影評 —《盜墓迷城》The Mummy 2017 毫無懸念 缺乏張力

8號風球早咗放工有咩做? 好彩屋企樓下有戲院,就梗係去睇番場戲啦。話說年頭嗰陣,我哋兩個見到《盜墓迷城》The Mummy (臺灣: 神鬼傳奇)上映,都已經超級期待。之前三集《盜墓迷城》同《蠍子王》前傳,我M佬都有捧場,而A姐一見到電影Poster有Tom Cruise,都話一定要睇。於是,我哋就買飛入場,不過就失望而回。

電影講述埃及公主Ahmanet原本係繼承王位嘅必然人選。不過當男繼承人出世後,Ahmanet王位就受到威脅。佢為咗報仇,不惜借助死亡之神嘅力量,殺死父親同男繼承人,可惜最後被活生生製成木乃伊,長期封印於地下。機緣巧合下,Nick(Tom Cruise 飾)發現咗Ahmanet嘅棺木,更喚醒咗Ahmanet,不幸卻被捲入咒語當中。

Dark Universe 闇黑宇宙

如果大家無遲入場,都一定見到電影片頭出現嘅Dark Universe,呢個究竟係乜東東? 原來Dark Universe係Universal Studio今年推出嘅怪獸電影系列,而《盜墓迷城》就係第一炮。之後仲會有《科學怪人的新娘》、《狼人》等電影陸續上映。目的係將Universal Studio之前創造嘅角色放係同一時空,明顯係對抗Marvel同DC嘅Super Hero系列。今次《盜墓迷城》中嘅Doctor Henry同Nick就係Dark Universe系列嘅怪獸之一。

毫無懸念 缺乏張力

電影一開頭就講晒成個Ahmanet嘅故事,而Nick喚醒Ahmanet,兩人之間嘅對話出奇咁直白,連古埃及文都出晒字幕。記得之前嘅《盜墓迷城》都有古埃及文,不過大家係唔會即刻知道係咩意思,要等故事推展落去,先會揭曉。反而應該唔好咁快話畀你知Nick就係被Ahmanet揀選,而去到電影中段先話畀大家知,會更加引人入勝。唯一比較有懸念嘅就係Nick拍檔喺飛機上殺人嗰一幕,不過好快就知道係咩一回事。所以今次《盜墓迷城》毫無伏筆可言,失去《盜墓迷城》應有嘅懸念同緊湊,令人失望。

爛尾收場 鋪墊不足

電影結尾講述為咗解咒嘅Nick突然由貪小便宜嘅賊仔突然為咗拯救世界,決定犧牲自己。呢個轉折真係令人摸不著頭腦,究竟發生咗咩事? 明顯係電影鋪墊不足,令呢個衝突點出現斷層。宏觀嚟睇,結局明顯係刻意鋪排Dark Universe之後嘅電影,不過略嫌鋪排薄弱。

盜墓迷城 The Mummy 2017
導演:阿歷斯卻士文
演員:湯告魯斯、羅素高爾、蘇菲亞寶堤拉、安娜貝爾禾麗絲、積莊遜、葛尼雲斯
片長:1小時51分
級別:IIB 級
語言:英語 (中英文字幕)
上映:1.6.2017 (公映)

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
報料或合作:aandmdiaryhk@gmail.com

aandmdiary

香港生活、飲食、旅遊、電影博客 Hong Kong Foodie, Lifestyle, Food, Travel and Movie Blogger & KOL, Hong Kong Blogger 分享香港餐廳美食推介及食評,影評最新電影評論及推薦,香港周末拍拖好去處,自由行行程景點建議安排,旅行攻略懶人包等。

Leave a Reply

Your email address will not be published.