驚喜越南菜荃灣越味皇

M佬係一個好無主見嘅人，次次問佢想食乜，佢都話叫我話事，但話咁樣係因為錫我，而唔係無主見喎！姊妹們，你哋話呢？而今日嚟到出名多嘢食嘅荃灣，佢又叫我話事啦，我真係完全唔想踩佢！跟住我行去食越味皇啦，估唔到味道都有啲驚喜。

串燒雙拼

雙拼有3串雞同3串牛，慢慢燒成，所以唔會好油同好熱氣，而且仲帶有香矛味！牛肉同雞肉都好juicy，而我哋相對喜歡較滑嘅雞肉。最正係個沙爹醬，令串燒更加惹味。

雜錦拼盤

拼盤有四款小食：香脆雞翼大大隻，肉質嫩滑又脆口；春卷有素菜為主，有雲耳、蘿蔔等等，口感好豐富；蔗蝦香甜又彈牙；仲有超多配料嘅蒸粉包。

越式燒魚

驚喜攞黃立倉嚟燒，雖然size唔算大，但製作唔馬虎，用咗勁多香茅嚟燒，令魚肉充滿香味又滑嫩，而外皮就好香脆，必食！

咖哩牛腩

咖哩牛腩嘅咖哩汁好重要，呢個咖哩汁香而不辣，好彩牛腩牛筋炆得夠入味。

越味皇火車頭湯河

火車頭有齊生牛肉、牛腩片、牛筋同牛丸，份量都幾多，兩個人share就啱啱好！最正係個牛骨湯底，夠晒香濃。

牛油果沙冰、凍越式滴漏咖啡

食到飽飽飲埋越式滴漏咖啡同牛油果沙冰啦！牛油果香濃，我A姐首推。

越味皇
地址：荃灣路德圍12號地舖
電話：+852 2613 2889
營業時間：星期一至日 11:30-23:45

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！