、咸檸七等十七款飲品。所有食材都非常新鮮，勁易回本！
4. 大閘蟹放題：陶源酒家
價錢：2小時任食大閘蟹放題 – HK$498起
立即預訂：大閘蟹放題
陶源酒家嘅大閘蟹口碑一向都唔錯，今年推出嘅大閘蟹放題有三種食法，分別係清蒸大閘蟹、太雕蒸大閘蟹、油鹽焗大閘蟹，除咗無限任食大閘蟹，放題套餐仲可以任食北京片皮鴨、多款小菜同甜品。另外，大閘蟹放題仲包每位一份鮑汁扣原隻鮑魚伴百靈菇、金湯小米燴遼參、蟹粉扒豆苗同蟹粉小籠包，夠晒豐富。
5. 大閘蟹套餐：緣味小聚
價錢：大閘蟹＋龍蝦海鮮蒸氣鍋餐 – HK$298起
立即預訂：大閘蟹套餐
緣味小聚嘅海鮮粥底火鍋一向深受大家歡迎，全因為海鮮真係夠新鮮，有信心保證。今年推出的大閘蟹＋龍蝦海鮮蒸氣鍋餐，價錢親民，每位除咗有四隻爆膏大閘蟹，仲有半隻生猛厚肉龍蝦、一隻蘇格蘭蟶子皇、一隻韓國鮮飽魚、一份扎扎跳海生蝦、一份爽甜貝殼類、一份澳洲M5和牛、一份西班牙黑毛豬、一份手打牛肉球、一份有機三寶蔬、一份小心流沙包、一份千層薑汁糕，最後以完美吸收晒海鮮精華嘅粥底作結，非常滿足。
6. 大閘蟹套餐：香港金域假日酒店龍苑中菜廳
價錢：“蟹”逅在龍苑 – HK$583起
立即預訂：大閘蟹套餐
香港金域假日酒店嘅龍苑中菜廳以精緻粵菜為主打，更曾獲香港旅遊發展局頒發美食之最大賞金獎。今年蟹季推出“蟹”逅在龍苑的大閘蟹套餐，套餐包括生拆蟹粉小籠包、蟹粉蟹肉高湯燴燕窩、紫蘇蒸大閘蟹、吉列大蝦球配蟹皇醬伴蒸花卷、翡翠蟹粉龍躉球、薑米蟹粉炒飯、黑糖薑茶湯圓，款款觸動味覺享受！
7. 大閘蟹套餐：香港九龍東皇冠假日酒店紫粵軒
價錢：金秋大閘蟹宴 – 兩位HK$1,396起
立即預訂：大閘蟹套餐
如果唔識拆蟹，咁我就要介紹你去香港九龍東皇冠假日酒店嘅紫粵軒。紫粵軒嘅金秋大閘蟹宴除咗免加一免茶錢，仲包埋免費拆蟹服務，對於唔太識食蟹嘅你絕對係一大賣點！呢個金秋大閘蟹宴除咗每位三隻清蒸或菊花蒸江蘇大閘蟹，仲有黃金大閘蟹蓋伴醬油蘿蔔、竹笙木耳花膠羹、棗皇薑茶、蟹粉蟹肉扒豆苗、砂鍋薑米蟹粉炒飯，每樣食物都非常精繳好味。
8. 大閘蟹套餐：香港美利酒店The Niccolo Room
價錢：上海蟹宴爵士樂之夜 – HK$888起
立即預訂：大閘蟹套餐
去美利酒店除咗玩Staycation，亦可以享受呢個大閘蟹套餐！套餐包括清蒸原隻江蘇大閘蟹、酥炸蟹粉釀蟹蓋、鮮蟹粉竹笙扒菜苗等，食蟹當然要加配特選花雕酒，令蟹嘅鮮甜味更凸出！另外，現場更有爵士樂表演，令大家除了可以感受食物的色、香、味之外，連耳朵都能夠探入整個用餐體驗。
9. 大閘蟹套餐：觀塘星駿會
價錢：秋之皇讌大閘蟹10道菜全包宴 – 六位HK$1,988起
立即預訂：大閘蟹套餐
一大班人食大閘蟹就最開心啦！觀塘星駿會推出6位用或12或用秋之皇讌大閘蟹10道菜全包宴，每席包每位兩隻清蒸陽澄湖大閘蟹、原盅蟲草花燉老雞湯、醬皇碧綠帶子蚌片、陳皮蒸鮮鮑魚、美極生煎大海中蝦、清蒸沙巴大虎斑、濃湯菌皇泡有機菜、霸王蔥油走地雞、老成都炒飯、大師鴛鴦糕點、花雕酒、啤酒或汽水，適合大家一大班人嘅大閘蟹聚會啦！
10. 大閘蟹套餐：港島海逸君綽酒店君綽軒
價錢：大閘蟹套餐 – 兩位HK$1,753起
立即預訂：大閘蟹套餐
港島海逸君綽酒店君綽軒喺今年嘅大閘蟹的季節，推出期間限定嘅大閘蟹套餐，套餐包括蟹粉小籠包、清蒸江蘇大閘蟹、蟹粉燕窩羹、蠔皇原隻8頭鮑扣天白花菇、蟹肉扒菜苗、蟹皇乾貝炒香苗、薑茶芝麻湯丸，絕對讓你食指大動，齒頰留香。
11. 螃蟹自助餐：朗廷酒店The Food Gallery
價錢：「蟹逅金秋」自助晚餐 – HK$606起
立即預訂：螃蟹自助餐
秋天係食蟹嘅季節，朗廷酒店嘅The Food Gallery就推出期間限定嘅「蟹逅金秋」自助晚餐，提供多款唔同口味嘅時令螃蟹，例如蟹肉沙律、麵包蟹、咖哩蟹、避風塘炒蟹、天婦羅軟殼蟹、清蒸螃蟹、香煎蟹餅等，當然仲有唔少自助餐嘅美食，生蠔、刺身、海鮮冷盤等，非常豐富。
12. 越南肉蟹套餐：九龍海逸君綽酒店海雲天
價錢：「蟹之約會」盛宴 – 兩位HK$638起
立即預訂：螃蟹套餐
海雲天推出「蟹之約會」盛宴，螃蟹選用新鮮越南肉蟹，菜式包括：海雲三小碟、松茸鮑魚燉湯、芝士焗蟹蓋、蟹粉獅子頭、星洲黑胡椒蟹、櫻花蝦蟹肉撈烏冬、京式小龍包、精選甜品，可以一次過品賞到西式、日式、中式、南洋等蟹肉風味。
13. 螃蟹套餐：黑木亭居酒屋
價錢：虎蝦麵包蟹粥套餐 – 兩位HK$599起
立即預訂：螃蟹套餐
作為一間居酒屋，同蟹嘅距離原來都可以好。呢間黑木亭居酒屋除咗提供各式日本料理、風味串燒、日本和牛、新鮮海鮮燒物、和牛壽喜燒海鮮鍋物及日本直送時令海鮮及食材之外，今年蟹季亦推出虎蝦麵包蟹粥套餐，套餐包括蟹甲羅燒、蟹將軍薯仔沙律、炸櫻花蝦豆腐、刺身拼盤、Skewer拼盤、鱈魚片、虎蝦麵包蟹粥、 提拉米蘇配曲奇雲呢拿味雪糕，讓味蕾體驗和風麵包蟹的味道。
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
