一次過滿足晒食龍蝦嘅願望 銅鑼灣Master Kama

細個第一次食龍蝦,就係去舅父嘅婚宴。啖啖肉!鮮甜!彈牙!自此我M佬就愛上龍蝦!以前覺得龍蝦係遙不可及嘅事,因為只有去飲先有機會遇上,所以我成日都問M媽,幾時可以再去飲?每次一有機會去飲,我都會隆重其視,鎖定目標,「龍蝦,我嚟喇!」

不過,唔知由幾時開始,龍蝦已經少有成為婚宴嘅菜餙,可能因為成本問題?人情禮金問題?但同樣地,都多咗好多餐廳推出唔同嘅龍蝦主題,近年大熱嘅,又點少得龍蝦包 Lobster Roll呢?今次就等我帶埋唔太鍾意龍蝦(其實係嫌煩唔想剝殼)嘅A姐去到銅鑼灣Master Kama食個龍蝦匯啦!

 

龍蝦包

漲卜卜嘅龍蝦包,啲料多到咇出嚟呀!加上麵包烘過,食落去微脆又不失麵包嘅軟熟感!而我最鍾意就係個醬汁,酸酸甜甜,好Fresh呀!當然龍蝦夠晒新鮮彈牙啦,一個要同A姐兩份分,真係好唔捨得呀!另外,拌碟仲有沙律菜,同雙色薯條,黃色係薯條,橙色嘅係蕃薯條,炸到脆卜卜,香脆可口!其中蕃薯條係我哋推介,非常香甜,好好味㗎!

烤蒜蓉牛油龍蝦

開邊嘅龍蝦,充滿住好香好香好香嘅牛油香同蒜蓉香,再加少少檸檬汁,成個龍蝦味出晒嚟,鮮甜多汁又夠晒彈牙!特別係個龍蝦鉗,我係無得食!因為我剝殼後,我將呢舊啖啖肉嘅龍蝦鉗畀咗A姐,睇住佢一啖食曬,就知佢係幾幸福啦!

龍蝦什錦海鮮石鍋湯烏冬

大大隻龍蝦頭原來都有好多蝦膏㗎,好鮮甜!而湯底仲見到青口、帶子、蝦同魷魚等海鮮,湯底飄嚟陣陣嘅海鮮濃湯香味,真係畀我哋飲到一滴不留!

飯後,A姐同我講,以後御準我幫佢剝殼,仲話呢個係我嘅榮譽喎!

Master Kama
地址:銅鑼灣謝斐道500號維安商業大廈3樓
營業時間:星期日至四: 12:00-22:00;星期五至六及公眾假期: 12:00-23:00
電話:+852 3421 2129

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
報料或合作:aandmdiaryhk@gmail.com

aandmdiary

香港生活、飲食、旅遊、電影博客 Hong Kong Foodie, Lifestyle, Food, Travel and Movie Blogger & KOL, Hong Kong Blogger 分享香港餐廳美食推介及食評,影評最新電影評論及推薦,香港周末拍拖好去處,自由行行程景點建議安排,旅行攻略懶人包等。

One thought on “一次過滿足晒食龍蝦嘅願望 銅鑼灣Master Kama

Leave a Reply

Your email address will not be published. Required fields are marked *