名人飯堂 灣仔華嫂冰室

「你竟然無食過華嫂冰室?!」今日同A姐諗緊去邊度食飯,先發現原來佢從來都無食過華嫂冰室。華嫂冰室之所以一直人氣高企,係因為得到周潤發、余文樂等香港明星嘅加持,加上食物口碑極佳,所以除咗本地人,亦有好多遊客會專登排隊,一睹風采。最後,我哋嚟到灣仔分店,等大鄉里嘅A姐初嘗華嫂冰室。

招牌菠蘿包
菠蘿包依舊係無菠蘿嘅,但就加上咗牛油、太陽蛋同蕃茄。一啖飽落去嘅時候,菠蘿包除咗夠鬆脆,因為蕃茄同太陽蛋,令到佢超級Juicy,爆晒汁。由軟熟嘅菠蘿包、細滑嘅牛油、嫩滑嘅雞蛋同清爽嘅蕃茄,口感非常豐富!

華嫂冰室, 灣仔, 謝斐道, 杜智臺, 灣仔美食, 食乜好, 食評, 餐廳, 美食, 推介, 港式, 茶餐廳, 冰室, 招牌菠蘿包, 蕃茄通粉, 芫荽皮蛋, 冰花奶茶, 人氣之選, A姐M佬九大簋, Waso Cafe, 尖沙咀, 天水圍, 觀塘

煎蛋鹹牛肉雞翼芫荽皮蛋米線
呢到嘅湯底有五款:清湯、蕃茄湯、冬陰功、喇沙同芫荽皮蛋湯;至於麵食就米線、米粉、通粉同出前一丁,再加上配料:牛肉、豬扒、雞翼、午餐肉、芝士腸等等。我就揀咗我最愛嘅:煎蛋鹹牛肉雞翼芫荽皮蛋米線,其實我明明係叫鹹牛肉炒蛋㗎!Anyway,佢最大嘅重點都係佢個芫荽皮蛋湯,鍾意食芫荽嘅你絕對唔可以錯過!芫荽分量超多,成個湯底都係豐富嘅芫荽味,而且皮蛋大大粒,仲好香添!鹹牛肉同煎蛋就唔會有啲咩驚喜喇,但雞翼就好入味。

華嫂冰室, 灣仔, 謝斐道, 杜智臺, 灣仔美食, 食乜好, 食評, 餐廳, 美食, 推介, 港式, 茶餐廳, 冰室, 招牌菠蘿包, 蕃茄通粉, 芫荽皮蛋, 冰花奶茶, 人氣之選, A姐M佬九大簋, Waso Cafe, 尖沙咀, 天水圍, 觀塘

鮮茄豬扒通粉
濃郁嘅蕃茄湯底,酸酸甜甜,好開胃呀!同蕃茄湯底最夾嘅,一定係通粉,通粉完全索晒蕃茄湯,A姐話好滿足!至於香煎豬扒煎到微焦香,唔會太淋又唔會太硬,肉質嫩滑,必試推介!

華嫂冰室, 灣仔, 謝斐道, 杜智臺, 灣仔美食, 食乜好, 食評, 餐廳, 美食, 推介, 港式, 茶餐廳, 冰室, 招牌菠蘿包, 蕃茄通粉, 芫荽皮蛋, 冰花奶茶, 人氣之選, A姐M佬九大簋, Waso Cafe, 尖沙咀, 天水圍, 觀塘

華嫂冰室 Waso Cafe
地址:灣仔謝斐道272號杜智臺地下3-4號舖
電話:+852 2698 5599
營業時間:星期一至日 08:00 – 21:00

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
大眾點評:A姐M佬
Trip Advisor:AandMDiary
Youtube:A姐M佬玩樂日記
報料或合作:keepintouch@aandmdiary.com

aandmdiary

香港生活、飲食、旅遊、電影博客 Hong Kong Foodie, Lifestyle, Food, Travel and Movie Blogger & KOL, Hong Kong Blogger 分享香港餐廳美食推介及食評,影評最新電影評論及推薦,香港周末拍拖好去處,自由行行程景點建議安排,旅行攻略懶人包等。

Leave a Reply

Your email address will not be published. Required fields are marked *