Elements圓方The Pantry 周末好hea點 必食空氣感pancake

圓方,曾經被喻為偷情絕佳地方。嗱,A姐你唔好望住我呀,我無嚟過圓方偷情㗎,一定無,點都無! 你真係有所不知,依家已經今時唔同往日啦,圓方多咗好多人囉。

睇完戲,肚仔餓,梗係去醫下嗰肚先啦!! 頭先入戲院前見到隔離有間餐廳The Pantry,好似唔錯,試下先!

餐廳走無印簡約風,設計自然,周圍放咗好多植物!! 最正係有玻璃窗,太陽照入嚟,好relax。

嘩,唔好再感受嗰環境啦! 真係肚餓到可以食咗成隻牛啦,叫住啲小食頂住檔先! 我! 要! 充! 飢! 呀!

the-pantry_elements_pancake_kowloon-stations_food-and-lifestyle-blogger_hong-kong-5Scallop Carpaccio

the-pantry_elements_pancake_kowloon-stations_food-and-lifestyle-blogger_hong-kong-4

帶子刺身切得好薄,好鮮甜,再配青芥蒂末橄欖油,好清新。上面有少少parmesan芝士,好彩唔係好大陣芝士味,我M佬都食到!

Prawn and Mango Wrap

the-pantry_elements_pancake_kowloon-stations_food-and-lifestyle-blogger_hong-kong-3

the-pantry_elements_pancake_kowloon-stations_food-and-lifestyle-blogger_hong-kong-6

隻蝦好爽口彈牙,下面有芒果翡翠豆苗青瓜卷,好健康!! 配芝麻醬汁好夾,不過多啲醬就仲好!

Soft Shell Crab Salad

the-pantry_elements_pancake_kowloon-stations_food-and-lifestyle-blogger_hong-kong

the-pantry_elements_pancake_kowloon-stations_food-and-lifestyle-blogger_hong-kong-2

好鐘意嗰柚子沙律汁,好惹味清新,食到停唔到。嗰軟殼蟹新鮮炸起,熱辣辣,好脆口! 加埋芒果同車厘茄,正!

Prime Rib Eye Steak

the-pantry_elements_pancake_kowloon-stations_food-and-lifestyle-blogger_hong-kong-9

食完小食,3成飽啦! 係時候食牛! 我哋叫咗嗰5成熟肉眼,不過嚟到有啲似Medium well喎,好彩中間啲脂肪加番少少分! 薯角新鮮炸起,伴碟嘅羽衣甘藍沙律都係keep咁refresh!

Tom Yum Gong Risotto

the-pantry_elements_pancake_kowloon-stations_food-and-lifestyle-blogger_hong-kong-7

冬蔭公意大利飯,咁有趣? 唔係唔試吖麻? 一嚟到,就聞到好香香茅味。隻大虎蝦,燒得幾香,啖啖肉,點埋嗰醬汁,吊晒啲鮮味出嚟。講真,嗰意大利飯食落去就無咩冬蔭功味啦,只係好濃香茅味,不過嗰搭配都算特別嘅!

the-pantry_elements_pancake_kowloon-stations_food-and-lifestyle-blogger_hong-kong-8

The Pantry’s Pancakes 

the-pantry_elements_pancake_kowloon-stations_food-and-lifestyle-blogger_hong-kong-1

話說一入嚟餐廳,就成程都見到枱枱都叫Pancake,唔執輸,叫返嗰先。呢度嘅Pancake好厚身,同近期勁hit嘅日本空氣感Pancake有啲似。我哋揀咗原味嘅Signature Pancake,有牛油、楓糖漿、忌廉、新鮮士多啤梨同雜莓,試佢最原來嘅味道。入口感覺好軟綿綿,好似食緊梳乎厘,牛油香味好濃Pancake放咗一段時間都無塌落嚟,質素唔錯。

The Pantry
地址:尖沙咀柯士甸道西1號圓方2樓2133號舖
營業時間:星期一至日: 11:30-22:00
電話:+852 2348 8219

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
報料或合作:aandmdiaryhk@gmail.com

aandmdiary

香港生活、飲食、旅遊、電影博客 Hong Kong Foodie, Lifestyle, Food, Travel and Movie Blogger & KOL, Hong Kong Blogger 分享香港餐廳美食推介及食評,影評最新電影評論及推薦,香港周末拍拖好去處,自由行行程景點建議安排,旅行攻略懶人包等。

Leave a Reply

Your email address will not be published. Required fields are marked *