堅守大排檔精神 必食沙嗲牛肉麵 長洲蓮香咖啡

傳統嘅冬菇亭大排檔喺香港已經所剩無幾,但原來喺長洲仲保留住一個!有長洲嘅老街坊就向我哋推介呢間屹立超過40年嘅蓮香咖啡,餐廳由第一代傳到第三代,八十後嘅老闆放棄文職工作,堅守大排檔情懷,為街坊保留熟悉嘅味道,更新增唔少嘅創意食物,讓大排檔加入青春活力。

蓮香咖啡, 長洲, 大興堤路, 熟食巿場, 長洲美食, 食乜好, 食評, 餐廳, 美食, 推介, 港式, 茶餐廳, 冰室, 招牌炸豬扒, 香炸雞中翼, 沙嗲新鮮牛肉米通, 沙嗲牛肉麵, 西多士, 冬菇亭, 大排檔, 奶茶, A姐M佬九大簋

招牌炸豬扒、香炸雞中翼
豬扒同雞翼都係即叫即炸,夠晒熱辣辣!豬扒預先切件,食嘅時候夠晒方便!味道方面,醃得入味,鹹香十足,而豬扒口感非常鬆化,亦保持住肉味,絕對係蓮香嘅招牌名物之一。至於雞中翼非常香脆,咬落去嘅時候,勁多肉汁。

沙嗲新鮮牛肉米通
如果沙嗲牛肉同公仔麵係最佳拍檔,咁沙嗲牛肉同米通就好似牛郎同織女,可遇不可求,因為市面上有米通食嘅地方唔多,難得見到,就一定選擇米通啦!上枱嘅時候,以為牛肉份量唔多,但一路食,先知入面仲有勁多牛肉,相信係煮嘅時候,將沙嗲、牛肉同米通撈勻,令米通同牛肉更索汁。沙嗲當然係主角啦,沙嗲味香濃,仲帶有花生香,原來湯底加入咗好多花生碎粒,所以食嘅時候好有口感!牛肉採用新鮮牛肉,非常嫩滑!至於米通除咗外表索晒沙嗲汁,就連通心嘅部份亦注滿沙嗲汁,真係超滿足呀!

蓮香咖啡, 長洲, 大興堤路, 熟食巿場, 長洲美食, 食乜好, 食評, 餐廳, 美食, 推介, 港式, 茶餐廳, 冰室, 招牌炸豬扒, 香炸雞中翼, 沙嗲新鮮牛肉米通, 沙嗲牛肉麵, 西多士, 冬菇亭, 大排檔, 奶茶, A姐M佬九大簋

沙嗲爽滑豬潤配自家製韮菜餃瀨粉
一座建築物,除咗外牆嘅裝飾,地基都要好穩固。講緊嘅係除咗沙嗲夠香濃,其實本身嘅湯底亦花咗唔少功夫,用豬骨熬製,所以味道夠厚實。除咗牛肉之外,原來豬潤同沙嗲都勁夾!豬潤煮到啱啱好,唔會太老,而且無苦味夠新鮮,口感爽滑。至於韮菜餃係每日自家新鮮製造,餡料豐富,漲卜卜,韮菜勁多。

蓮香咖啡, 長洲, 大興堤路, 熟食巿場, 長洲美食, 食乜好, 食評, 餐廳, 美食, 推介, 港式, 茶餐廳, 冰室, 招牌炸豬扒, 香炸雞中翼, 沙嗲新鮮牛肉米通, 沙嗲牛肉麵, 西多士, 冬菇亭, 大排檔, 奶茶, A姐M佬九大簋

雪糕芝麻西多士
講到大排檔嘅美食,又點少得西多士呢!西多士上面有牛油同煉奶,因為夏天炎熱,我哋另外加咗雪糕球,令即叫即炸嘅西多士,加添冰火交融嘅感覺。以為有煉奶又有雪糕就一定好甜?店主特別喺西多士入邊加入芝麻,除咗可以中和甜味,更可以令味道有多重層次。

蓮香咖啡, 長洲, 大興堤路, 熟食巿場, 長洲美食, 食乜好, 食評, 餐廳, 美食, 推介, 港式, 茶餐廳, 冰室, 招牌炸豬扒, 香炸雞中翼, 沙嗲新鮮牛肉米通, 沙嗲牛肉麵, 西多士, 冬菇亭, 大排檔, 奶茶, A姐M佬九大簋

雪糕菠蘿包
同樣係冰火交融嘅又點止西多士呢?仲有呢個雪糕菠蘿包!菠蘿包外皮超鬆脆,麵包軟熟,熱辣辣嘅中間夾住一球朱古力雪糕。食嘅時候雖然會好論盡,但一層熱、一層凍又一層熱嘅刺激感,真係又high又dirty!

蓮香咖啡, 長洲, 大興堤路, 熟食巿場, 長洲美食, 食乜好, 食評, 餐廳, 美食, 推介, 港式, 茶餐廳, 冰室, 招牌炸豬扒, 香炸雞中翼, 沙嗲新鮮牛肉米通, 沙嗲牛肉麵, 西多士, 冬菇亭, 大排檔, 奶茶, A姐M佬九大簋

凍檸茶
蓮香出名嘅係奶茶,有唔少街坊都習慣嚟到嘆杯熱奶茶再坐船出中環。可惜我哋都唔飲奶茶,於是就叫咗杯凍檸茶,值得回味嘅當然係濃香嘅茶膽,夠清香又解喝。

蓮香咖啡, 長洲, 大興堤路, 熟食巿場, 長洲美食, 食乜好, 食評, 餐廳, 美食, 推介, 港式, 茶餐廳, 冰室, 招牌炸豬扒, 香炸雞中翼, 沙嗲新鮮牛肉米通, 沙嗲牛肉麵, 西多士, 冬菇亭, 大排檔, 奶茶, A姐M佬九大簋

雪糕紅豆冰
呢度嘅紅豆冰同出邊嘅紅豆冰好唔同,聽店主講佢哋係採用日本紅豆,所以每粒紅豆都大大粒,另外,佢哋刻意減少紅豆蓉嘅比例,以增加紅豆控對紅豆口感嘅執著。最後,上面放上雲呢拿雪糕,令奶香level up,又香又滑。

蓮香咖啡, 長洲, 大興堤路, 熟食巿場, 長洲美食, 食乜好, 食評, 餐廳, 美食, 推介, 港式, 茶餐廳, 冰室, 招牌炸豬扒, 香炸雞中翼, 沙嗲新鮮牛肉米通, 沙嗲牛肉麵, 西多士, 冬菇亭, 大排檔, 奶茶, A姐M佬九大簋

後記:八十後嘅店主夫婦雖然係二代長洲人,但同一班老街坊依然打成一片,互相問候。所以蓮香為街坊提供嘅除咗係一杯奶茶,蓮香更加係佢哋每日嘅聚腳點,係一個充滿人情味嘅地方。

蓮香咖啡
地址:長洲大興堤路二號熟食巿場四號檔
電話:+852 2981 7566
營業時間:星期一至四、星期六至日 05:00 – 16:30

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
大眾點評:A姐M佬
Trip Advisor:AandMDiary
Youtube:A姐M佬玩樂日記
報料或合作:keepintouch@aandmdiary.com

aandmdiary

香港生活、飲食、旅遊、電影博客 Hong Kong Foodie, Lifestyle, Food, Travel and Movie Blogger & KOL, Hong Kong Blogger 分享香港餐廳美食推介及食評,影評最新電影評論及推薦,香港周末拍拖好去處,自由行行程景點建議安排,旅行攻略懶人包等。

Leave a Reply

Your email address will not be published. Required fields are marked *