旅行拍拖食買玩 2日1夜長洲之旅

好多人放假都鍾意去長洲度假,因為長洲嘅配套、打卡、景點都係各離島之最,所以成為全香港最受歡迎嘅離島,沒有之一。但好多人去長洲都離不開春天睇櫻花、夏天去東灣泳灘,再去食大魚蛋、芒果糯米糍、紅豆餅同手卷等等,如果你嘅必玩推介仲係以上行程,不如今個假期就跟住A姐同M佬推介,重新認識最新嘅長洲食買玩攻略,一齊去長洲打卡啦!

兩日一夜長洲行程
Day 1:中環(航程班次)->長洲->蓮香咖啡->五行石->冰廠豆腐花->康蘭餅店->北眺亭(港版函館夜景)->濤濤居火鍋煲仔菜鈴小町->夜遊長洲海旁->長洲碼頭宵夜街->西園長洲各酒店

Day 2:陳通記->食水配水庫公園(港版鳥居)->火車頭酸辣小窩->長洲(航程班次)->中環

 

第一站:蓮香咖啡
地址:長洲大興堤路二號熟食巿場四號檔
電話:+852 2981 7566
營業時間:星期一至四、星期六至日 05:00 – 16:30

落咗船嘅第一站就梗係要醫肚啦!傳統嘅冬菇亭大排檔喺香港已經所剩無幾,但原來喺長洲仲保留住一個!呢間屹立超過40年嘅蓮香咖啡,餐廳由第一代傳到第三代,八十後嘅老闆放棄文職工作,堅守大排檔情懷,為街坊保留熟悉嘅味道。特別推介即叫即炸嘅招牌炸豬扒,豬扒預先切件,食嘅時候夠晒方便,而且醃得入味,鹹香十足,而豬扒口感非常鬆化;沙嗲豬潤麵嘅沙嗲味香濃,仲帶有花生香,原來湯底加入咗好多花生碎粒,所以食嘅時候好有口感,加上湯底用豬骨熬製,所以味道夠厚實,而豬潤煮到啱啱好,唔會太老,而且無苦味夠新鮮,口感爽滑。
詳情:堅守大排檔精神 必食沙嗲牛肉麵 長洲蓮香咖啡

蓮香咖啡, 長洲, 大興堤路, 熟食巿場, 長洲美食, 食乜好, 食評, 餐廳, 美食, 推介, 港式, 茶餐廳, 冰室, 招牌炸豬扒, 香炸雞中翼, 沙嗲新鮮牛肉米通, 沙嗲牛肉麵, 西多士, 冬菇亭, 大排檔, 奶茶, A姐M佬九大簋 (8)

第二站:五行石

食飽飽就行一條BB級嘅路線啦!五行石其實係由五塊高達五米嘅大石組成,石與石間有路可行,輕易就影到尤如武俠小說嘅畫面啦!另外,五行石喺正懸崖嘅旁邊,加上一望無際嘅海景,感覺好似會搖搖欲墜跌落海咁,真係非常壯觀。絕對係一個打卡影相嘅熱點。
詳情:BB級路線 長洲五行石

五行石, 交通, 地址, 好去處, 打卡, 打卡好去處, 打卡熱點, 打卡點, 拍拖, 拍拖好去處, 推介, 推薦, 攝影, 攝影好去處, 旅行, 行山, 行山郊遊好去處, 親子好去處, 評論, 週末好去處, 遊記, 郊遊, 長洲, 長洲好去處, 香港, 香港旅遊, 香港旅遊點, 香港離島好去處, 點去

第三站:冰廠豆腐花
地址:長洲冰廠路6號地舖
營業時間:星期一至五 14:30後營業;星期六日及公眾假期 11:30後營業

行完山,就梗係要嘆個下午茶啦!冰廠豆腐花鄰近長洲消防局,網上見到有人話,呢度嘅豆腐花每日都係限量供應,想食嘅當然唔可以太遲去,但太早去都唔得架喎,因為老闆娘又無咁早開門,我哋今日大概3點左右,行到熱辣辣,終於試到呢碗豆腐花啦。豆腐花夠滑就唔多講,因為佢嘅更大賣點係個豆味超超超濃!加埋薑汁,簡值就係絕配!

第四站:康蘭餅店
地址:長洲海傍道91號B地下
營業時間:星期一至日 06:00 – 19:30
電話:+852 2981 5218

一碗豆腐花做下午茶又邊夠飽呢?所以轉場去康蘭餅店啦!“康蘭餅店?平安包麻,成日食架啦!” 話說,好多人對康蘭嘅認識,都係佢嘅平安包,我哋都唔例外,今日路過都只係想買隻平安包,但撞啱佢嘅蛋撻仔出爐,一試難忘!呢個蛋撻仔HK$10就有4隻,好抵食呀!新鮮出爐嘅蛋撻仔,熱辣辣,蛋嘅部份好滑,蛋香十足。一啖一隻,啱啱好!

第五站:北眺亭(港版函館夜景)
提提你:記住帶備電筒或頭燈,因為入夜後沿路並無街燈

趁日落之前就開始起步前往北眺亭啦!喺呢度可以眺望長洲全景,特別係入夜之後,真係好似日本北海道函館嘅百萬夜景,勁靚呀!
詳情:港版函館夜景 長洲北眺亭郊遊遊

第六站:濤濤居火鍋煲仔菜
地址:長洲北社七里一號前座
電話:+852 6886 7130
營業時間:星期一至日 12:00 – 22:00

晚餐就梗係要對自己好啲,入嚟離島無理由唔食海鮮掛!由碼頭至海旁一帶都有唔少海鮮餐廳嘅選擇。不過,長洲有唔少海鮮餐廳就唔多老實,我哋好耐之前就唔小心幫襯過黑店喇!好彩今日嚟到濤濤居火鍋煲仔菜,呢度嘅嘢食夠新鮮又有鑊氣,最重要係公道老實!呢碟豉椒蟶子炒麵,麵底炸到脆卜卜,上面就係勁有鑊氣嘅豉椒炒蟶子。蟶子大大隻完全無沙,加上豉椒汁非常濃郁,將脆卜卜嘅炒麵點上豉椒汁,夠晒香口惹味。
詳情:長洲豐富海鮮盛宴 濤濤居火鍋煲仔菜

A姐M佬九大簋, 中菜館, 大排檔, 廣東菜, 推介, 推薦, 海鮮, 濤濤居, 濤濤居火鍋煲仔菜, 粵菜, 美食, 街坊食堂, 評論, 長洲, 長洲美食, 食乜好, 食評, 餐廳, 香港

第七站:鈴小町
地址:長洲建新里6號海景樓B座地舖
電話:+852 5565 2065

如果海鮮唔啱食,行到咁攰,食放題打邊爐就最啱!餐廳有肥老闆駐場,睇佢嘅身型就知對食物係有執著啦!呢度嘅肉類有兩款,分別係美國肥牛同日本黑豚肉。兩款s肉都切得夠薄,輕輕一盪就食得。美國肥牛嘅牛肉味香濃,油花分佈平均,接近入口即熔;而更大驚喜係日本黑豚肉(要知道豚肉嘅驚喜一向都比牛肉少),超鮮嫩而豚肉香味一流,值得一再encore!
詳情:肥老闆對食物的堅持 長洲日式火鍋放題鈴小町

第八站:西園
地址:香港長洲西灣DD CC Lot 12
電話:+852 2666 9556
網址:www.saiyuenfarm.com

如果想喺長洲住番晚嘅,呢度有酒店、民宿、旅館、仲有渡假屋,但我哋今次就玩Glamping啦!所謂Glamping就係唔洗自己帶露營用品,但又有露營嘅感覺。呢度分為四大營區:印第安營、南非營、觀星圓拱屋、蒙古包合共40個營,各具特色,亦為住客提供沐浴用品、毛巾等個人用品,而所有營內都備有燈、牀同被鋪,而部份營內仲有獨立洗手間、水冷空調同風扇等設備。而呢個觀星圓拱屋營區喺長洲西園最受歡迎嘅營區,朝早可以好休閒咁欣賞海景、黃昏仲睇到日落美景,而夜晚仲可以睇到星海架!
詳情:仲玩Camping? 識玩一定去長洲西園歎Glamping

第九站:陳通記
地址:長洲海傍街熟食中心13號舖
營業時間:星期二至日 05:00 – 17:00
電話:+852 2981 8877

如果酒店無包早餐嘅,不如就嚟陳通記食碗沙嗲牛肉通粉啦!佢嘅沙嗲唔係sell辣,係sell濃香嘅沙嗲!牛肉當然同沙嗲好夾,入晒味同夠軟腍,而麵底有好多選擇,但我哋強烈推介通粉/米通,因為通粉/米通嘅通心部份會索晒啲沙嗲汁,份量又夠多,好滿足架!
詳情:必食沙嗲牛肉 長洲陳通記

第十站:食水配水庫公園(港版鳥居)

由長貴路出發,呢條係水泥平路,中途將會經過沙灘同公園,仲可以遠眺對岸嘅大嶼山芝麻灣半島。經過桂濤花園之後,轉入長北路,沿大斜路行上去,中途所有分叉路都唔理,大概行15分鐘,就會去到長洲食水配水庫旁邊公園,喺呢個公園就會睇到港版鳥居,嗱嗱臨影幾張相打卡啦!
詳情:港版鳥居打卡 長洲食水配水庫公園

第十一站:火車頭酸辣小窩
地址:長洲新興街36號地下
電話:+852 2981 2022
營業時間:星期二至五 11:30 – 21:00;星期六至日及公眾假期 11:30 – 17:00

臨走前不如食埋嘢先走啦!呢度嘅米線主打唔係平時食開嘅酸辣湯底或麻辣湯底,反而係超鮮甜嘅蜆肉紫菜湯底。湯底充滿紫菜同蜆肉嘅精華,好鮮甜呀!蜆肉份量勁多,足足有二十隻,完全無沙,尚算肥美!最後差唔多飲晒個湯,但一啲都唔口喝。
詳情:長洲在地人米線推介 火車頭酸辣小窩

世界各地/香港景點門票邊度買至平?
–> Klook:www.klook.com <–
–> Trip.com:www.trip.com <–
–> KKday:www.kkday.com <–

長洲 Cheung Chau

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
大眾點評:A姐M佬
Trip Advisor:AandMDiary
Youtube:A姐M佬玩樂日記
報料或合作:keepintouch@aandmdiary.com

aandmdiary

香港生活、飲食、旅遊、電影博客 Hong Kong Foodie, Lifestyle, Food, Travel and Movie Blogger & KOL, Hong Kong Blogger 分享香港餐廳美食推介及食評,影評最新電影評論及推薦,香港周末拍拖好去處,自由行行程景點建議安排,旅行攻略懶人包等。

Leave a Reply

Your email address will not be published. Required fields are marked *