尖沙咀一剎那嘅光輝 星林居酸辣米線餐廳

當年讀緊大學,同學仔帶我去到尖沙咀嘅星林居酸辣米線餐廳食我人生第一碗米線,仲記得當時碗米線熱辣辣,份量又超多,啲配料多到成座山咁,重點係價錢唔貴,所以曾幾何時,喺我嘅飯堂。食食吓開始多人幫襯,想食真係要排隊等位。到後來,唔知係未成本上升,定係佢見多人食啦,加價而且份量少咗好多,服務仲要勁差!我自己同身邊嘅朋友都好多年無食,今日路過,決定比多次機會佢。

入到餐廳,大約有一半食客,店員A指示我哋兩個坐六人枱,一坐低,個店員B勁惡咁話:「乜你唔見到寫住留座嗎?見唔到六人枱嗎?」其實呢間星林居自從當年多人識咗,好似唔憂做咁,班伙計態度越嚟越差,食米線唔係要求你有咩服務,但連一個笑容或點頭都唔會有,更重要係,就算你舉手落單,店員都會扮睇唔到,一於睬你都傻。

星林居酸辣米線餐廳, 星林居, 尖沙咀, 金馬倫道, 金輝大樓, 食乜好, 食評, 餐廳, 美食, 香港, 推介, 酸辣米線, 米線, Sing Lum Khui Sour & Spicy Rice Noodle Restaurant, Tsim Sha Tsui, TST

A姐之選:雞翼+豬腩肉+豬皮明火小鍋米線(中辣、走酸、走芽、走芫荽)
無可否認,星林居最好味就係個濃郁湯底,但點解唔熱嘅!又話明火?雖則唔熱,但味道仍然係那熟悉嘅味道。而我每次都會叫豬皮,索晒辣汁真係無得輸!雞翼係會有2隻,係最抵食嘅選擇。

星林居酸辣米線餐廳, 星林居, 尖沙咀, 金馬倫道, 金輝大樓, 食乜好, 食評, 餐廳, 美食, 香港, 推介, 酸辣米線, 米線, Sing Lum Khui Sour & Spicy Rice Noodle Restaurant, Tsim Sha Tsui, TST

M佬之選:豬腩肉+蘿蔔明火小鍋米線(小辣、走酸、走蔥)
喺星林居食米線,最重要係數清楚有無俾少到餸你,因為自從當年多人幫襯,有好多人都試過漏餸,同佢講,佢都未必比番你,所以一上枱第一件事就係要睇清楚!兩個餸齊晒就無問題啦。同我嗰碗一樣,滑底都係唔熱!而星林居除咗湯底吸引,另一賣點係配料超多,鍾意食蔥同芫荽一定大愛(雖則比當年都少咗,但對比出面仍然係超多)!而蘿蔔係超甜,仍係我哋推介必點。

星林居酸辣米線餐廳, 星林居, 尖沙咀, 金馬倫道, 金輝大樓, 食乜好, 食評, 餐廳, 美食, 香港, 推介, 酸辣米線, 米線, Sing Lum Khui Sour & Spicy Rice Noodle Restaurant, Tsim Sha Tsui, TST

星林居酸辣米線餐廳, 星林居, 尖沙咀, 金馬倫道, 金輝大樓, 食乜好, 食評, 餐廳, 美食, 香港, 推介, 酸辣米線, 米線, Sing Lum Khui Sour & Spicy Rice Noodle Restaurant, Tsim Sha Tsui, TST

講真,短時間內我就唔會比機會佢,或者過多一年半載再算啦。

星林居酸辣米線餐廳 Sing Lum Khui Sour & Spicy Rice Noodle Restaurant
地址:尖沙咀金馬倫道14號金輝大樓3樓
電話:+852 2424 1686

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
大眾點評:A姐M佬
Trip Advisor:AandMDiary
Youtube:A姐M佬玩樂日記
報料或合作:keepintouch@aandmdiary.com

 

Leave a Reply

Your email address will not be published. Required fields are marked *