自己動手鐵板燒 期間限定天竺鼠車車主題 道頓堀御好燒專門店
今日A姐M佬要幫手照顧兩個小朋友，午餐就梗係唔可以求求其其，除咗要有營養，仲要夠好玩先得嘅！所以我哋就嚟到主打自己動手自己燒嘅鐵板燒：道頓堀御好燒專門店。道頓堀御好燒專門店除咗晚間放題又抵又多嘢食之外，近期仲推出咗期間限定，四款超得意嘅天竺鼠車車御好燒料理，可以自己設計成超得意嘅天竺鼠車車，夠晒得意又可以打卡呀！
Choco什錦御好燒
我哋第一個挑戰嘅天竺鼠車車御好燒料理就係Choco什錦御好燒，由於我哋大家都係第一次嘗試，所以店員都好細心講解烹調同設計嘅方法。呢個Choco什錦御好燒係嚟自動畫入面，爽朗又賢淑嘅天竺鼠車車：朱古力！Choco什錦御好燒入面有香腸同蝦仁，食嘅時候好有口感，加上味道濃郁，令人食指大動！
Potato薯仔沙律御好燒
2位小朋友同我哋講，呢個係天竺鼠車車嘅主角馬鈴薯呀！為咗唔想極受歡迎嘅主角變樣，所以我哋整嘅時候真係非常小心，盡量要將佢完美還原！好彩我都不負所望，大家可以打卡喇！呢個Potato薯仔沙律御好燒入面有好多薯仔，但重點係個沙律調味醬汁，唔會好溜，口感軟綿，非常開胃。
Shiromo煙肉生菜蕃茄班戟
好多小朋友都唔鍾意食蔬菜，但當蔬菜變成Shiromo煙肉生菜蕃茄班戟就大受歡迎喇！呢個Shiromo煙肉生菜蕃茄班戟靈感嚟自天竺鼠車車嘅西羅摩，佢最鍾意就係食生菜呀！呢個班戟入面爽脆嘅生菜同煙肉當然係口感嘅來源，而酸甜嘅蕃茄就令到大家都非常開胃，就連平時少食菜嘅小朋友都好快就清咗碟啦！
Choco朱古力班戟
至於甜品就揀咗Choco朱古力班戟，同樣嚟自動畫入面，爽朗又賢淑嘅天竺鼠車車：朱古力！班戟本身嘅朱古力味已經非常濃郁，表面加埋朱古力醬，令朱古力更香濃，好好味呀！
天竺鼠車車精品
依家惠顧天竺鼠車車御好燒料理仲可以免費獲贈天竺鼠車車毛巾作為紀念品添。另外，道頓堀御好燒專門店仲有售賣天竺鼠車車嘅精品，例如：筆袋、文件夾同貼紙，身為天竺鼠車車嘅小粉絲，又點可以錯過呢？！
道頓堀御好燒專門店 Okonomiyaki Dohtonbori Restaurant
地址：紅磡黃埔天地黃埔號(第6期)AEON Style地下G01號舖
電話：+852 2782 3383
營業時間：星期一至四 12:00 – 16:00、17:30 – 22:00；星期五至日、公眾假期及公眾假期前夕 12:00 – 22:00
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
