秘嘆東南亞私房菜 旺角億饍Multi Taste

想當年,私房菜大行其道,連A媽(A姐的媽媽)都想開番間!其實私房菜嘅最大賣點係家嘅原汁原味,配合埋創新嘅配搭同食物嘅精緻,在飲食界都曾經叱吒一時,但由於質素參差,所以近年好似聽少咗見少咗。不過,我M佬就最鍾意原汁原味,無添加嘅….食物(or 女人),今日就去到旺角嘅億饍Multi Taste,呢度主打係中、泰、越、東南亞私房菜。嘩!咁多國家,一係佢就有好多廚師(但私房菜通常都唔會請太多人)或者個大廚係Super MIX啦!哈哈,一於帶A姐去試吓先!

茶樹菇排骨燉湯

 

燉湯每日限量供應,本身想飲嘅豬肺排骨萬壽果燉湯賣晒,結果揀咗茶樹菇排骨燉湯。除咗有大量茶樹菇同排骨,仲加入咗龍眼肉,令湯更甘甜!燉湯夠晒清甜,仲係無添加味精,加上大大盅,呢個價錢真係好抵呀 !

生牛肉湯河

食越南菜又點可以唔叫生牛肉湯河呢?生牛肉嘅生熟程度啱啱好,牛肉夠香夠腍。不過,唔知係未因為私房菜原因,所以湯底相對較清,鍾意食濃牛味湯底嘅朋友,就可能會唔習慣喇。

香茅豬扒湯檬

細心地將香茅豬扒另上,以保持豬肉香口度!湯檬嘅味道比生牛肉湯河更清,如果喜歡濃味嘅朋友,不妨將湯底轉為喇沙、蕃茄或沙嗲味!至於香茅豬扒偏油,味道濃郁,令清淡嘅湯檬,提味不少。

龍蝦孖寶 (避風塘野生辣龍蝦 +沙嗲雪花肥牛粉絲煲)

每次見到龍蝦雙眼就會發光嘅A姐,我又點會唔了解!呢度有個龍蝦孖寶又幾抵食,一碟龍蝦,再根據每日嘅不同,配上另一道小菜,今日就係避風塘野生辣龍蝦配沙嗲雪花肥牛粉絲煲。

避風塘野生辣龍蝦


好多辣椒,好多炸蒜呀!龍蝦炒到好蒜香,唔算好辣,不過,龍蝦肉就相對較少,A姐仲話唔通連殼食?結果,其實無食到幾多龍蝦肉。

沙嗲雪花肥牛粉絲煲

孖寶之二嘅沙嗲雪花肥牛粉絲煲,超多肥牛,份量大滿足!而且粉絲味道超入味,仲有黃椒、菠蘿等配菜,呢個餸確實唔錯!

億饍 Multi Taste
地址:旺角彌敦道558-560號譽發廣場4樓
營業時間:星期一至日: 11:30-23:30
電話:+852 2350 3098

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
報料或合作:aandmdiaryhk@gmail.com

aandmdiary

香港生活、飲食、旅遊、電影博客 Hong Kong Foodie, Lifestyle, Food, Travel and Movie Blogger & KOL, Hong Kong Blogger 分享香港餐廳美食推介及食評,影評最新電影評論及推薦,香港周末拍拖好去處,自由行行程景點建議安排,旅行攻略懶人包等。

Leave a Reply

Your email address will not be published. Required fields are marked *