今個Weekend去Espuma嘆High Tea啦

放假嘅日子,瞓到自然醒,先去High Tea,再去Shopping,真係好寫意呀!所以今日就約咗個好姊妹去到中環嘅Espuma,同佢一齊望住中環靚景再食件餅,嘆吓茶,咩都講一餐,身為淑女嘅我哋,呢個下晝真係好Relax呀!

綠茶鬆餅

綠色嘅鬆餅,上台一刻已經好吸晴!食落去有清幽嘅綠茶香味,味道唔太濃,畀啲空間你自己揸埋士多啤梨果醬,咁個香濃度同甜度就啱啱好喇!而鬆餅夠晒鬆軟,為嚟緊嘅Tea set帶嚟一個好好嘅開端!

e-House Afternoon Tea Set

今日個Tea set成間屋仔咁上,有咁多嘢食,仲唔係我個Dream House?

第一層

食Tea set當然要由頂層開始食啦!頂層就係有唔同嘅鹹點,先食蝦同南瓜天婦羅,脆卜卜,好好味,嗰南瓜仲要好甜㗎!

蟹子蕎麥麵嘅醬汁啱啱好,味道好清新,而蟹籽仲好爽口添。另外,燒三文魚飯團外層香脆,入面嘅三文魚份量唔少,仲好香添,估唔到,細細粒又幾有驚喜喎。

第二層

第二層先食醬油丸子,好煙韌呀,好有日本風味!錫紙包住嘅係甜薯仔,細細粒,好香甜!

黑糖牛乳布丁夠晒香滑,仲要震騰騰,牛奶味道好濃郁!日式芝士蛋糕雖然細細舊,但芝士味都好豐富,啱晒我哋呢啲甜品愛好者啦!

第三層

最後一層都有唔少驚喜,綠茶紅豆戚風蛋糕表面仲有啲金箔,甜味適中,鍾意紅豆嘅朋友實會喜歡!而櫻花水信玄餅同碟豆花水信玄餅,一個藍色一個紅色,味道相約,好清新,作為最後嘅甜點,確實不錯。

一杯伯爵茶、一杯貴妃荔枝茉莉茶,茶味香濃!仲可以為今日嘅甜點中和一下!

Espuma
地址:尖沙咀厚福街8號H8 2樓 / 中環威靈頓街2-8號威靈頓廣場M88 17樓 / 灣仔皇后大道東202號QRE Plaza 25樓
營業時間:星期一至日: 12:00-23:30 / 星期一至日: 11:30-23:00 / 星期一至日: 11:30-23:00
電話:+852 2739 2080 / +852 2973 6088 / +852 2151 9126

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
報料或合作:aandmdiaryhk@gmail.com

Leave a Reply

Your email address will not be published. Required fields are marked *