【太安樓美食2023】西灣河太安樓夜市 8大宵夜必食推介
【太安樓美食2023 | 太安樓宵夜必食推介】為何深夜總是餓？講到港島區掃街食宵夜嘅地方，又點少得太安樓呢？太安樓有港版士林夜市之稱，呢度嘅港式小食選擇好多，絕對係港島區掃街食宵夜嘅集中地！我哋就揀選咗8個太安樓必食嘅宵夜推介小店俾大家，等大家食飽飽再瞓個靚覺啦！
- 太安樓美食推介1：林記車仔麵
- 太安樓美食推介2：姊妹美食
- 太安樓美食推介3：娥姐粉菓
- 太安樓美食推介4：太安樓牛雜
- 太安樓美食推介5：魚蛋佬
- 太安樓美食推介6：沙嗲佬
- 太安樓美食推介7：東記小食
- 太安樓美食推介8：晶點小館
太安樓美食2023 | 太安樓夜市8大宵夜必食推介 | 1. 林記車仔麵
地址：西灣河筲箕灣道57-87號太安樓地下A12舖
太安樓美食2023 | 太安樓夜市8大宵夜必食推介 | 夜晚食碗熱辣辣嘅湯麵，真係好有幸福感呀！位於太安樓嘅林記車仔麵已經超過30年歷史，價錢親民，最出名係又香又辣嘅辣椒油！我哋宵夜就特別鍾意食車仔麵，因為如果宵夜唔太肚餓，就可以食少啲，純粹滿足一吓空虛嘅胃。
太安樓美食2023 | 太安樓夜市8大宵夜必食推介 | 2. 姊妹美食
地址：西灣河筲箕灣道57-87號太安樓地下A35A舖
太安樓美食2023 | 太安樓夜市8大宵夜必食推介 | 喺太安樓見到最多人圍住嘅舖頭，非姊妹美食莫屬。姊妹美食嘅最大賣點係選擇超多，煎釀三寶、炸大腸、炸大雞髀、炸魷魚、炸薯條、天婦羅、炸帶子等等，全部即叫即炸，新鮮熱辣，雖然罪惡感爆燈，但絕對係宵夜嘅最佳美食！除咗炸嘢之外，姊妹美食仲有碗仔翅、燒賣、魚蛋、生菜魚肉、雞蛋仔等港式經典美食。
太安樓美食2023 | 太安樓夜市8大宵夜必食推介 | 3. 娥姐粉菓
地址：西灣河筲箕灣道57-87號太安樓地下A01舖
太安樓美食2023 | 太安樓夜市8大宵夜必食推介 | 因為傳媒嘅報道，所以娥姐粉菓嘅知名度好高！呢度嘅粉菓確實皮薄餡靚，隻隻都晶凝通透，非常有口感，食嘅時候，我就鍾意加少少辣椒油，就更加惹味啦！不過，除咗粉菓之外，其他嘢食都可以忘記呀，哈哈！
太安樓美食2023 | 太安樓夜市8大宵夜必食推介 | 4. 太安樓牛雜
地址：西灣河筲箕灣道57-87號太安樓第二街A31B號舖
太安樓美食2023 | 太安樓夜市8大宵夜必食推介 | 太安樓嘅牛雜絕對唔可以錯過！！呢度嘅牛雜分為大、中、小，三個size，牛雜有牛筋、牛潤、牛肺、牛腩、牛肚、牛膀等，所有嘢食嘅味道都勁濃郁，仲有淡淡嘅花椒八角香味，如果有啲咩唔食嘅，記住提早出聲呀！另外，仲可以加埋豬腸、豬皮、蘿蔔同柚皮，當中蘿蔔同柚皮絕對唔可以錯過，蘿蔔勁鮮甜，柚皮索晒牛雜嘅精華，真係無得頂！
太安樓美食2023 | 太安樓夜市8大宵夜必食推介 | 5. 魚蛋佬
地址：西灣河筲箕灣道57-87號太安樓地下A28號B舖
太安樓美食2023 | 太安樓夜市8大宵夜必食推介 | 講到太安樓嘅人氣長龍小食店，又點少得魚蛋佬呢！食物選擇唔算太多，除咗魚蛋，仲有腸仔、齋、芝士腸、牛丸同牛柏葉。魚蛋佬最出名嘅係佢嘅沙嗲醬，醬汁濃郁，非常惹味！當中魚蛋同牛柏葉就最索汁，唔可以錯過！
太安樓美食2023 | 太安樓夜市8大宵夜必食推介 | 6. 沙嗲佬
地址：西灣河太安樓地舖A28C
太安樓美食2023 | 太安樓夜市8大宵夜必食推介 | 話明宵夜，就梗係無咁早開門啦！沙嗲佬通常夜晚九點半後先開門，呢度嘅串燒用炭爐燒，配上濃郁惹味嘅沙嗲，食物仲有炭香味添！串燒選擇有牛肉、豬肉、雞肉、雞腎、雞中翼、紅腸、香腸等，全部即叫即少，所以建議大家第一站可以先來沙嗲佬落咗order先喇！
太安樓美食2023 | 太安樓夜市8大宵夜必食推介 | 7. 東記小食
地址：西灣河太安樓地舖
太安樓美食2023 | 太安樓夜市8大宵夜必食推介 | 嘩，真係行過路過唔可以錯過！因為東記小食即炒粉麵嘅油鑊聲，會令你不期然停低睇睇。如果你想搵啲飽腹感高嘅嘢食，就可以試吓啦！首先可以選擇河粉或油麵，再自行揀配料，雖然啲配料主要都係火腿、腸仔、蟹柳呢啲簡單食物，但賣點絕對係佢嘅鑊氣，一試難忘。
太安樓美食2023 | 太安樓夜市8大宵夜必食推介 | 8. 晶點小館
地址：西灣河太安樓地舖
太安樓美食2023 | 太安樓夜市8大宵夜必食推介 | 如果煎炸嘢食唔啱你，喺太安樓都有蒸嘅夜茶點心。鮮蝦燒賣、北菇棉花雞、百花釀魚肚、晶點蝦餃皇、山竹牛肉球、豉汁蒸鳳爪、豉汁蒸排骨、蠔皇鮮竹卷同各式盅頭飯等等。雖然未至於酒樓級數嘅精緻，但整體味道都唔錯。
太安樓美食2023 | 太安樓夜市8大宵夜必食推介
地址：西灣河筲箕灣道57-87號
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
