緣份終於來到了 流記香港仔艇仔粉

近年流記艇仔粉成為大家追棒嘅對象，但想食真係唔容易？M佬話緣份到了，艇仔粉自然會黎！我驚我餓扁都未等到呀！其實只要打個電話，然後企定定喺度，架船就會嚟架喇！喺等緊艇仔粉嘅時候，M佬同我講，以前香港仔避風塘有好多漁船，佢哋靠海食海，所以主要都係食捕獲到嘅海鮮，但日日食海鮮都會悶，所以就出現咗艇仔粉，而流記香港仔艇仔粉除咗服務漁民，依家連岸邊嘅我哋都有機會食到喇。

想食艇仔粉，就要留意以下嘅停泊點，咁緣份到了，你嘅艇仔粉自然會黎！
-珍寶香港仔碼頭
-香港仔海濱公園對出碼頭
-逸港居對出的香港仔觀光舢舨碼頭
-鴨脷洲悅海豪庭對出的海濱公園舢舨碼頭
-鴨脷洲洪聖古廟及市政大廈對出的舢舨碼頭

當然，可以直接打電話俾流叔啦，然後話佢知你嘅碼頭位置。隔咗一陣，流叔揸住架船，就嚟到我哋面前喇。

咩都要啲艇仔粉
艇仔粉可以自選唔同配料，包括魚蛋、魚片、叉燒、燒鵝、牛腩同切雞等，如果咩都想食又或者唔知食咩好，咁點算？所以流叔就提議我哋叫碗”咩都要啲”啦。呢碗咩都要啲，樣樣有齊，仲要有大大隻切雞脾，好豐富呀！而呢碗艇仔粉嘅湯底都唔簡單，主要用大地魚熬湯底，所以湯底特別鮮香。

提提你，艇仔粉只提供外賣，所以我哋就坐咗喺香港仔海濱公園品嘗呢個民間美食。

流記香港仔艇仔粉
地址：珍寶香港仔碼頭、香港仔海濱公園對出碼頭、逸港居對出的香港仔觀光舢舨碼頭、鴨脷洲悅海豪庭對出的海濱公園舢舨碼頭、鴨脷洲洪聖古廟及市政大廈對出的舢舨碼頭（建議打電話查詢）
營業時間：星期一至日 10:00 – 16:00 （建議打電話查詢）
電話：+852 9140 2628

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
報料或合作：keepintouch@aandmdiary.com