Made in Canada 加拿大市集@D2 Place
近年多咗時間留喺香港，開始更着重生活質素。特別係對食物嘅要求，更加唔可以隨隨便便，盡量會選購有機出品，不添加防腐劑嘅食材，其中「Made in Canada」絕對係信心嘅保證。如果你都想對自己好啲，今個weekend（2021年7月9至11日）可以嚟到D2 Place The Garage嘅「加拿大Beautiful Day美好生活市集」，搜購加拿大嘅優質食材同生活用品啦！
優質食材
講起加拿大，一定會諗起大自然嘅風景同清新嘅空氣，所以加拿大嘅食材多元化，無論肉類、蔬果定海鮮都夠晒新鮮！加拿大市集當然唔少得售賣區，可以即場了解，再大手入貨。
Willowgrove Hill
豬隻嚟自加拿大自家農場，並無添加抗生素、防腐劑、味精同瘦肉精，所以食得較健康之餘，肉質會較鮮嫩，肉味更香濃！如果你平時都有落廚嘅習慣，呢度就有冰鮮豬柳、免治豬肉等肉類選擇，店員特別推介免治豬肉，提議以泰式煮法，加少少檸檬汁，夏天食就夠晒醒胃啦！
如果平時要返工，呢度亦有腩肉片，只要熔咗雪就可以整個壽喜燒打邊爐或者韓燒啦！若果你都係嫌煩，呢啲即食包就更適合你，三款由 Willowgrove Hill豬肉製成嘅即食餸包分別係：法式紅酒燉豬肉、俄式豬肉牛肝菌、泰式青咖喱豬肉，輕輕鬆鬆翻熱就食得啦！
Central City Wines
除咗蘇格蘭，加拿大嘅威士忌同樣享負盛名！除咗經典嘅威士忌，今年代理商仲特別引入果味較濃嘅威士忌，啱晒威士忌初哥嘅我。店員仲推介加入梳打同汽水等飲品，輕易自製成一杯cocktail啦！
De Lavalle
去加拿大旅行，又點少得參觀酒莊呢？我就特別鍾意甜度高嘅ICE Wine，每次返加拿大都會買幾支返嚟看門口。呢度除咗有加拿大直送嘅ICE Wine，仲有多款果味馥郁嘅果酒俾你選擇，使用當地盛產嘅水果同果樹製作果酒，再採用冷凍壓榨技術，使果酒有濃郁嘅果香味。
B.C. Fine Food
加拿大有長長嘅海岸線，部份更位於北極圈，所以海水潔淨無污染，而且野生海產繁多。而B.C. Fine Food售賣可持續海鮮，其中野生捕撈嘅三文魚、有機大西洋藍青口、野生銀鱈魚柳、野生大西洋龍蝦尾同帶子更加係主打。一於買啲返屋企啦！
加拿大PEI純天然藍莓汁
藍梅係健康嘅食物，呢支加拿大PEI純天然藍莓汁就嚴選天然野生藍莓，榨成 100%純果汁，係有益心臟健康、能保護泌尿道、增強免疫力、保護視力、 防治便秘、提高腦力、降低血糖、強壯骨骼嘅天然飲品。
Gwen Miller
格蘭天然全素產品係加拿大生產，產品絕無酒精同化學品，更絕無經過動物測試，100%純天然草本成分，更獲得加拿大衞生部發出嘅NPN認証。特別鍾意佢出品嘅潤唇膏，夠晒潤又可以處理唇瘡問題。
BEIS Leather
近年好多人都鍾意皮革，除咗設計簡約優雅，加上皮革屬中性路線，男女都啱用，更可以親手創作獨一無二嘅皮革禮物送俾至愛。BEIS Leather雖然係本地嘅真皮皮革工作坊，除咗提供皮革品訂做服務，亦有工作坊讓學員親手製造皮革或其他工藝品。今次適逢係加拿大嘅市集，特別創造出紅色楓葉嘅皮革品，夠晒時尚。
世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–
加拿大Beautiful Day美好生活市集
日期：2021年7月9至11日
時間：11:00 – 20:00（2021年7月9至10日）、11:00 – 19:00（2021年7月11日）
地址：九龍荔枝角長義街D2 Place 二期地下The Garage
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
