長洲豐富海鮮盛宴 濤濤居火鍋煲仔菜

好多人都鍾意去離島食海鮮,當中長洲貴為香港最受歡迎嘅海島,由碼頭至海旁一帶都有唔少海鮮餐廳嘅選擇。不過,長洲有唔少海鮮餐廳就唔多老實,我哋好耐之前就唔小心幫襯過黑店喇!好彩今日有A姐住喺長洲嘅好姊妹帶路,嚟到濤濤居火鍋煲仔菜,呢度嘅嘢食夠新鮮又有鑊氣,最重要係公道老實。

涼拌魚皮
A姐自從中學畢業之後就無乜機會見呢位好姊妹,所以一於叫番支啤酒回味中學嘅往事,但飲啤酒就梗係要叫返個涼拌小食啦!呢個涼拌魚皮好爽脆,加上濃香嘅麻油調味,真係好惹味!我哋就建議加埋芫荽同蔥一齊食,味道好有層次㗎!

A姐M佬九大簋, 中菜館, 大排檔, 廣東菜, 推介, 推薦, 海鮮, 濤濤居, 濤濤居火鍋煲仔菜, 粵菜, 美食, 街坊食堂, 評論, 長洲, 長洲美食, 食乜好, 食評, 餐廳, 香港

白灼苦螺
東風螺就食得多,苦螺都係第一次食。原來苦螺有清熱解毒嘅功效,用嚟配酒就啱晒。呢啲苦螺非常新鮮,所以唔洗加清酒、辣酒去煮,直接白灼就食到最鮮甜嘅味道。苦螺比東風螺更大粒,食嘅時候更有咬口,但唔好俾個苦字呃咗你,因為佢係勁鮮甜。

A姐M佬九大簋, 中菜館, 大排檔, 廣東菜, 推介, 推薦, 海鮮, 濤濤居, 濤濤居火鍋煲仔菜, 粵菜, 美食, 街坊食堂, 評論, 長洲, 長洲美食, 食乜好, 食評, 餐廳, 香港

鐵板蠔餅
呢個係一定、一定、一定要食!蠔餅用鐵板上,除咗可以保持溫度,亦帶有一陣陣嘅焦香味,而最吸引當然係脆邊嘅效果。蠔餅已經非常夠味,加少少魚露提鮮,就已經足夠。蠔仔嘅份量超多,粒粒飽滿,非常滿足!

A姐M佬九大簋, 中菜館, 大排檔, 廣東菜, 推介, 推薦, 海鮮, 濤濤居, 濤濤居火鍋煲仔菜, 粵菜, 美食, 街坊食堂, 評論, 長洲, 長洲美食, 食乜好, 食評, 餐廳, 香港

蒜蓉粉絲蒸扇貝
扇貝勁大粒,亦洗得非常乾淨,口感彈牙,肉質鮮甜。但每次食蒜蓉粉絲蒸扇貝,身為配角嘅蒜蓉粉絲每次都會搶晒主角嘅風頭,真係好入味啊!

A姐M佬九大簋, 中菜館, 大排檔, 廣東菜, 推介, 推薦, 海鮮, 濤濤居, 濤濤居火鍋煲仔菜, 粵菜, 美食, 街坊食堂, 評論, 長洲, 長洲美食, 食乜好, 食評, 餐廳, 香港

豉椒蟶子炒麵
麵底炸到脆卜卜,上面就係勁有鑊氣嘅豉椒炒蟶子。蟶子大大隻完全無沙,而呢度嘅豉椒汁非常濃郁,將脆卜卜嘅炒麵點上豉椒汁,夠晒惹味。

A姐M佬九大簋, 中菜館, 大排檔, 廣東菜, 推介, 推薦, 海鮮, 濤濤居, 濤濤居火鍋煲仔菜, 粵菜, 美食, 街坊食堂, 評論, 長洲, 長洲美食, 食乜好, 食評, 餐廳, 香港

粉絲什菜煲
至於今日嘅蔬菜選擇,就係粉絲什菜煲。裏面有多種蔬菜,配上上湯烹調,清清地,啱晒用嚟配搭今日整個嘅海鮮大餐。

A姐M佬九大簋, 中菜館, 大排檔, 廣東菜, 推介, 推薦, 海鮮, 濤濤居, 濤濤居火鍋煲仔菜, 粵菜, 美食, 街坊食堂, 評論, 長洲, 長洲美食, 食乜好, 食評, 餐廳, 香港

濤濤居火鍋煲仔菜
地址:長洲北社七里一號前座
電話:+852 6886 7130
營業時間:星期一至日 12:00 – 22:00

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
大眾點評:A姐M佬
Trip Advisor:AandMDiary
Youtube:A姐M佬玩樂日記
報料或合作:keepintouch@aandmdiary.com

aandmdiary

香港生活、飲食、旅遊、電影博客 Hong Kong Foodie, Lifestyle, Food, Travel and Movie Blogger & KOL, Hong Kong Blogger 分享香港餐廳美食推介及食評,影評最新電影評論及推薦,香港周末拍拖好去處,自由行行程景點建議安排,旅行攻略懶人包等。

Leave a Reply

Your email address will not be published.