影評 —《再見小熊心》 Goodbye Christopher Robin 鋪墊巧妙 份外感人

A姐:我哋去睇《小熊維尼》囉!
M佬:乜《小熊維尼》電影上咗啦咩?唔係下半年先上咩?
A姐:唔係真人版《小熊維尼》,係講《小熊維尼》作者嘅《再見小熊心》Goodbye Christopher Robin呀!
M佬:講清楚啲吖嘛!

電影《再見小熊心》根據《小熊維尼》作者Milne米恩(當勞格利遜 飾)真人真事改編。故事講述第一次世界大戰後,米恩安全回國,不過猶有餘悸,接受唔到英國Chealsea嘅繁華嘈吵,決定舉家搬去East Sussex農場。機緣巧合下,同仔仔Christopher Robin克里斯多弗羅賓喺森林玩,成為創作靈感,寫咗大賣嘅《小熊維尼》Winnie The Pooh,羅賓就一夜成名,不過卻賠上天真嘅童年……

鋪墊巧妙 份外感人
電影以年老米恩收到信件展開,雖然未知封信講咩,不過米恩同老婆嘅表情加埋米恩拎住嗰板球睹物思人嘅行為,都Feel到一絲嘅悲傷,懸念支撐整套電影,好想知道封信講咩。鏡頭一轉,倒敍米恩第一次世界大戰嘅場景,屍橫遍野,十分恐怖。其後,故事不斷穿插米恩見到射燈,聽到氣球爆破,勾起戰爭死裡逃生嘅恐懼,戰爭嘅伏筆不斷。老婆誕下羅賓,第一時間唔係開心,而係喺床上痛哭,仲以為佢有產後抑鬱,原來係因為生嘅係男仔,唔想嗰仔第日要當兵,電影反戰嘅思想已經呼之欲出。第二世界大戰爆發,原本羅賓唔洗出征,不過佢自告奮勇,米恩喺火車站含淚叫兒子唔好去,真係令人心酸。因為故事重重鋪墊,到米恩收信懷疑羅賓失蹤或陣亡嘅一刻,更為感人,成功渲染氣氛。

以小見大 怪獸家長
《小熊維尼》係米恩根據仔仔羅賓同熊仔Winnie而創作。在羅賓心目中,佢係同爸爸玩緊,卻成為爸爸嘅寫作養分。當故事成名之後,相繼有雜誌嚟訪問真羅賓,令原來天真無邪嘅童年起了變化。其中,羅賓媽媽更視仔仔為搖錢樹,將日程排到密密麻麻。最恐怖係佢一喺美國返嚟就帶羅賓去熊仔店,唔係想氹佢開心,而係推佢出去同粉絲會面。現今怪獸家長可作借鏡,唔好剝奪仔女應有嘅童年,唔好製造另一個羅賓。

再見小熊心 Goodbye Christopher Robin
導演:西蒙高特斯
演員:當勞格利遜、瑪歌羅比、韋狄遜
片長:1小時47分
級別:IIA 級
語言:英語 (中英文字幕)
上映:15.3.2018 (公映)

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
報料或合作:Keepintouch@aandmdiary.com

aandmdiary

香港生活、飲食、旅遊、電影博客 Hong Kong Foodie, Lifestyle, Food, Travel and Movie Blogger & KOL, Hong Kong Blogger 分享香港餐廳美食推介及食評,影評最新電影評論及推薦,香港周末拍拖好去處,自由行行程景點建議安排,旅行攻略懶人包等。

Leave a Reply

Your email address will not be published.