四人同遊砵蘭街 豪嘆旺角小肥牛蒸氣石鍋火鍋專門店

M佬飛咗上海做嘢唔理我,所以我A姐今日就約咗3個好姊妹陪我度過!一行四人,唔想唱K,唔通打麻雀咩?趁夏天梗係著背心熱褲去晒太陽啦!晒完太陽,我哋就去到香港嘅中心 – 旺角搵食。行吓行吓,就去到砵蘭街,我哋4個著到咁Hot,難免吸引好多男士目光!行過見到小肥牛蒸氣石鍋火鍋專門店,見到廣告牌寫住蒸氣火鍋,仲要四人同行一人免費?唔駛諗,即刻入去試吓先!

一坐低,先送上2款小食同調味料,等你食住再揀嘢食!

辣芽菜+麻油香豆角

辣芽菜夠晒辣,好味又開胃呀!

海鮮拼盤
8款海鮮有:本地時令蜆本地時令貝外國入口時令蜆外國入口時令貝龍蝦海蝦深海魚件南非鮑魚。我

店員先幫手放入所有蜆同貝,再較好時間,4分鐘後鬧鐘響就開蓋,食得喇!4款唔同嘅蜆同貝全部都打開晒喇,雖然我哋都唔識分邊款打邊款,不過,粒粒都原汁原味,好鮮甜又無沙!

之後,店員就放入龍蝦,隻龍蝦仲郁緊架!6分鐘後鬧鐘響就開蓋,又食得喇!隻龍蝦好多好多膏呀,好鮮甜!加上龍蝦新鮮即劏,所以肉質夠晒彈牙!最後,店員一次過落晒海蝦、深海魚件同南非鮑魚!海蝦隻隻都好生猛,好爽口;深海魚件夠滑又有咬口;南非鮑魚直頭係我的最愛,超彈牙!

活蜆貝湯汁龍蝦粥膽

經過咁多層海鮮嘅調味,再加入有活蜆貝汁同龍蝦嘅粥底,真係好鮮呀!不過,重口味嘅我哋就覺得味道相對清淡!

火鍋配料
美國雪花肥牛西班牙黑毛豬梅肉花枝片靚竹笙淮山鼠耳牛柏葉粟米件水魷魚

食完晒海鮮同粥,就梗係要打邊爐啦!用粥底嚟打邊爐嘅最大好處就係無咁熱氣,食完都唔怕生粒粒啦!成個餐總共包9款配料,我A姐覺得最好味嘅就係竹笙,完完全全索晒粥底嘅鮮味!另外,美國雪花肥牛,肉味香濃,第二推介!

食到最後,店員仲送上雪糕糯米糍添!

小肥牛蒸氣石鍋火鍋專門店
地址:油麻地砵蘭街39-41號地舖
營業時間:星期一至日 18:00-02:00
電話:+852 2759 6007

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
報料或合作:aandmdiaryhk@gmail.com

Leave a Reply

Your email address will not be published. Required fields are marked *