[3月生日飯食乜好] 10間放題抵食自助餐優惠：任食點心/海鮮火鍋/日韓放題/酒店自助餐推介
一年一度嘅生日飯就梗係要食得盡興啦，所以唔少人都鍾意食放題同自助餐慶祝生日！我哋就為大家整理咗全港10間氣氛唔錯嘅生日餐廳，推介任食點心、海鮮火鍋、日韓放題同酒店自助餐俾大家，依家預訂仲有唔少優惠，一齊為下個生日嘅朋友帶嚟美食小驚喜啦！
1. 3月生日飯餐廳推介 – 點心放題：九龍海逸君綽酒店海雲天
地址：紅磡德豐街20號九龍海逸君綽酒店2樓
立即預訂：點心放題
詳情：紅磡抵食酒店點心放題 九龍海逸君綽酒店海雲天
如果你要同長輩食生日飯，望住海景嘆茶食點心，加上酒店級數服務，真係無得輸！位於九龍海逸君綽酒店嘅海雲天一直都係其中一間人氣熱門嘅任食點心餐廳，近期更將新鮮水果融入點心，增添鮮甜嘅感覺，包括：火龍果鮮蝦腸、玉桂蘋果鮮蝦餃、芒果牛肉球、酸仔菠蘿酥、洛神花蘿蔔糕、山楂蒸排骨、黑金流沙包、椒鹽豆腐粒等。
2. 3月生日飯餐廳推介 – 酒店自助餐：九龍東皇冠假日酒店尚廚
地址：將軍澳唐德街3號香港九龍東皇冠假日酒店1樓
立即預訂：酒店自助餐
九龍東皇冠假日酒店嘅自助餐食物種類選擇多，而且選擇充滿驚喜，除了凍蟹、青口、黃金螺、白蜆及凍蝦，還有回本之選生蠔，及即叫即燒串燒、松葉蟹腳、鐡板煎鴨肝、波士頓龍蝦、三文魚、吞拿魚、白鱲、希靈魚、北寄貝等五款刺身等等，非常高質！
3. 3月生日飯餐廳推介 – 日式放題：滿屋日本料理
地址：荃灣眾安街55號大鴻輝（荃灣）中心10樓、大埔安邦路9號超級城C區地下542－548號、旺角彌敦道655號1樓全層
立即預訂：日式放題
詳情：銅鑼灣經典放題 滿屋日本料理
食放題又點少得刺身呢，呢度有12款選擇，有甜蝦、大目吞拿魚、大赤蝦、北海道帶子、三文魚、油金魚、劍魚腩、筆記杯、希靈魚、從業蟹棒、鮑片同北海道角螺，真係花多眼亂。特別推介大海蝦，新鮮彈牙，仲有北海道帶子，鮮甜美味！
4. 3月生日飯餐廳推介 – 酒店自助餐：香港海洋公園萬豪酒店海灣餐廳
地址：黃竹坑道180號香港海洋公園萬豪酒店海灣地下
立即預訂：酒店自助餐
詳情：與威威共晉自助晚餐 香港海洋公園萬豪酒店
食buffet嘅回本位點少得海鮮冷盤呢？呢度有珍寶蟹、波士頓龍蝦、雪場蟹蟹腳、海蝦、翡翠螺、東風螺、蜆同藍殼青口等等。海鮮啖啖肉，新鮮無雪味，食幾隻波士頓龍蝦都夠晒回本喇。
5. 3月生日飯餐廳推介 – 酒店自助餐：歷山酒店歷山餐廳
地址：香港北角城市花園道32號歴山酒店歷山餐廳
立即預訂：酒店自助餐
詳情：超易回本北角歷山酒店自助餐 主打海鮮中菜宮廷氣派自助餐
海鮮冷盤方面，有海螺、凍熟蝦、紐西蘭熟青口同蟹腳。特別鍾意勁多肉又鮮甜嘅長腳蟹，仲帶有淡淡嘅海水味，非常新鮮吸引。生蠔即叫即開， 夠晒新鮮，size雖然唔係大大隻，但細細隻反而仲鮮甜，蠔身夠晒飽滿，海水味濃，好creamy！
6. 3月生日飯餐廳推介 – 酒店自助餐：荃灣西如心酒店Café Circles
地址：香港荃灣楊屋道8號荃灣西如心酒店9樓
立即預訂：酒店自助餐
詳情：荃灣豐富海鮮buffet 荃灣荃灣西如心酒店Café Circles
荃灣西如心酒店嘅Café Circles最大賣點就係物超所值！海鮮冷盤選擇有長腳蟹蟹腳、螺、青口、蝦同小龍蝦等，全部都好新鮮，仲帶有淡淡嘅海水味。刺身除咗常見嘅三文魚、吞拿魚，希靈魚、北寄貝之外，仲有我最鍾意嘅甜蝦！另外，酒店不定期都會更新自助餐主題，好似之前嘅日式同味遊意大利主題！
7. 3月生日飯餐廳推介 – 雞翼放題：帝京酒店花月庭
地址：旺角彌敦道594-596號旺角新城7樓
立即預訂：酒店自助餐
詳情：紅葉蟹逅AR秋滋味自助餐 旺角帝京酒店花月庭
海鮮冷盤選擇有三點蟹、松葉蟹腳、麵包蟹、凍蝦、龍蝦鉗同藍青口等，全部都好新鮮，仲帶有淡淡嘅海水味。我就最鍾意三點蟹，超鮮甜而且多肉！除咗海鮮選擇之外，連即開生蠔都有，食物種類超多，性價比超高！
8. 3月生日飯餐廳推介 – 酒店自助餐：香港萬怡酒店MoMo Cafe
地址：西環西營盤干諾道西167號香港萬怡酒店
立即預訂：酒店自助餐
詳情：香港萬怡酒店意式放題 豪華海鮮拼盤MoMo Cafe
豪華海鮮拼盤夠晒豐富，有波士頓龍蝦、法國生蠔、長腳蟹、青口、蜆、翡翠螺同凍蝦，樣樣都好新鮮！我哋最鍾意嘅係生蠔，好鮮甜，海水味濃。另外，波士頓龍蝦大大隻，預先開邊，食落夠晒方便，肉質新鮮彈牙，仲有好多膏，好滿足；蜆雖然唔算大隻，但超鮮甜呀！
9. 3月生日飯餐廳推介 – 酒店自助餐：太子酒店SAVVY
地址：尖沙咀廣東道3-27號海港城港威商場3樓GW3209A號舖
立即預訂：酒店自助餐
詳情：酒店世一自助早午餐 高質海港城太子酒店SAVVY
SAVVY全新裝修，環境舒適，SAVVY主要分為三個部份：酒吧、酒廊同我哋今次食自助餐嘅餐廳。平日嘅SAVVY提供半自助餐，而我哋今日就食週末嘅自助早午餐，餐廳分為唔同區域，有海鮮、沙律冷盤、餐湯、切肉熱葷、甜品等等之外，仲會由店員以pass around形式嘅精選食物。
10. 3月生日飯餐廳推介 – 六國酒店Le Menu
地址：灣仔告士打道72號六國酒店1樓
立即預訂：酒店自助餐
詳情：六國酒店Staycation Package 晚餐必食放題Le Menu
六國酒店Le Menu餐廳的「龍蝦．花膠．特級牛扒」自助晚餐提供冰鎮海鮮、特級牛扒，其中廚師即席即煎鐵板虎蝦、鴨肝、京蔥雞串及牛柳粒，夠晒新鮮熱辣，仲有回本必食嘅燴花膠、蠔皇扣鮑魚、蝦籽海參及淮山杞子瘦肉燉花膠等，非常豐富。
世界各地／香港景點門票邊度買至平？
詳情請睇：https://wp.me/p8vzXP-6G
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
