【長洲好去處2023】長洲11大週末好去處及美食推介 尋找長洲的日本秘景
【長洲好去處2023 | 長洲一日遊食買玩推介】好多人放假都鍾意去長洲度假，因為長洲嘅配套、打卡、景點都係各離島之最，所以成為全香港最受歡迎嘅離島，沒有之一。但好多人去長洲都離不開春天睇櫻花、夏天去東灣泳灘，再去食大魚蛋、芒果糯米糍、紅豆餅同手卷等等，如果你嘅必玩推介仲係以上行程，不如今個假期就跟住A姐同M佬推介，重新認識最新嘅長洲食買玩攻略，一齊去長洲尋找長洲的日本秘景、長洲11大好去處及美食推介啦！
- 長洲好去處一日遊食買玩推介1. 蓮香咖啡
- 長洲好去處一日遊食買玩推介2. 五行石
- 長洲好去處一日遊食買玩推介3. 冰廠豆腐花
- 長洲好去處一日遊食買玩推介4. 康蘭餅店
- 長洲好去處一日遊食買玩推介5. 北眺亭（港版函館夜景）
- 長洲好去處一日遊食買玩推介6. 濤濤居火鍋煲仔菜
- 長洲好去處一日遊食買玩推介7. 鈴小町
- 長洲好去處一日遊食買玩推介8. 陳通記
- 長洲好去處一日遊食買玩推介9. 食水配水庫公園（港版鳥居）
- 長洲好去處一日遊食買玩推介10. 火車頭酸辣小窩
- 長洲好去處一日遊食買玩推介11. 小長城
長洲好去處2023 | 長洲一日遊食買玩推介 | 1. 蓮香咖啡
地址：長洲大興堤路二號熟食巿場四號檔
電話：+852 2981 7566
營業時間：星期一至四、星期六至日 05:00 – 16:30
長洲好去處2023 | 長洲一日遊食買玩推介 | 落咗船嘅第一站就梗係要醫肚啦！傳統嘅冬菇亭大排檔喺香港已經所剩無幾，但原來喺長洲仲保留住一個！呢間屹立超過40年嘅蓮香咖啡，餐廳由第一代傳到第三代，八十後嘅老闆放棄文職工作，堅守大排檔情懷，為街坊保留熟悉嘅味道。特別推介即叫即炸嘅招牌炸豬扒，豬扒預先切件，食嘅時候夠晒方便，而且醃得入味，鹹香十足，而豬扒口感非常鬆化；沙嗲豬潤麵嘅沙嗲味香濃，仲帶有花生香，原來湯底加入咗好多花生碎粒，所以食嘅時候好有口感，加上湯底用豬骨熬製，所以味道夠厚實，而豬潤煮到啱啱好，唔會太老，而且無苦味夠新鮮，口感爽滑。
詳情：堅守大排檔精神 必食沙嗲牛肉麵 長洲蓮香咖啡
長洲好去處2023 | 長洲一日遊食買玩推介 | 2. 五行石
長洲好去處2023 | 長洲一日遊食買玩推介 | 食飽飽就行一條BB級嘅路線啦！五行石其實係由五塊高達五米嘅大石組成，石與石間有路可行，輕易就影到尤如武俠小說嘅畫面啦！另外，五行石喺正懸崖嘅旁邊，加上一望無際嘅海景，感覺好似會搖搖欲墜跌落海咁，真係非常壯觀。絕對係一個打卡影相嘅熱點。
詳情：BB級路線 長洲五行石
長洲好去處2023 | 長洲一日遊食買玩推介 | 3. 冰廠豆腐花
地址：長洲冰廠路6號地舖
營業時間：星期一至五 14:30後營業；星期六日及公眾假期 11:30後營業
長洲好去處2023 | 長洲一日遊食買玩推介 | 行完山，就梗係要嘆個下午茶啦！冰廠豆腐花鄰近長洲消防局，網上見到有人話，呢度嘅豆腐花每日都係限量供應，想食嘅當然唔可以太遲去，但太早去都唔得架喎，因為老闆娘又無咁早開門，我哋今日大概3點左右，行到熱辣辣，終於試到呢碗豆腐花啦。豆腐花夠滑就唔多講，因為佢嘅更大賣點係個豆味超超超濃！加埋薑汁，簡值就係絕配！
長洲好去處2023 | 長洲一日遊食買玩推介 | 4. 康蘭餅店
地址：長洲海傍道91號B地下
營業時間：星期一至日 06:00 – 19:30
電話：+852 2981 5218
長洲好去處2023 | 長洲一日遊食買玩推介 | 一碗豆腐花做下午茶又邊夠飽呢？所以轉場去康蘭餅店啦！“康蘭餅店？平安包麻，成日食架啦！” 話說，好多人對康蘭嘅認識，都係佢嘅平安包，我哋都唔例外，今日路過都只係想買隻平安包，但撞啱佢嘅蛋撻仔出爐，一試難忘！呢個蛋撻仔HK$10就有4隻，好抵食呀！新鮮出爐嘅蛋撻仔，熱辣辣，蛋嘅部份好滑，蛋香十足。一啖一隻，啱啱好！
長洲好去處2023 | 長洲一日遊食買玩推介 | 5. 北眺亭（港版函館夜景）
提提你：記住帶備電筒或頭燈，因為入夜後沿路並無街燈
長洲好去處2023 | 長洲一日遊食買玩推介 | 趁日落之前就開始起步前往北眺亭啦！喺呢度可以眺望長洲全景，特別係入夜之後，真係好似日本北海道函館嘅百萬夜景，勁靚呀！
詳情：港版函館夜景 長洲北眺亭郊遊遊
長洲好去處2023 | 長洲一日遊食買玩推介 | 6. 濤濤居火鍋煲仔菜
地址：長洲北社七里一號前座
電話：+852 6886 7130
營業時間：星期一至日 12:00 – 22:00
長洲好去處2023 | 長洲一日遊食買玩推介 | 晚餐就梗係要對自己好啲，入嚟離島無理由唔食海鮮掛！由碼頭至海旁一帶都有唔少海鮮餐廳嘅選擇。不過，長洲有唔少海鮮餐廳就唔多老實，我哋好耐之前就唔小心幫襯過黑店喇！好彩今日嚟到濤濤居火鍋煲仔菜，呢度嘅嘢食夠新鮮又有鑊氣，最重要係公道老實！呢碟豉椒蟶子炒麵，麵底炸到脆卜卜，上面就係勁有鑊氣嘅豉椒炒蟶子。蟶子大大隻完全無沙，加上豉椒汁非常濃郁，將脆卜卜嘅炒麵點上豉椒汁，夠晒香口惹味。
詳情：長洲豐富海鮮盛宴 濤濤居火鍋煲仔菜
長洲好去處2023 | 長洲一日遊食買玩推介 | 7. 鈴小町
地址：長洲建新里6號海景樓B座地舖
電話：+852 5565 2065
長洲好去處2023 | 長洲一日遊食買玩推介 | 如果海鮮唔啱食，行到咁攰，食放題打邊爐就最啱！餐廳有肥老闆駐場，睇佢嘅身型就知對食物係有執著啦！呢度嘅肉類有兩款，分別係美國肥牛同日本黑豚肉。兩款s肉都切得夠薄，輕輕一盪就食得。美國肥牛嘅牛肉味香濃，油花分佈平均，接近入口即熔；而更大驚喜係日本黑豚肉（要知道豚肉嘅驚喜一向都比牛肉少），超鮮嫩而豚肉香味一流，值得一再encore！
詳情：肥老闆對食物的堅持 長洲日式火鍋放題鈴小町
長洲好去處2023 | 長洲一日遊食買玩推介 | 8. 陳通記
地址：長洲海傍街熟食中心13號舖
營業時間：星期二至日 05:00 – 17:00
電話：+852 2981 8877
長洲好去處2023 | 長洲一日遊食買玩推介 | 陳通記沙嗲牛肉通粉嘅沙嗲唔係sell辣，係sell濃香嘅沙嗲！牛肉當然同沙嗲好夾，入晒味同夠軟腍，而麵底有好多選擇，但我哋強烈推介通粉/米通，因為通粉/米通嘅通心部份會索晒啲沙嗲汁，份量又夠多，好滿足架！
詳情：必食沙嗲牛肉 長洲陳通記
長洲好去處2023 | 長洲一日遊食買玩推介 | 9. 食水配水庫公園（港版鳥居）
長洲好去處2023 | 長洲食買玩推介 | 由長貴路出發，呢條係水泥平路，中途將會經過沙灘同公園，仲可以遠眺對岸嘅大嶼山芝麻灣半島。經過桂濤花園之後，轉入長北路，沿大斜路行上去，中途所有分叉路都唔理，大概行15分鐘，就會去到長洲食水配水庫旁邊公園，喺呢個公園就會睇到港版鳥居，嗱嗱臨影幾張相打卡啦！
詳情：港版鳥居打卡 長洲食水配水庫公園
長洲好去處2023 | 長洲一日遊食買玩推介 | 10. 火車頭酸辣小窩
地址：長洲新興街36號地下
電話：+852 2981 2022
營業時間：星期二至五 11:30 – 21:00；星期六至日及公眾假期 11:30 – 17:00
長洲好去處2023 | 長洲一日遊食買玩推介 | 呢度嘅米線主打唔係平時食開嘅酸辣湯底或麻辣湯底，反而係超鮮甜嘅蜆肉紫菜湯底。湯底充滿紫菜同蜆肉嘅精華，好鮮甜呀！蜆肉份量勁多，足足有二十隻，完全無沙，尚算肥美！最後差唔多飲晒個湯，但一啲都唔口喝。
詳情：長洲在地人米線推介 火車頭酸辣小窩
長洲好去處2023 | 長洲一日遊食買玩推介 | 11. 小長城
長洲好去處2023 | 長洲一日遊食買玩推介 | 食飽午餐，又再去影相打卡啦！除咗可以幫助消化，仲有唔少打卡點，更重要係長洲大部份嘅郊遊路線都係輕鬆易行，行完又可以再食過呀！全長2公里，入口為觀音灣，終點就係玉璽石。整個小長城郊遊徑嘅路段以石鋪設，連圍欄都係石嚟嘅，所以就好似一條小長城，係唔少人嘅打卡熱點。
詳情：輕鬆行山郊遊路線 親子遊長洲小長城
世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–
長洲好去處2023 | 長洲一日遊食買玩推介 | Cheung Chau
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
